Сцяпан Паўлавіч Супрун

Сцяпан Паўлавіч Супру́н^[3] (20 ліпеня (2 жніўня) 1907, Рычкы, Харкаўская губерня^[1] — 4 ліпеня 1941(1941-07-04)^[2], Талачынскі раён, Віцебская вобласць) — савецкі лётчык-выпрабавальнік, ваенны лётчык-знішчальнік. Дэпутат Вярхоўнага Савета СССР. Удзельнік баёў на тэрыторыі Беларусі ў гады Вялікай Айчыннай вайны.

Сцяпан Паўлавіч Супрун
укр.: Степан Павлович Супрун
Дата нараджэння	20 ліпеня (2 жніўня) 1907
Месца нараджэння	Рычкы, Q12149817?, Сумскі павет[d], Харкаўская губерня, Расійская імперыя[1]
Дата смерці	4 ліпеня 1941(1941-07-04)[2] (33 гады)
Месца смерці	Талачынскі раён, Віцебская вобласць, Беларуская ССР, СССР
Месца пахавання	Новадзявочыя могілкі
Грамадзянства	СССР
Прыналежнасць	СССР
Род войскаў	авіяцыя і Raboče-Krest'janskij Krasnyj vozdušnyj flot[d]
Званне	падпалкоўнік
Камандаваў	Q19907273?
Бітвы/войны	Другая япона-кітайская вайна 1937-1945 Вялікая Айчынная вайна Другая сусветная вайна
Узнагароды і званні
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Супрун.

Блізкі сябар Валерыя Чкалава і Аляксандра Пакрышкіна. Першы двойчы Герой Савецкага Саюза ў Вялікай Айчыннай вайне (другі раз — пасмяротна).

Біяграфія

Нарадзіўся 2 жніўня 1907 года ў сяле Рычкы Сумскага павета Харкаўскай губерні (цяпер — Білапільскі раён Сумскай вобласці Украіны).

У 1910—1913 гадах жыў у ЗША, з 1913 года — у Канадзе^[4]. У 1924 годзе скончыў 8 класаў школы ў горадзе Вініпег^[4]. У 1924 годзе пераехаў разам з сям’ёй у СССР. Жыў у сяле Вострава (Алтайскі край), Алма-Аце^[4]. З 1925 года быў вучням у карэтнай майстэрні ў горадзе Белаполле, у 1925—1928 гадах працаваў у майстэрнях у горадзе Сумы, у 1928—1929 гадах — фрэзероўшчыкам на Сумскім машынабудаўнічым заводзе^[4]. З 1929 года на службе ў Чырвонай Арміі. У сакавіку 1930 года скончыў школу малодшых авіяцыйных спецыялістаў, у 1931 годзе — школу пілотаў Беларускай ваеннай акругі ў Смаленску^[4]. Служыў лётчыкам, камандзірам 91-й знішчальнай эскадрыллі ў Беларускай ваеннай акрузе^[4]. З ліпеня 1933 года С. П. Супрун лётчык-выпрабавальнік Навукова-даследчага інстытута ВПС РСЧА^[4]. Праводзіў выпрабаванні самалётаў І-16, І-180, Як-1, І-21, ЛаГГ-1, ЛаГГ-3, 2PA-L. У 1934—1939 гадах прымаў удзел у паветраных парадах на Краснай плошчы ў Маскве і на Тушынскім аэрадроме. У 1937 годзе абіраўся дэпутатам Вярхоўнага Савета СССР.

У 1939—1940 гадах прымаў удзел у япона-кітайскай вайне (у якасці камандзіра добраахвотнікаў лётчыкаў-знішчальнікаў^[3]) і ў савецка-фінляндскай вайне. У 1940 годзе быў адазваны ў Маскву і ў складзе камісіі па закупцы авіяцыйнай тэхнікі выязджаў у Германію, выконваў аблёт купленых самалётаў. Пасля вяртання з Германіі вярнуўся на працу ў Навукова-даследчы інстытут ВПС РСЧА^[4].

З пачаткам Вялікай Айчыннай вайны — на Заходнім фронце. Камандаваў сфармаваным з лётчыкаў-выпрабавальнікаў знішчальным авіяцыйным палком асобага прызначэння. У першым баі збіў два самалёты праціўніка. 4 ліпеня 1941 года, выконваючы чацвёрты за дзень баявы вылет на самалёце МіГ-3, уступіў у бой з шасцю нямецкімі знішчальнікамі Messerschmitt Bf.109. Самалёт С. Супруна быў падбіты і выканаў вымушаную пасадку на ўзлеску каля вёскі Манастыры (сучасная назва — Палявая) ў Талачынскім раёне Віцебскай вобласці. Пасля пасадкі самалёт Супруна ўзарваўся і лётчык загінуў^[4]. На месцы яго гібелі ўстаноўлены помнік^[3]. Быў пахаваны на месцы гібелі, а ў ліпені 1960 года перапахаваны на Новадзявочых могілках у Маскве^[4].

Зноскі

1. Супрун Степан Павлович // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 26 лютага 2017.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
2. Супрун Степан Павлович // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
3. БелЭн 2002.
4. Сцяпан Паўлавіч Супрун на сайце «Героі краіны»