Царкавішча (возера)

У паняцця ёсць і іншыя значэнні, гл. Царкавішча (значэнні).

Царкаві́шча — возера ў Беларусі ва Ушацкім раёне Віцебскай вобласці ў басейне ракі Ушача (цячэ праз возера).

Царкаві́шча
Морфаметрыя
Вышыня над узроўнем мора	каля 147,5[1] м
Даўжыня	0,93 км
Шырыня	0,66 км
Плошча	0,37 км²
Аб’ём	0,00205 км³
Даўжыня берагавой лініі	2,64 км
Найбольшая глыбіня	16,1 м
Гідралогія
Салёнасць	0,305 ‰
Празрыстасць	2,3 м
Басейн
Плошча вадазбору	130,3 км²
Упадаюць	рака Ушача, ручаі
Выцякаюць	рака Ушача
Размяшчэнне
Краіна	Беларусь
Царкаві́шча
Царкаві́шча

Плошча люстра возера складае 0,37 км². Даўжыня 0,93 км, найбольшая шырыня 0,66 км. Даўжыня берагавой лініі 2,64 км. Найбольшая глыбіня возера 16,1 м, сярэдняя 5,5 м. Плошча вадазбору 130,3 км².

Катлавіна возера крыху выцягнутая з паўднёвага захаду на паўночны ўсход. Схілы катлавіны вышынёй ад 3—5 (на ўсходзе) да 10—12 метраў. Берагавая лінія слабазвілістая. Берагі нізкія і пясчаныя.
Глыбіні да 2 метраў займаюць каля 22 % плошчы возера. Да глыбіні 2,5—3,5 м дно возера пясчанае, глыбей выслана глеем.
Возера эўтрофнае, праточнае. Працякае рака Ушача, злучаючая Царкавішча з азёрамі Тартак і Замошша^[2]. Упадаюць 2 ручаі і ручай з возера Полазна.
Шырыня паласы прыбярэжнай расліннасці да 40 м. Расліннасць пашырана да глыбіні 2,7—3,2 м.

У Царкавішчы водзяцца шчупак, лешч, карась, плотка, акунь, лінь і іншыя віды рыб.

Зноскі

1. Ліст карты N-35-33. Выданне 1987 г. Стан мясцовасці на 1984 г. (руск.)
2. Природа Белоруссии: Популярная энциклопедия / Редкол.: И. П. Шамякин (гл. ред.) и др. — 2-е изд. — Мн.: БелСЭ, 1989. — 599 с. — 40 000 экз. — ISBN 5-85700-001-7.