Уладзімір Уладзіміравіч Алоўнікаў

У Вікіпедыі ёсць артыкулы пра іншых людзей з прозвішчам Алоўнікаў.

Уладзі́мір Уладзі́міравіч Ало́ўнікаў (16 студзеня 1919(1919-01-16), Бабруйск, Менская губерня — 31 ліпеня 1996(1996-07-31), Мінск) — беларускі кампазітар. Заслужаны дзеяч мастацтваў Беларусі (1957). Народны артыст Беларусі (1970). Прафесар (1980).

Уладзімір Уладзіміравіч Алоўнікаў
Дата нараджэння	16 студзеня 1919(1919-01-16)
Месца нараджэння	Бабруйск, Бабруйскі павет, Менская губерня, Беларуская ССР
Дата смерці	31 ліпеня 1996(1996-07-31) (77 гадоў)
Месца смерці	Мінск, Беларусь
Месца пахавання	Усходнія могілкі
Краіна	Беларусь  СССР
Дзеці	Ігар Уладзіміравіч Алоўнікаў
Альма-матар	Беларуская дзяржаўная кансерваторыя імя А. В. Луначарскага (1941)
Месца працы	Беларуская дзяржаўная акадэмія музыкі
Музычная дзейнасць
Прафесіі	кампазітар
Грамадская дзейнасць
Партыя	УКП(б)
Член у	Саюз кампазітараў СССР[d]
Узнагароды

Біяграфічныя звесткі

Скончыў Беларускую дзяржаўную кансерваторыю па класу кампазіцыі прафесара В. Залатарова ў 1941 годзе. Удзельнік Вялікай Айчыннай вайны.

З 1947 года — выкладчык, з 1966 года — дацэнт Беларускай кансерваторыі. У 1962—1982 гадах — рэктар Беларускай кансерваторыі.

Творчасць

У. Алоўнікаў — аўтар кантаты і араторыі, сімфанічных паэм, харавой і камерна-інструментальнай музыкі. Асаблівае месца ў яго творчасці займаюць песні, якія прынеслі кампазітару шырокую вядомасць. Пачатковы матыў адной з іх — «Радзіма, мая дарагая» — стаў пазыўнымі Беларускага радыё.

Творы

Сцэнічная музыка

• Музычна-харэаграфічная сцэнка «Чарадзей» для хору, салістаў-танцораў і двух баянаў (словы М. Клімковіча, 1979).

Вакальна-інструментальная музыка

• Араторыя «Партизанские песни» для сімфанічнага аркестра, хору і салістаў (словы беларускіх паэтаў-партызан, 1988)
• Кантата «Усім піянерам равеснік і брат» (памяці Марата Казея) для чытальніка, саліста, дзіцячага хору і аркестра (словы А. Вольскага, 1968)

Аркестравая музыка

Для сімфанічнага аркестра

• Сімфонія № 1 (1941)
• Паэма «Партызанская быль» (1952)
• Паэма «Нарач» (1954)
• Сюіта «Песні міру» (1958)
• «Урачыстая прэлюдыя» (1972)
• Эскіз «Куранты Брэсцкай крэпасці» (1975)

Для аркестра беларускіх народных інструментаў

• Сюіта «На Палессі» (1953)
• Музычная карцінка «Зорка Венера» (1958).

Камерна-інструментальная музыка

• Струнныя квартэты: № 1 (1940), № 2 (1948)
• Для скрыпкі і фартэпіяна: Саната (1937), Гумарэска, Карагодны напеў (1950)
• Для фартэпіяна: «Недагаворанае» (1937), «Маленькая балада» (1938), Прэлюд (1940), Саната (1940), Пяць прэлюдый (1948), Эдюд (1948)
• Апрацоўкі беларускіх народных песень для фартэпіяна ў чатыры рукі: «Заінька», «Пайшоў каток у лясок», «У чыстым полі яліначка», «Ясная зараначка».
• Фартэпіяннае трыа (1939)
• Сюіта на тэмы беларускіх народных песень для квінтэта беларускіх дудак (1951)
• Песня-балада для кантрабаса з фартэпіяна (1988)

Вакальная музыка

• Для хору без суправаджэння: «На Палессі гоман, гоман», «Радзіме» (словы П. Броўкі, 1952), «Дуб», «Партызанскія акопы» (словы М. Танка, 1952), «Партызаны ідуць» (словы М. Шарамета, 1953).
• Для хору з суправаджэннем: «Песня дружбы» (словы А. Бялевіча, 1954), «Палеская святочная» (словы А. Русака, 1967), «Кастрычніцкі гімн» (словы К. Кірэенкі, 1970); апрацоўка беларускай народнай песні «Пайшоў Ясь наш на лужок».
• Рамансы: «Ты назваў мяне ільдзінай» (словы Э. Агняцвет, 1947), «I зноў былое ажыло» (словы А. Астрэйкі, 1948), «Ты прыйдзі» (словы Я. Купалы, 1948), «Дазволь цябе любіць» (словы 3. Бядулі, 1948) і інш.
• Апрацоўка беларускай народнай песні «Закаці, яснае сонейка» для голасу, цымбалаў і саксафона.
• Песні: «Песенька мінскіх дзяцей», «Песня пра Веру Харужую» (словы Э. Агняцвет); «Песня пра Заслонава» (словы А. Астрэйкі); «Даў слова — стрымай», «Радзіма, мая дарагая» (словы А. Бачылы); «Неман — сцяжына пешая» (словы Д. Бічэль-Загнетавай); «Вочы Беларусь» (словы Р. Барадуліна); «Споем, друзья, споем», «Туристская шуточная» (словы К. Гляйхенгауса); «Колокола Хатыни» (словы У. Гатоўскага); «Расцвіла чаромха бела» (словы А. Дзеружынскага); «Песенка закаленных», «Университетский вальс» (словы Р. Жбанкова); «Каля ёлкі» (словы В. Зуёнка); «Песня пра Мінск» (словы К. Кірэенкі); «Разгарэлася зорачка ясная» (словы М. Клімковіча); «Пакаленні» (словы П. Панчанкі); «Край палескі», «Крынічанька», «Лясная песня», «Прыляцелі гусі», «Салігорская раніца», «Ты прыйдзеш ка мне», «Я люблю», «Я нікому цябе не аддам» (словы А. Русака) і інш.

Прыкладная музыка

• Да драматычных спектакляў: «Брэсцкая крэпасць» (К. Губарэвіч).
• Да кінафільмаў: «Міколка-паравоз» (1957). «Девочка ищет отца» (1959). «Весенние грозы» (1960). «Улица младшего сына» (сумесна з Ю. Бельзацкім, 1962). «Дороги без привала» (1965). «Баллада о матери» (1966).

Сям’я

Сын — Ігар Уладзіміравіч Алоўнікаў (нар. 1954), беларускі музыкант.

Зноскі