Сетубал

Сету́бал^[1] (парт.: Setúbal; [sɨˈtubaɫ]) — горад і марскі порт у Партугаліі, цэнтр аднайменнага муніцыпалітэта і акругі Сетубал. Колькасць насельніцтва — 89,3 тыс. жыхароў (горад), 120,1 тыс. жыхароў (муніцыпалітэт). Горад і муніцыпалітэт уваходзяць у Лісабонскі рэгіён, у субрэгіёне Паўвостраў Сетубал, у агламерацыю Вялікі Лісабон.

Муніцыпалітэт Сетубал парт.: Setúbal Сцяг Герб Від на Сетубал і раку Саду Краіна  Партугалія Гістарычная вобласць Эштрэмадура Акруга Сетубал Муніцыпалітэт Сетубал Каардынаты 38°31′ пн. ш. 8°52′ з. д.HGЯO Унутранае дзяленне 8 раёнаў Мэр Марыя даш Дорыш Мейра Заснаваны 1249 Плошча 170,57 км² Водныя аб’екты Атлантычны акіян і Саду[d] Насельніцтва 122 554 чалавек (2006) Шчыльнасць 699 чал./км² Этнахаронім Setubalense, Sadino; Tubalense (паэт.) Часавы пояс UTC0, летам UTC+1 Тэлефонны код +351 65 Паштовы індэкс 2900 і 2910 Афіцыйны сайт mun-setubal.pt (парт.) Сетубал на карце Партугаліі

Медыяфайлы на Вікісховішчы

Історія

Статуя паэта Бакажэ

Вядома, што Сетубал быў заснаваны фінікійцамі прыкладна ў X стагоддзі да н.э. і прысвечаны богу ўрадлівасці Баалу (парт.: Baal). Быў важным марскім портам дзякуючы пастаўках солі, салёнай рыбы і харчовых прадуктаў. У сакавіку 1249 года горад быў перададзены Ордэну Сант’яга. Падчас землетрасення ў 1755 годзе горад панёс значныя страты — гістарычны цэнтр быў часткова разбураны. Статус горада атрымаў у 1860 годзе ў часы караля Дона Педру IV. З 1922 года становіцца адміністрацыйным цэнтрам аднайменнай акругі, а з 1975 года — цэнтрам епіскапата.

Цікавым фактам для Сетубала з’яўляецца тое, што пасля Рэвалюцыі гваздзікоў 1974 года тут заўсёды перамагае Камуністычная партыя Партугаліі (цяперашнім прэзідэнтам муніцыпальнай палаты Сетубал з’яўляецца камуністка Maria das Dores Meira).

Менавіта Сетубал з’яўляецца радзімай вядомага партугальскага трэнера Жазэ Маўрынью. З горадам таксама звязана жыццё вядомага партугальскага паэта Мануэла Бакажэ.

Насельніцтва

Насельніцтва муніцыпалітэта Сетубал (1801—2004)

1801	1849	1900	1930	1960	1981	1991	2001	2004
15442	15060	35990	50456	56344	98366	103634	113934	120117

Фотагалерэя

• 
  Храм Ісуса ў Сетубале
• 
  У порце Сетубал
• 
  Крэпасць Сан-Феліпэ (16 стагоддзе)
• 
  Царква Сан-Жуліян у цэнтры горада
• 
  Кляштар Ісуса ў Сетубале
• 
  Крыж перад храмам Ісуса
• 
  Уваходны партал кляштара Ісуса
• 
  Парк Жардын-Банфін

Гарады-пабрацімы

•  Porto Seguro^[d], Бразілія (21 сакавіка 2000)^[2][3]
•  Бавэ, Францыя (5 чэрвеня 1982)^[2][3]
•  Дэбрэцэн, Венгрыя (1 лістапада 2000)^[2][3][…]
•  Келіманэ, Мазамбік (25 ліпеня 2000)^[2][3]
•  Лейрыя, Партугалія (16 мая 1982)^[2][3]
•  По, Францыя (15 верасня 1991)^[2][3][…]
•  Сафі, Марока (22 кастрычніка 1990)^[2][3]
•  Тардэсільяс^[d], Іспанія (5 верасня 1994)^[2][3]
•  Удзінэ, Італія

Зноскі

1. БелЭн 2002.
2. https://www.mun-setubal.pt/relacoes-externas/
3. https://www.anmp.pt/anmp/pro/mun1/gem101l0.php?cod_ent=M2900