Святавольскі сельсавет

Святаво́льскі сельсавет — адміністрацыйна-тэрытарыяльная адзінка ў складзе Івацэвіцкага раёна Брэсцкай вобласці Беларусі. Цэнтр — аграгарадок Святая Воля.

Святавольскі сельсавет
Краіна	Беларусь
Уваходзіць у	Івацэвіцкі раён
Уключае	10 населеных пунктаў
Адміністрацыйны цэнтр	Святая Воля
Дата ўтварэння	12 кастрычніка 1940
Насельніцтва (2019)	1 296
Часавы пояс	UTC+03:00
Код аўтам. нумароў	1

Гісторыя

Утвораны 12 кастрычніка 1940 года ў складзе Целяханскага раёна Пінскай вобласці БССР. З 8 студзеня 1954 года ў Брэсцкай вобласці. З 8 жніўня 1959 года ў складзе Івацэвіцкага раёна, з 25 снежня 1962 года — Бярозаўскага раёна, з 6 студзеня 1965 года — Івацэвіцкага раёна. 4 верасня 1972 года скасавана вёска Малая Гаць (злілася з вёскай Святая Воля)^[1]. На 1 студзеня 1974 года ў складзе сельсавета 5 населеных пунктаў^[2]. 9 жніўня 2022 года да сельсавета далучана тэрыторыя скасаваных Аброўскага (аграгарадок Аброва) і Амяльнянскага (5 населеных пунктаў: аграгарадок Амяльная, вёскі Глінная, Гошча, Каранная і Коланск) сельсаветаў^[3].

Насельніцтва

Насельніцтва сельсавета паводле перапісу 2009 года (4 населеныя пункты) — 1433 чалавекі^[4], з іх 97,0 % — беларусы, 1,5 % — рускія, 0,8 % — украінцы^[5]; паводле перапісу 2019 года (4 населеныя пункты) — 1296 чалавек^[6].

Іншае

Старшыня — Шчурко Анатоль Пятровіч^[7].

Кіраўнік спраў — Сагановіч Валянціна Віктараўна^[7].