Мікалай Аляксандравіч Сталяроў

У Вікіпедыі ёсць артыкулы пра іншых людзей з прозвішчам Сталяроў.

Мікалай Аляксандравіч Сталяро́ў^[1] (8 верасня 1870, Кіеў — 1942, Мінск) — матэматык, прафесар (1914). Стацкі саветнік.

Мікалай Аляксандравіч Сталяроў
Дата нараджэння	8 верасня 1870(1870-09-08)
Месца нараджэння	Кіеў, Кіеўская губерня, Расійская імперыя
Дата смерці	1942
Месца смерці	Мінск, Генеральная акруга Беларусь, Рэйхскамісарыят Остланд
Грамадзянства	Расійская імперыя  СССР
Род дзейнасці	навуковец
Навуковая сфера	матэматыка
Месца працы	Кіеўскі політэхнічны інстытут Харкаўскі політэхнічны інстытут БДУ БНТУ Нацыянальны педагагічны ўніверсітэт імя М. П. Драгаманава Нацыянальная акадэмія выяўленчага мастацтва і архітэктуры Кіеўскі нацыянальны ўніверсітэт імя Тараса Шаўчэнкі
Навуковае званне	прафесар
Альма-матар	Кіеўскі нацыянальны ўніверсітэт імя Тараса Шаўчэнкі
Узнагароды

Біяграфія

Нарадзіўся ў Кіеве. У 1894 годзе скончыў матэматычнае аддзяленне фізіка-матэматычнага факультэта Кіеўскага Імператарскага ўніверсітэта Святога Уладзіміра. Выкладаў у Кіева-Падольскай і Фундуклееўскай жаночых гімназіях^[2]. З 1898 года выкладаў матэматыку ў Кіеўскім політэхнічным інстытуце. З 1914 па 1920 год — прафесар тэарэтычнай механікі Харкаўскага тэхналагічнага інстытута. У 1920—1932 гадах працаваў у Кіеўскім універсітэце^[3]. Адначасова выкладаў у Кіеўскім інстытуце народнай адукацыі, Кіеўскім мастацкім інстытуце^[2]. З 1 верасня 1932 года^[3] М. А. Сталяроў у Беларускім дзяржаўным універсітэце на кафедры тэарэтычнай механікі фізіка-матэматычнага факультэта, з 1938 года^[3] — загадчык кафедры. Адначасова з 1934^[3] года займаў пасаду загадчыка кафедры тэарэтычнай механікі Беларускага політэхнічнага інстытута.

Загінуў у 1942 годзе ў Мінску ў час нямецка-фашысцкай акупацыі.

Навуковая дзейнасць

Аўтар навуковых прац па ультраэліптычных квадратурах, геаметрыі, матэматычных метадах у механіцы, методыка выкладання тэарэтычнай механікі.

Сярод апублікаванага:

• Преобразование ультраэллиптических квадратур (Кіеў, 1899);
• Собрание упражнений в высшей математике (Кіеў, 1902);
• Введение в механику. Ч. 1—4 (Мінск, 1940—1941).

Заштатны акадэмік аддзялення Усеукраінскай акадэміі навук, старшыня матэматычнай секцыі пры Акадэміі^[2].

Узнагароды

Узнагароджаны ордэнамі Святога Уладзіміра 4-й ступені, Святой Ганны 2-й ступені, Святога Станіслава 2-й ступені^[2].

Зноскі

1. БелЭн 2002.
2. История ХПИ (руск.)
3. Столяров Николай Александрович, математика, 1870—1942 (руск.) на сайце анлайн-энцыклапедыі «Беларусь у асобах і падзеях»