Эдгар (кароль Шатландыі)

Эдгар Храбры (шатл. гэл.: Etgair mac Maíl Choluim, англ.: Edgar Probus, каля 1074 — 8 студзеня 1107) — кароль Альбы (Шатландыі) (1097 — 1107), сын караля Малькальма III.

Эдгар
шатл. гэл.: Etgair mac Maíl Choluim
манарх Шатландыі кастрычнік 1097 — 8 студзеня 1107
Папярэднік	Дональд III
Пераемнік	Аляксандр I
Нараджэнне	1074[1]
Смерць	8 студзеня 1107 ці 8 студзеня 1107(1107-01-08) Эдынбург, Шатландскае каралеўства[2][3][…]
Месца пахавання	Данфермлінскае абацтва[d]
Род	Данкельдская дынастыя
Бацька	Малькальм III[4][5]
Маці	Маргарыта Шатландская[4][5]
Медыяфайлы на Вікісховішчы

Біяграфія

У лістападзе 1093 года, пасля адначасовай гібелі Малькальма III і яго старэйшага сына ад шлюбу з Маргарытай Англійскай — Эдуарда, шатландскі прастол захапіў Дональд III. Эдгар і яго браты Эдмунд, Аляксандр і Давід вымушаны былі бегчы ў Англію^[6], дзе жыў іх зводны брат Дункан.

У 1097 годзе Эдгар пры падтрымцы Вільгельма II Рудога зрынуў Дональда III і стаў каралём Шатландыі^[6].

У 1098 годзе да берагоў Шатландыі падышоў магутны флот Магнуса III Басаногага, які захапіў Аркнейскія і Гебрыдскія астравы, Мэн, Англсі і Кінтайр. Два каралі падпісалі дагавор аб падзеле тэрыторый. Хоць у 1103 годзе Магнус быў забіты, нарвежцы валодалі гэтымі тэрыторыямі на працягу яшчэ ста пяцідзесяці гадоў.

Падчас свайго кіравання Эдгар падтрымліваў царкву, дараваў зямлі Сент-Эндрусу і заснаванаму яго бацькамі абацтву Данфермлін і сам заснаваў бенедыкцінскі манастыр у Колдынгеме ў шатландскай Англіі. Ён прыносіў ахвяраванні ў Дарэм, да якога, відаць, быў упадабаны Малькальмам III і яго сынамі.

8 студзеня 1107 года Эдгар памёр бяздзетным, фактычна падзяліўшы каралеўства паміж малодшымі братамі. Уласна Шатландыю атрымаў Аляксандр, а паўднёвыя удзелы (Стратклайд, Камберленд і Паўднёвы Лотыян) атрымаў Давід.

Зноскі

1. http://www.royal.gov.uk/HistoryoftheMonarchy/Scottish%20Monarchs(400ad-1603)/DescendantsofMalcolmIII/Edgar.aspx
2. http://www.scotclans.com/scottish_history/kings_queens/1097_edgar.html
3. http://www.britroyals.com/scots.asp?id=edgarscot
4. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
5. Kindred Britain

   <a href='https://wikidata.org/wiki/Track:Q75653886'></a>
6. Эдгар, шотландский король // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.