Фёдар Іванавіч Ясноўскі

Фёдар Іванавіч Ясноўскі (1833, Ігумен — 1902, Масква) — рускі мастак-пейзажыст, майстар акварэлі^[1].

Фёдар Іванавіч Ясноўскі
Дата нараджэння	1833
Месца нараджэння	Ігумен, Ігуменскі павет, Мінская губерня, Расійская імперыя
Дата смерці	12 ліпеня 1902(1902-07-12)
Месца смерці	Масква, Маскоўская губерня, Расійская імперыя
Грамадзянства	Расійская імперыя
Род дзейнасці	мастак, выкладчык
Жанр	пейзаж
Вучоба	Расійскі дзяржаўны мастацка-прамысловы ўніверсітэт імя С. Р. Строганава[d]
Медыяфайлы на Вікісховішчы

Біяграфія

Нарадзіўся ў Ігумене. Вучыўся ў школе Строганава, якая пазней была ператворана ў Другую школу тэхнічнага малявання (2-ю Маскоўскую малявальную школу — будучую «Строганаўку»). У пазнейшыя гады жыцця выкладаў у Строганаўскім вучылішчы.

У 1854 годзе быў прадстаўлены да звання някласнага мастака пейзажнага жывапісу^[2]. Наступная плённая праца прынесла мастаку вядомасць. Ён актыўна займаўся акварэллю, дамагаючыся ў ёй уражлівых вынікаў^[2]. У 1858 годзе Ф. І. Ясноўскі атрымаў ад Акадэміі мастацтваў званне «прызначанага» у акадэмікі. У 1860 годзе яму было прысуджана званне акадэміка акварэльнага арнаментальнага жывапісу^[2].

Выстаўляўся на першай выстаўцы Таварыства перасоўных выставак.

Творчасць

Карціны Ясноўскага захоўваюцца ў Дзяржаўнай Траццякоўскай галерэі («Могілкі ў Мазілаве пад Масквой»)^[3], Дзяржаўным Рускім музеі, музеях Стаўрапаля, Мінска і іншых гарадоў.

Некалькі твораў мастака захоўваюцца ў Нацыянальным мастацкім музеі Рэспублікі Беларусь: «Камяні», «Летні пейзаж».

Галерэя

• 
  Страсны манастыр
• 
  Выгляд на Новадзявочы манастыр
• 
  Летні пейзаж

Зноскі

1. РЕЕСТР ПРОФЕССИОНАЛЬНЫХ ХУДОЖНИКОВ Российской империи, СССР, «русского зарубежья», Российской Федерации и республик бывшего Советского Союза (руск.)
2. Ясновский Федор Иванович Архівавана 24 мая 2012. (руск.)
3. «Кладбище в Мазилове под Москвой», холст, масло Архівавана 5 сакавіка 2016. (руск.)