Павел Акінфіевіч Хахлоў

Павел Акі́нфіевіч Хахло́ў (руск.: Павел Акинфиевич Хохлов; 21 ліпеня (2 жніўня) 1854 — 20 верасня 1919, Масква) — рускі оперны і канцэртны спявак (барытон), прадстаўнік рускай класічнай школы. Заслужаны артыст Імперскіх тэатраў (1900)^[3].

Павел Акінфіевіч Хахлоў
Асноўная інфармацыя
Дата нараджэння	21 ліпеня (2 жніўня) 1854 ці 29 чэрвеня (11 ліпеня) 1854
Месца нараджэння	Спаскі раён[d], СССР
Дата смерці	20 верасня 1919(1919-09-20)[1] (65 гадоў)
Месца смерці	Масква, Маскоўская губерня, РСФСР[d][2]
Месца пахавання	Новадзявочыя могілкі
Краіна	Расійская імперыя
Альма-матар	МДУ
Музычная дзейнасць
Прафесіі	оперны спявак
Гады актыўнасці	1879—1886, 1889—1900
Пеўчы голас	барытон
Інструменты	вакал
Медыяфайлы на Вікісховішчы

Нарадзіўся на сядзібе паблізу сяла Вусце Спаскага павета Тамбоўскай губерні (зараз у Пензенскай вобласці Расіі). У дзяцінстве вучыўся на фартэпіяна, скрыпцы, гітары. У 1878 годзе скончыў юрыдычны факультэт Маскоўскага ўніверсітэта. У 1873—1875 гг. браў урокі спеваў у Ю. Арнольда, у 1875—7189 гг. вучыўся ў А. Аляксандравай-Кочатавай, у 1880 г. удасканальваў вакальнае мастацтва ў Д. Ранконі, Ф. Варэзі ў Мілане^[3].

У лютым і сакавіку 1879 г. дэбютаваў у Вялікім тэатры(оперы «Фауст» Ш. Гуна і «Трубадур» Д. Вердзі). У Вялікім тэатры П. А Хахлоў выступаў да 1881 і ў 1882—1886, 1889—1900^[3] гг. У 1881 і 1887—1888 гг. саліст Марыінскага тэатра. У 1889 годзе гастраляваў у Празе. Таксама выступаў у Італіі і Францыі. У 1902 годзе даў развітальны бенефіс у Вялікім тэатры (два спектаклі «Яўген Анегін» з удзелам Н. Салінай, Л. Сабінава і Ф. І. Шаляпіна)^[3].

У 1900 годзе П. А. Хахлоў вярнуўся на радзіму ў Спаскі павет. Займаўся грамадскай дзейнасцю. У якасці старшыні земскай управы займаўся пытаннямі медыцыны і народнай асветы. У 1915 г. абраны дэпутатам Дзяржаўнай думы. У 1917 г. П. А. Хахлоў пераехаў у Маскву, працаваў у Рабоча-сялянскай інспекцыі.

Творчасць

Рэпертуар П. А. Хахлова налічвае 30 партый^[3]. Сярод іх:

• Анегін («Яўген Анегін» П. І. Чайкоўскага),
• Дземан («Дземан» А. Р. Рубінштэйна),
• Жэрмон («Травіята» Д. Вердзі),
• Ялецкі («Пікавая дама» П. І. Чайкоўскага),
• Руслан («Руслан и Людміла» М. І. Глінкі),
• Барыс Гадуноў («Барыс Гадуноў» М. П. Мусаргскага),
• Дон Жуан («Дон Жуан» В. А. Моцарта),
• Князь Ігар («Князь Ігар» А. П. Барадзіна)

і інш.

Спявак таксама часта выступаў у сімфанічных канцэртах у Маскве, Пецярбургу, Разані, Яраслаўлі, Туле, Тамбове, Смаленску і іншых гарадах Расіі. Выконваў рамансы Глінкі, Чайкоўскага, Шуберта, арыі з опер, рускія народныя песні. Прымаў удзел у дабрачынных канцэртах^[3].

Памяць

• У доме-музеі П. І. Чайкоўскага ў Кліну захоўваецца альбом з матэрыяламі пра творчасць П. А. Хахлова^[3].
• Быў выпушчаны паштовы канверт з партрэтам спевака^[3].
• У 1966 годзе у Політэхнічным музеі ў Маскве былі знойдзены грамафонныя пласцінкі з запісамі рамансаў у выкананні спевака^[3].

Зноскі

1. Хохлов Павел Акинфиевич // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
2. Хохлов Павел Акинфиевич // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 27 лютага 2017.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
3. Хохлов Павел Акинфиевич Архівавана 14 жніўня 2014. // Пружанский А. М. Отечественные певцы. 1750—1917: Словарь. — Изд. 2-е испр. и доп., электронное. — М., 2008. (руск.)