Уладзіслаў Уладзіміравіч Марозаў

У Вікіпедыі ёсць артыкулы пра іншых людзей з прозвішчам Марозаў.

Уладзіслаў Марозаў (нар. 12 кастрычніка 2000, Брэст) — беларускі футбаліст, нападнік партугальскага клуба «Арока» і нацыянальнай зборнай Беларусі.

Уладзіслаў Марозаў
Агульная інфармацыя
Поўнае імя	Уладзіслаў Уладзіміравіч Марозаў
Нарадзіўся	12 кастрычніка 2000(2000-10-12)[1] (24 гады) Брэст, Брэсцкая вобласць, Беларусь[2]
Грамадзянства	Беларусь
Рост	188 см
Вага	84 кг[2]
Пазіцыя	нападнік
Інфармацыя пра клуб
Клуб	Арока
Нумар	15
Клубная кар’ера[* 1]
2017—2018 Дынама (Брэст) 0 (0) 2018—2020 Рух (Брэст) 38 (10) 2021—2022 Іслач (Мінскі раён) 54 (11) 2023 Дынама (Мінск) 28 (16) 2024— Арока
Нацыянальная зборная[* 2]
2019—2022 Беларусь (да 21) 11 (3) 2023— Беларусь 11 (2)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 30 студзеня 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 28 сакавіка 2024

Клубная кар’ера

Выхаванец брэсцкага «Дынама», з 2017 года пачаў выступаць за дубль клуба. У ліпені 2018 года перайшоў у брэсцкі «Рух», дзе стаў гуляць у аснове, чаргаваў выхады ў стартавым складзе і на замену. Дапамог камандзе выйсці ў Вышэйшую лігу, адзначыўшыся ў стыкавых матчах з магілёўскім «Дняпром» трыма галамі. У 2020 годзе стаў гуляць пераважна за дубль «Руха». 18 красавіка 2020 года дэбютаваў у Вышэйшай лізе ў матчы супраць «Мінска» (1:0), выйшаўны на замену ў канцы сустрэчы.

У пачатку 2021 года стаў трэніравацца з «Іслаччу», якая ў лютым аформіла пераход нападніка^[3]. Стаў іграком асновы, у сезоне 2021 часцей выхадзіў на замену. У студзені 2022 года падоўжыў кантракт з клубам да лютага 2024 года^[4]. У сезоне 2022 спачатку выхадзіў на замену, з мая замацаваўся ў стартавым складзе.

У студзені 2023 года перайшоў у мінскае «Дынама»^[5]. У якасці асноўнага нападніка дапамог камандзе заваяваць чэмпіёнства, а сам з 16 галамі стаў найлепшым бамбардзірам чэмпіянату Беларусі. Па выніках сезона 2023 быў прызнаны найлепшым нападнікам і найлепшым футбалістам чэмпіянату Беларусі^[6][7].

У студзені 2024 года перайшоў у партугальскі клуб «Арока»^[8].

Міжнародная кар’ера

26 сакавіка 2019 года дэбютаваў у моладзевай зборнай Беларусі, адгуляўшы першы тайм таварыскага матча супраць Літвы (1:0).

25 сакавіка 2023 года дэбютаваў у нацыянальнай зборнай Беларусі, выйшаўшы на замену ў адборачным матчы чэмпіянату Еўропы 2024 супраць Швейцарыі (0:5).

Дасягненні

• 01 Чэмпіён Беларусі: 2023
• Пераможца Другой лігі чэмпіянату Беларусі: 2018
• Найлепшы бамбардзір чэмпіянату Беларусі: 2023 (16 галоў)
• Найлепшы ігрок чэмпіянату Беларусі: 2023
• Найлепшы нападнік чэмпіянату Беларусі: 2023
• У спісе 22 найлепшых футбалістаў чэмпіянату Беларусі: 2023

Статыстыка выступленняў

Сезон	Дывізіён	Клуб	Краіна	Матчы	Галы
2017	дубль	Дынама Брэст		29	5
2018 (1)	дубль	Дынама Брэст		15	6
2018 (2)	Д3	Рух		14	8
2019	Д2	Рух		17	2
2020	Д1	Рух		7	0
2021	Д1	Іслач		25	4
2022	Д1	Іслач		29	7
2023	Д1	Дынама Мінск		28	16