Сяргей Сяргеевіч Атаеў

Сяргей Сяргеевіч Атаеў (18 мая 1916, г. Камянец-Падольскі — 28 снежня 2006) — беларускі савецкі вучоны ў галіне будаўніцтва. Доктар тэхнічных навук, прафесар (1963). Заслужаны будаўнік БССР (1962). Заслужаны дзеяч навукі і тэхнікі БССР (1980). Акадэмік Беларускай інжынернай акадэміі, Расійскай акадэміі архітэктуры і будаўнічых навук  (руск.), Акадэміі будаўніцтва Украіны  (укр.), ганаровы член Навукова-тэхнічнага таварыства СССР, лаўрэат прэміі Савета Міністраў СССР, уладальнік міжнароднага звання «Выбітны інжынер XX стагоддзя»

Сяргей Сяргеевіч Атаеў
Дата нараджэння	18 мая 1916(1916-05-18)
Месца нараджэння	Камянец-Падольскі, Камянец-Падольскі павет[d], Падольская губерня, Расійская імперыя
Дата смерці	28 снежня 2006(2006-12-28) (90 гадоў)
Месца смерці	Мінск, Беларусь
Грамадзянства	Беларусь  СССР
Род дзейнасці	навуковец
Навуковая сфера	будаўніцтва
Месца працы	ІБіА Дзяржбуда БССР Інстытут жылля – НДПТІБ імя Атаева С.С.[d] БНТУ Белтрактарабуд[d]
Навуковая ступень	доктар тэхнічных навук
Навуковае званне	прафесар акадэмік Беларускай інжынернай акадэміі Q123746289? Акадэмік Акадэміі будаўніцтва Украіны[d]
Альма-матар	Маскоўская дзяржаўная акадэмія камунальнай гаспадаркі і будаўніцтва[d] (1941)
Узнагароды

Біяграфія

Скончыў Маскоўскі інстытут інжынераў камунальнай гаспадаркі  (руск.) ў 1941. Працаваў у Маскве, у Паўднёва-Казахстанскай вобласці, галоўным інжынерам Упраўлення «Белтрактарбуд», будтрэста № 1. У 1957—1972 гадах дырэктар Інстытута будаўніцтва і архітэктуры Дзяржбуда БССР, з 1979 дырэктар Беларускага навукова-даследчага і праектна-тэхналагічнага інстытута арганізацыі і кіравання будаўніцтвам Дзяржбуда БССР, які цяпер носіць імя С. С. Атаева. Загадчык кафедры Беларускага політэхнічнага інстытута, з 1988 г. — прафесар кафедры тэхналогіі будаўнічай вытворчасці БПІу^[1].

На працягу амаль 30 гадоў ён кіраваў Беларускім навукова-тэхнічным таварыствам будаўнікоў. З’яўляўся старшынёй Прэзідэнцкага савета навукова-тэхнічных таварыстваў (НТТ) будаўнікоў краін СНД^[2].

Член КПСС з 1958 года. Пражываў у Мінску^[1].

Навуковая дзейнасць

Навуковыя працы прысвечаны праблемам комплекснай механізацыі і аўтаматызацыі будаўніцтва і распрацоўцы метадаў павышэння тэхнічнай надзейнасці будаўнічай вытворчасці.

Аўтар многіх вынаходніцтваў і амаль 200 навуковых прац, у тым ліку 11 манаграфій, якія аказалі прыкметны ўплыў на тэхнічны прагрэс у будаўніцтве.

• С. С. Атаев. Механизация работ в массовом жилищном строительстве / Ред. Ф. П. Винокуров. — Минск, 1955; АН БССР,Архитектурно-строительный сектор
• С. С. Атаев. Механизация и организация работ при возведении армо-керамических перекрытий : Монтаж сбор. элементов, технология изготовления и конструктив. особенности / С. С. Атаев, Н. П. Фролов ; Под ред. Ф. П. Винокурова
• С. С. Атаев. Гидротехническое строительство / [редкол.: Ф. П. Винокуров (отв. ред.) и др.]
• С. С. Атаев. Подъемно-транспортные работы в сборном жилищном строительстве / АН БССР ,Ин-т стр-ва и архитектуры ; Под ред. Ф. П. Винокурова

Узнагароды

У 2007 годзе ўзнагароджаны медалём Францыска Скарыны^[3]. Таксама ўзнагароджаны шматлікімі медалямі СССР, ордэнам Працоўнага Чырвонага Сцяга^[4] (1966), Ганаровымі граматамі Прэзідыума Вярхоўнага Савета БССР (1958, 1962, 1966)^[1].

Зноскі

1. Атаев Сергей Сергеевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
2. Атаев Сергей Сергеевич человек, строитель, педагог, ученый…(недаступная спасылка) (руск.)
3. Указ Президента Республики Беларусь от 21 мая 1996 г. № 177 «О награждении С. С. Атаева медалью Франциска Скорины»(недаступная спасылка)
4. Сергей Атаев: «Пьешь воду — помни об источнике»