Святая Воля

Свята́я Во́ля^[2] (трансліт.: Sviataja Volia, руск.: Святая Воля) — аграгарадок^[3] у Івацэвіцкім раёне Брэсцкай вобласці Беларусі. Адміністрацыйны цэнтр Святавольскага сельсавета.

Аграгарадок Святая Воля Краіна Беларусь Вобласць Брэсцкая Раён Івацэвіцкі Сельсавет Святавольскі Каардынаты 52°32′10,55″ пн. ш. 25°40′49,61″ у. д.HGЯO Першая згадка 1724 Насельніцтва ▼413 чал. (2019)[1] Часавы пояс UTC+3 Тэлефонны код +375 1645 Паштовы індэкс 225274 Аўтамабільны код 1 Святая Воля на карце Беларусі ±

Святая Воля на Вікісховішчы

Геаграфія

Знаходзіцца за 33 км у напрамку на паўднёвы ўсход ад горада Івацэвічы, за 169 км ад Брэста, за 33 км ад чыгуначнай станцыі Івацэвічы^[4]. Праз аграгарадок праходзіць аўтамабільная дарога Р6.

Гісторыя

Вядома з XVII стагоддзя як вёска ў Пінскім павеце. 23 лістапада 1724 года кароль Аўгуст II надаў ёй правы мястэчка^[4]. З 1793 года Святая Воля ў Пінскім павеце Мінскай губерні Расійскай імперыі. У 1886 годзе была цэнтрам воласці. У 1920—1939 гадах цэнтр гміны ў Косаўскім павеце Палескага ваяводства Польшчы, з 1939 года — у складзе БССР. З 1944 года Святая Воля стала цэнтрам сельсавета ў Целяханскім раёне Пінскай вобласці. З 1954 года ў Брэсцкай вобласці: у 1959—1962 гадах у Івацэвіцкім раёне, у 1962—1965 — у Бярозаўскім раёне, з 1965 года — у Івацэвіцкім раёне. 4 верасня 1972 года да вёскі далучана вёска Малая Гаць^[5].

Насельніцтва

• 1886 год — 448 жыхароў, 44 двары^[4].
• 2001 год — 567 жыхароў, 270 двароў^[4].

Інфраструктура

На тэрыторыі аграгарадка знаходзяцца: базавая школа, Дом культуры, шпіталь, філіял № 111 ААТ «ААБ Беларусбанк», аддзяленне сувязі, аптэка, крамы.

Гістарычныя і памятныя мясціны

• Курганны могільнік перыяду ранняга сярэднявечча, размешчаны з правага боку ад дарогі аўтамабільнай дарогі Р-6 «Івацэвічы – Пінск – Столін» на в. Доўгае, за 1 км ад аграгарадка Святая Воля —  Гісторыка-культурная каштоўнасць Беларусі, шыфр 113В000315шыфр 113В000315.
• Магіла ахвяр фашызму.
• Помнік землякам, якія загінулі ў Вялікую Айчынную вайну.
• У 1992^[4] годзе пабудавана праваслаўная Свята-Крыжаўзвіжанская царква.

Вядомыя асобы

• Іван Іванавіч Паўлоўскі (нар. 1954) — педагог, вучоны, доктар педагагічных навук (2001).
• Вячаслаў Чарнуха-Воліч (нар. 1963) — дырыжор.

Зноскі

1. http://pop-stat.mashke.org/belarus-census-2019/bresckaja.htm
2. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
3. Решение Ивацевичского районного Совета депутатов от 21 февраля 2008 года № 62 "О преобразовании некоторых сельских населенных пунктов Ивацевичского района в агрогородки" (нявызн.).
4. БелЭн 2002.
5. Рашэнне выканаўчага камітэта Брэсцкага абласнога Савета дэпутатаў працоўных ад 4 верасня 1972 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1972, № 27 (1365).