Сяргей Бенядзіктавіч Карп

У паняцця ёсць і іншыя значэнні, гл. Карп.

Сярге́й Бенядзі́ктавіч Карп (1892, мястэчка Астравец, Віленская губерня, цяпер Гродзенская вобласць — 30 кастрычніка 1937) — дзяржаўны дзеяч БССР.

Сяргей Бенядзіктавіч Карп
Старшыня Дзяржаўнай планавай камісіі РСФСР 14 жніўня 1934 — 1937
Папярэднік	Іван Рогаў
Пераемнік	Канстанцін Цвярскі
Старшыня ВСНГ БССР люты 1927 — 17 верасня 1929
Кіраўнік урада	Мікалай Галадзед
Папярэднік	Аўгуст Калнін
Пераемнік	Рыгор Грысевіч
Намеснік Старшыні СНК БССР ліпень 1925 — 17 верасня 1929
Кіраўнік урада	Язэп Адамовіч Мікалай Галадзед
Пераемнік	Рыгор Грысевіч
Старшыня Дзяржаўнай планавай камісіі пры Эканамічнай Нарадзе Беларускай ССР ліпень 1925 — люты 1927
Кіраўнік урада	Язэп Адамовіч
Папярэднік	Стэфан Гельтман
Пераемнік	Марцін Карклін
Наркам фінансаў БССР 1924 — ліпень 1925
Кіраўнік урада	Язэп Адамовіч
Папярэднік	Станіслаў Талунціс
Пераемнік	Фадзей Браўковіч
Старшыня Мінскага гарадскога выканаўчага камітэта студзень 1924 — сакавік 1924
Кіраўнік урада	Язэп Адамовіч
Папярэднік	Адольф Гетнер
Пераемнік	Адам Славінскі
Нараджэнне	1892 Астравец, Ашмянскі павет, Віленская губерня, Расійская імперыя
Смерць	30 кастрычніка 1937(1937-10-30) Масква, РСФСР, СССР
Партыя	КПСС

Біяграфія

З 1912 года член яўрэйскай сацыял-дэмакратычнай партыі, уваходзіў у яе кіруючыя органы, з 1921 года член КПСС.

Пасля Кастрычніцкай рэвалюцыі 1917 года на савецкай і гаспадарчай рабоце.

З 1919 года па заданні Цэнтральнага бюро яўрэйскай секцыі пры ЦК РКП(б) ствараў левыя арганізацыі «Паалей Цыёна» ў Аўстрыі, Егіпце, Палесціне.

З 1924 года наркам фінансаў, у 1925—1929 намеснік старшыні СНК, адначасова да лютага 1927 года старшыня Дзяржплана, потым ВСНГ БССР.

З 1934 года старшыня Дзяржплана РСФСР. Член ЦВК БССР у 1922—1929. Член ЦК КП(б)Б у 1927—1929 гадах.

10 ліпеня 1937 года быў арыштаваны органамі НКУС СССР. Расстраляны 30 кастрычніка 1937 года. Рэабілітаваны пасмяротна Ваеннай калегіяй Вярхоўнага Суда СССР 22 лютага 1956 года.

Зноскі