Латакія

Латакі́я (грэч. Λαοδικεία, араб. اللاذقية‎ [Al-Lāðiqījah], турэцк.: Lazkiye, лац.: Laodicea ad Mare) — галоўны порт Сірыі на Міжземным моры. Насельніцтва — 554 000 чалавек.

Горад Латакія араб. اللاذقية‎ Герб Краіна  Сірыя Мухафаза Латакія Каардынаты 35°31′25″ пн. ш. 35°47′30″ у. д.HGЯO Плошча 58 км² Вышыня цэнтра 0 м Насельніцтва 554 000 чалавек Тэлефонны код 41 Афіцыйны сайт elatakia.sy (ар.) Латакія на карце Сірыі

Медыяфайлы на Вікісховішчы

Гісторыя

Вядомы з часоў фінікійцаў пад назвай Раміта. Пазней на яго месцы існаваў грэчаскі горад. Селеўк I Нікатар заснаваў горад нанова і назваў яго Лаадыкея. Горад быў разбураны землетрасеннямі ў 494 і 555 гг.

Захоплены арабамі ў 638 г. У 1097 г. захоплены крыжакамі. У 1188 г. адваяваны назад Саладзінам.

З XVI стагоддзя да Першай сусветнай вайны — горад у складзе Асманскай імперыі. У перыяд асманскага панавання горад насялялі пераважна алавіты, тым не менш сярод жыхароў была дастатковая колькасць сунітаў і хрысціян.

Пасля звяржэння караля Фейсала ўлада перайшла да французаў, якія падалі гораду аўтаномію. З 1930 па 1936 — сталіца санжака Латакія — намінальна аўтаномнай дзяржавы пад кіраўніцтвам Францыі пры мандаце Лігі Нацый.

З 1936 г. у складзе Сірыі. У жніўні 2011 года ў горадзе адбыліся ваенныя сутыкненні паміж урадавымі войскамі і сірыйскай апазіцыяй.

Клімат

Клімат Латакіі
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Сярэдні максімум, °C	15,6	16,3	18,4	21,5	24,2	26,8	28,9	29,7	29,0	26,8	22,1	17,3	23,0
Сярэдні мінімум, °C	8,4	9,0	10,9	14,0	17,1	20,9	24,0	24,5	22,1	18,4	13,7	10,0	16,0
Норма ападкаў, мм	162	99	90	44	21	4	0	4	7	67	95	160	753
Крыніца: World Weather, Ганконгская абсерваторыя

Культура

Ад антычнага перыяду ў горадзе захаваліся тэтрапілон і рэшткі каланады, сярод помнікаў пазнейшага часу — некалькі цэркваў 5—6 стст. і мячэцяў 14—18 стст. У раёне Латакіі маецца шэраг марскіх пляжаў, у тым ліку марскі курорт Шат аль-Азрак — «Блакітны бераг». Купальны сезон на тутэйшых неглыбокіх цёплых водах і пясчаных пляжах доўжыцца з мая па лістапад. Разваліны старажытнага горада Угарыт, дзе былі знойдзены найстаражытныя алфавітныя пісьмёны, знаходзяцца ўсяго ў 16 км на поўнач. У самым горадзе маецца невялікі музей (працуе ў першай палове дня, выхадны — аўторак).

Насельніцтва

Краявід горада з мора

У Латакіі пражывае найбольшая колькасць алавітаў ва ўсёй Сірыі. Вядомыя выхадцы Латакіі — Хафез аль-Асад, Башар аль-Асад, Хана Міна, Із ад-Дзін аль-Касам.

Латакія таксама з'яўляецца сталіцай аднайменнай мухафазы. Да 1991 г. тут размяшчалася база Міжземнаморскай эскадры ВМФ СССР.^[1]

Гарады-пабрацімы

•  Адэн, Емен
•  Газімагуса^[d], Паўночны Кіпр
•  Генуя, Італія
•  Канстанца, Румынія
•  Керкіра, Грэцыя
•  Мерсін, Турцыя
•  Рыміні, Італія
•  Сус, Туніс
•  /  Фамагуста^[d], Кіпр / Паўночны Кіпр

Зноскі

1. Расійская база ў Сірыі // Ъ-Газета