Кола грукатала

«Ко́ла груката́ла» (трансліт.: Koła hrukatała) — пяты студыйны альбом беларускага фолк-мадэрн гурта Палац, выдадзены ў кастрычніку 2012 года. Альбом стаў першым рэлізам гурта за дзесяць год і атрымаў добрыя водгукі крытыкаў.^[1]

Кола грукатала
Студыйны альбом Палац
Дата выпуску	кастрычнік 2012
Запісаны	2005-2012
Жанр	Фолк-рок Інды-фолк
Працягласць	48:05
Мова песень	Беларуская
Лэйбл	Вігма
Прафесійныя рэцэнзіі
Experty.by
Храналогія Палац
Святочны (2003) Кола грукатала Салдат-доктар (2012)
Сінглы з Кола грукатала
«Кола грукатала» Выпушчаны: 2007

Пра альбом

Большасць спеваў з альбома належаць аўтарству лідара гурта Алегу Хаменка, аднак усе яны звязаны з беларускімі легендамі і паданнямі. Кожная кампазіцыя прысвечана канкрэтнаму святу або падзеі. Так, песня «Кола грукатала» звязана са святам Сёмухай (Троіцай), «Прыляцела ластаўка» — са святам Пятра і Паўла. Кампазіцыя «Праваджала маці сына» была створана на аснове ўзгадвання аб спеве, які спявалі удзельнікі паўстання 1863—1864 гадоў.^[2]

Афіцыйная прэм’ера трэка «Ластаўка» адбылася вясной 2006 года. Кампазіцыя «Кола грукатала», адзін з найбольш вядомых хітоў гурта, была прадстаўлена ў канцы 2007 года ў межах адборачнага тура на конкурс «Еўрабачанне».^[1]

Песні «Страла» і «Русалкі» — беларускія народныя спевы, упершыню запісаныя гуртом у 1995 годзе для альбома «Палац»; на дыску яны прысутнічаюць у якасці дадатка ў новых аранжыроўках. Інструментальная частка альбома ўяўляе сабой саўндтрэкі для праекта «Салдат-доктар», прэзентаванага ў тым жа годзе.

На песню «Кола грукатала» зняты відэакліп.^[3]

Рэцэнзіі

Альбом быў добра сустрэты крытыкамі: на сайце Experty.by, прысвечанаму беларускай музыцы, ён атрымаў сярэднюю адзнаку 9,00 з 10. Дзмітрый Безкаравайны адзначыў, што сутнасць цяперашняга «Палаца» — у глыбіні, якую могуць даць толькі жывыя класікі. На думку Сяргея Будкіна, у дыск увайшлі спевы, якія ўжо можна запісваць у класіку айчыннай фолк-музыкі. Таксама ён вылучыў песню «Стаіць вярба», якая зноў набрала соку ды ажыла. Эксперт Алег Клімаў напісаў, што альбом не надта выбітны, але «прахадных» кампазіцый у ім няма. Станоўчы водгук ад Дзмітрыя Падбярэзскага атрымаў спеў «Шэрая поўсць», па яго словах надзвычай ударны нумар з выразна падкрэсленай рокавай асновай, аднак неадназначную рэакцыю выклікаў трэк «Спейце, хлопцы», у якой цытата з песні «Радзіма мая дарагая» кампазітара Уладзіміра Алоўнікава ў гітарным сола падалася яму залішне просталінейнай.^[1]

Узнагароды і ўплыў

Альбом выйграў узнагароду ў намінацыі «Лепшы фолк-альбом» за 2012 год па версіі сайта Experty.by.^[4], а таксама заняў пятае месца сярод лепшых беларускіх альбомаў, выдадзеных з 2008 па 2012 гады.^[5]

Спеў «Кола грукатала» заняў шэсцьдзясят другое месца ў рэйтынгу «100 найвялікшых беларускіх песень» па версіі інтэрнэт-сайту «Тузін Гітоў», складзеным у 2015 годзе.^[6]

Трэкліст

№	Назва	Словы	Музыка	Працягласць
1.	«Кола грукатала»	Алег Хаменка паводле традыцыйных спеваў свята "Сёмуха"	Алег Хаменка	3:34
2.	«Хай месяц лунае»	Алег Хаменка паводле народнай прыказкі	Алег Хаменка	4:38
3.	«Шэрая поўсць»	Алег Хаменка	Алег Хаменка	3:21
4.	«Стаіць вярба»	народныя	народная, апрацоўка Алега Хаменкі і гурта "Палац"	3:45
5.	«Прыляцела ластаўка»	народныя	Алег Хаменка паводле традыцыйных спеваў свята Пятра і Паўла	4:42
6.	«Птушка»	Анатоль Сыс	Алег Хаменка	4:48
7.	«Маці»	Алег Хаменка	Алег Хаменка	3:59
8.	«Спейце, хлопцы»	Алег Хаменка	Алег Хаменка	4:15

Дадатак 1:

№	Назва	Словы	Музыка	Працягласць
9.	«Страла»	народныя	народныя, апрацоўка гурта "Палац"	4:22
10.	«Русалкі»	народныя	народныя, апрацоўка гурта "Палац"	3:51

Дадатак 2:

№	Назва	Музыка	Працягласць
11.	«Вясельны маршык»	Дзмітрый Карабач, аранжыроўка гурта "Палац"	1:53
12.	«Фаніпальскі вальс»	Дзмітрый Карабач, аранжыроўка гурта "Палац"	2:27
13.	«Марш Белякова»	Юрый Белякоў, аранжыроўка гурта "Палац"	2:14
14.	«Грукоча кола млына»	гурт "Палац"	3:36

Удзельнікі запісу

Музыка — Алег Хаменка (1,2,3,5,6,8), народная ў апрацоўцы Алега Хаменкі (4), народная ў апрацоўцы гурта «Палац» (9,10), Дзмітрый Карабач (11,12), Юрый Белякоў (13)

Словы — Алег Хаменка паводле народных спеваў і прыказак (1,2,3), Алег Хаменка (3,7,8), народныя (4,9,10), Анатоль Сыс (6)

• Алег Хаменка — вакал, акустычная гітара
• Дзмітрый Карабач — вакал, колавая ліра, акардэон
• Юрый Белякоў — вакал, труба, жалейка, перкусія
• Андрэй Рэй Хвісевіч — вакал, сінтэзатары, перкусія
• Сяргей Трухановіч — гітара
• Дзмітрый Жыгараў — бас-гітара
• Андрэй Цераховіч — ударныя інструменты
• Усевалад Гроднікаў — гукатэхніка.

Зноскі

1. /Палац «Кола грукатала» (+аўдыё)
2. /Группа «Палац» в год своего 20-летия выпустила два новых диска Архівавана 4 сакавіка 2016.
3. Відэакліп на песню «Кола грукатала» гурта «Палац»
4. Лучшие альбомы 2012 (+аудио)
5. Троіца «Зімачка» — лучший альбом за 5 лет (+аудио)
6. 100 найвялікшых беларускіх песень па вэрсіі Tuzin.fm (фота/аўдыё/відэа) Архівавана 6 лютага 2019.