Уладзімір Мікалаевіч Рыжанкоў

У Вікіпедыі ёсць артыкулы пра іншых людзей з прозвішчам Рыжанкоў.

Уладзі́мір Мікала́евіч Рыжанкоў (нар. 11 верасня 1945, Баранавічы — 12 снежня 1996, Мінск) — беларускі дзяржаўны дзеяч, першы міністр спорту і турызму Рэспублікі Беларусь (1995—1996).

Уладзімір Мікалаевіч Рыжанкоў
альтэрн.: Уладзімер Мікалаевіч Рыжанкоў
Міністр спорту і турызму Рэспублікі Беларусь 20 лістапада 1995 — 12 снежня 1996
Прэзідэнт	Аляксандр Лукашэнка
Кіраўнік урада	Міхаіл Чыгір
Папярэднік	пасада ўтворана
Пераемнік	Уладзімір Макейчык
Старшыня Дзяржаўнага камітэта па фізічнай культуры і спорту пры Савеце міністраў БССР 1990 — 1995
Кіраўнік урада	Вячаслаў Кебіч
Папярэднік	Валянцін Сазановіч
Пераемнік	пасада скасаваная
1-ы Прэзідэнт Нацыянальнага алімпійскага камітэта Беларусі 22 сакавіка 1991 — 12 снежня 1996
Пераемнік	Аляксандр Лукашэнка
Нараджэнне	11 верасня 1945(1945-09-11) Добруш, Добрушскі раён, Гомельская вобласць, Беларуская ССР, СССР
Смерць	12 снежня 1996(1996-12-12) (51 год) Мінск, Беларусь
Месца пахавання	Усходнія могілкі
Бацька	Мікалай Дзмітрыевіч
Маці	Зінаіда Міхайлаўна
Жонка	Браніслава Францаўна
Дзеці	Максім Уладзіміравіч Рыжанкоў
Партыя	КПСС
Адукацыя	Гомельскі дзяржаўны дарожна-будаўнічы каледж[d] (1964) Беларускі дзяржаўны інстытут фізічнай культуры (1972)[1] Мінская вышэйшая партыйная школа

Біяграфія

У 1964 годзе скончыў Гомельскі дарожна-будаўнічы тэхнікум, у 1972 — Беларускі дзяржаўны інстытут фізічнай культуры і Мінскую вышэйшую партыйную школу.

Пачаў працаваць у 1964 дарожным майстрам, служыў у шэрагах Савецкай Арміі, з 1972 года пасля заканчэння вучобы ў Беларускім дзяржаўным інстытуце фізічнай культуры застаўся ў ім жа працаваць выкладчыкам, сакратаром камітэта камсамола, затым загадчыкам метадычным кабінетам Белсаўпрофу.

У 1978 годзе прызначаны намеснікам старшыні Цэнтральнага Савета сельскага добраахвотнага спартыўнага таварыства «Ураджай», а ў 1979 годзе — начальнікам упраўлення фізічнага выхавання Камітэта па фізічнай культуры і спорту пры Савеце Міністраў БССР.

З 1982 года на партыйнай рабоце: інструктар, загадчык сектара фізкультуры і спорту аддзела адміністрацыйных органаў ЦК КПБ.

У 1990 годзе прызначаецца Старшынёй Дзяржаўнага Камітэта Рэспублікі Беларусь па фізічнай культуры і спорту.

З 22 сакавіка 1991 года быў абраны прэзідэнтам Нацыянальнага алімпійскага камітэта Рэспублікі Беларусь^[2].

У лістападзе 1995 года Указам Прэзідэнта Рэспублікі Беларусь прызначаны Міністрам спорту і турызму Рэспублікі Беларусь^[3].

Раптоўна памёр 12 снежня 1996 года, пахаваны на Усходніх могілках Мінска.

Зноскі

1. https://nn.by/?c=ar&i=182530&lang=ru
2. Нацыянальны алімпійскі камітэт Архівавана 26 чэрвеня 2015.
3. Указ Прэзідэнта Рэспублікі Беларусь ад 20 лістапада 1995 г. № 472 «Аб прызначэнні У. М. Рыжанкова Міністрам спорту і турызму Рэспублікі Беларусь»