Туроўля (возера)

Туроўля, Тураўля (Емяльянікі) — возера ў Беларусі, у Полацкім раёне Віцебскай вобласці.

Туроўля
Морфаметрыя
Вышыня над узроўнем мора	122,9 м
Даўжыня	3,2 км
Шырыня	0,5 км
Плошча	0,9 км²
Аб’ём	0,00025 км³
Даўжыня берагавой лініі	8,7 км
Найбольшая глыбіня	0,8 м
Сярэдняя глыбіня	0,3 м
Гідралогія
Салёнасць	да 0,22 ‰
Басейн
Плошча вадазбору	803,5 км²
Упадаюць	ручаі, пратока
Выцякаюць	Тураўлянка
Размяшчэнне
Краіна	Беларусь
Рэгіён	Віцебская вобласць
Туроўля
Туроўля
Медыяфайлы на Вікісховішчы

Знаходзіцца за 16^[1] км на поўдзень ад Полацка, ў басейне ракі Тураўлянка^[2] (прыток Заходняй Дзвіны), за 5 км у напрамку на паўночны ўсход ад аграгарадка Гомель^[1], каля вёскі Емяльянікі. Належыць да групы Ушацкіх азёр.

Плошча паверхні возера складае 0,9^[3] км². Даўжыня 3,2 км, найбольшая шырыня 500 м. Найбольшая глыбіня возера — 0,8^[3] м, сярэдняя каля 0,3 м. Даўжыня берагавой лініі 8,7 км. Плошча вадазбору 803,5 км².
Катлавіна возера рэшткавага тыпу, выцягнутая з паўднёвага захаду на паўночны ўсход. Схілы катлавіны вышынёй 10—18 м, на паўночным усходзе 7—9 м. Берагі высокія і забалочаныя, месцамі спадзістыя і пясчаныя. Дно, за выключэннем вузкай паласы ўздоўж берага, выслана слоем сапрапелю таўшчынёй да 9 м. Возера Туроўля дыстрофнае, моцна зарастае. Праточнае. Упадае пратока з возера Суя і ручаі, на паўночным усходзе выцякае рака Тураўлянка.

У возеры водзяцца лінь, карась, шчупак, акунь, плотка, краснапёрка і іншыя віды рыб.

Зноскі

1. Общая характеристика озёр Витебской области // Справочник «Водные объекты Республики Беларусь» Архівавана 6 кастрычніка 2021. (руск.)
2. Республика беларусь. Витебская область. Полоцкий район: карта / Ред. В. А. Змачинская. — Мн.: Белкартография, 2012. — 5 000 экз. (руск.)
3. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.