Уладзімір Васільевіч Калтовіч

У Вікіпедыі ёсць артыкулы пра іншых людзей з прозвішчам Калтовіч.

Уладзі́мір Васі́льевіч Калто́віч (нар. 1 кастрычніка 1966, Чэрвень, Беларуская ССР) — беларускі дзяржаўны дзеяч, міністр гандлю Беларусі (2015—2021).

Уладзімір Калтовіч
Міністр гандлю Рэспублікі Беларусь 17 снежня 2015 — 21 снежня 2021
Прэзідэнт	Аляксандр Лукашэнка
Кіраўнік урада	Андрэй Кабякоў Сяргей Румас Раман Галоўчанка
Папярэднік	Валянцін Чаканаў
Пераемнік	Аляксей Багданаў
Нараджэнне	1 кастрычніка 1966(1966-10-01) (58 гадоў) Чэрвень, Чэрвеньскі раён, Мінская вобласць, Беларуская ССР, СССР
Адукацыя	Беларускі дзяржаўны эканамічны ўніверсітэт (1992) Акадэмія кіравання пры Прэзідэнце Рэспублікі Беларусь (2001)
Узнагароды

Біяграфія

Нарадзіўся ў Чэрвені Мінскай вобласці Беларусі ў 1966 годзе.

Скончыў Інстытут народнай гаспадаркі, Акадэмію кіравання пры прэзідэнце Рэспублікі Беларусь.

Працаваў намеснікам генеральнага дырэктара ў буйных гандлёвых прадпрыемствах г. Мінска: універсаме «Беларусь» і гандлёвым доме «На Нямізе». Быў намеснікам кіраўніка Заводскага раёна Мінска.

У 2009—2010 гадах — намеснік, першы намеснік міністра гандлю Рэспублікі Беларусь.^[1]

У 2010—2012 гадах — намеснік старшыні Мінскага гарвыканкама.

Са снежня 2012 года працаваў у пасольстве Рэспублікі Беларусь у Расіі^[2].

З 17 снежня 2015 па 21 снежня 2021 года займаў пасаду міністра гандлю Рэспублікі Беларусь^[3]. 22 снежня 2021 года пераведзены на пасаду намесніка Кіраўніка Апарату Савета Міністраў Рэспублікі Беларусь^[4].

Зноскі

1. Прэзідэнт Беларусі прыняў кадравыя рашэнні
2. Намеснік старшыні Мінгарвыканкама атрымаў працу ў пасольстве Беларусі ў Расіі Архівавана 20 снежня 2015.
3. Прэзідэнт Беларусі назначыў членаў урада
4. ПАСТАНОВА САВЕТА МІНІСТРАЎ РЭСПУБЛІКІ БЕЛАРУСЬ 21 снежня 2021 г. № 740