Чарнабаіўка (Білазэрскі раён)

Чарнаба́іўка (укр.: Чорнобаївка) — вёска ў Білазэрскім раёне Херсонскай вобласці Украіны. На ўскраіне знаходзіцца Міжнародны аэрапорт Херсон.

Вёска
Чарнабаіўка
Сцяг Герб
46°42′02″ пн. ш. 32°32′52″ у. д.HGЯO
Краіна	Украіна
Вобласць	Херсонская вобласць
Раён	Херсонскі раён[d]
Гісторыя і геаграфія
Вышыня цэнтра	35 м
Часавы пояс	UTC+2, летам UTC+3
Насельніцтва
Насельніцтва	15 984 чал. (2022)
Лічбавыя ідэнтыфікатары
Паштовы індэкс	75024
Паказаць/схаваць карты
Чарнабаіўка
Медыяфайлы на Вікісховішчы

Геаграфія

Чарнабаіўка размешчана на поўдні Украіны ў межах стэпавай зоны на Прычарнаморскай нізіне Усходне-Еўрапейскай раўніны. Населены пункт знаходзіцца за 8,3 км на паўночны ўсход ад раённага цэнтра, за 10 км ад абласнога цэнтра. На паўночнай ускраіне вёскі знаходзіцца чыгуначная станцыя Чарнабаіўка на лініі Херсон — Мікалаеў. Праз Чарнабаіўку праходзіць аўтадарога E58 Растоў-на-Доне — Адэса.

Гісторыя

Размешчана на трасе Херсон — Мікалаеў. Паўстала ў выніку зліцця двух населеных пунктаў: Чарнабаіўскіх і Гусакоўскіх хутароў, якія размяшчаліся з процілеглых бакоў гэтай трасы. Непасрэдна мяжуе з абласным цэнтрам — Херсонам, з’яўляючыся, у некаторым родзе, яго прадмесцем. Адна з найбуйнейшых па колькасці вёсак ва Украіне, якая перавышае па гэтым паказчыку і па плошчы шмат гарадоў і пасёлкаў. Насельніцтва па перапісу 2001 года складала 9275 чалавек.

У ходзе ўварвання Расіі ва Украіну ў 2022 годзе акупанты выкарыстоўвалі аэрадром блізу Чарнабаіўкі як камандны пункт і месца збору самалётаў і верталётаў. З 27 лютага ён дзясяткі разоў станавіўся цэллю для ўкраінскіх ваенных. Пасля вызвалення ў лістападзе правабярэжжа Херсонскай вобласці Чарнабаіўка вярнулася пад кантроль украінскіх сіл.

Мясцовы савет

75024, Херсонская вобл., Білазэрскі р-н, в. Чарнабаіўка, вул. Кастрычніцая 44.

Насельніцтва

Станам на 2011 год у Чарнабаіўцы пражывала 9275 чалавек^[1]. Роднымі мовамі назвалі:

Мова	Колькасць чалавек	Працэнт
Украінская	8505	91,70 %
Руская	680	7,33 %
Беларуская	35	0,38 %
Малдаўская	21	0,23 %
Армянская	7	0,08 %
Цыганская	5	0,05 %
Польская	2	0,02 %
Балгарская	1	0,01 %
Іншыя	19	0,20 %

Помнікі

Назва	Дата ўсталявання	Кароткія звесткі	Выява
Брацкія магілы воінаў Савецкай Арміі	1954 год	Асноўныя памеры: вышыня — 4,20 м
Магіла Героя Сацыялістычнай Працы А. І. Данніка	1979 год	Асноўныя памеры: вышыня — 2,45 м
Памятны знак у гонар 40-годдзя Перамогі (МіГ-19)	1985 год	Асноўныя памеры: вышыня — 12 м
Помнік Ю. А. Гагарыну	1976 год	Асноўныя памеры: вышыня — 3,80 м
Помнік Т. Р. Шаўчэнку	9 сакавіка 2014 года	Асноўныя памеры: вышыня — 2,8 м
Помнік У. І. Леніну	1987 год	Асноўныя памеры: вышыня — 9,42 м

Вядомыя ўраджэнцы

• Аляксей Іларыёнавіч Кірычэнка (1908—1975) — савецкі партыйны і дзяржаўны дзеяч.
• Віктар Сяргеевіч Зорын — майстар спорту Украіны па вольнай барацьбе, майстар спорту СССР па вольнай барацьбе.
• Дзмітрый Канстанцінавіч Маторны (2 лістапада 1927 — 30 ліпеня 2018) — савецкі і ўкраінскі наватар сельскагаспадарчай вытворчасці, старшыня калгаса імя Кірава Білазэрскага раёна Херсонскай вобласці. Двойчы Герой Сацыялістычнай Працы (1966, 1986). Герой Украіны (2002).