Юрый Парыгоравіч Ужанцаў

Юрый Парыгоравіч Ужанцаў (24 лютага 1928, Табольск — 10 лістапада 1979) — беларускі рэжысёр, педагог, заслужаны артыст Беларускай ССР.

Юрый Парыгоравіч Ужанцаў
Дата нараджэння	24 лютага 1928(1928-02-24)
Месца нараджэння	Табольск, Уральская вобласць[d], РСФСР, СССР
Дата смерці	10 лістапада 1979(1979-11-10) (51 год)
Месца смерці	Мінск, Беларуская ССР, СССР
Грамадзянства	Беларусь  Беларуская ССР
Адукацыя	Расійскі інстытут тэатральнага мастацтва[d] (1953)
Прафесія	тэатральны рэжысёр
Тэатр	Нацыянальны акадэмічны Вялікі тэатр оперы і балета Рэспублікі Беларусь Беларуская дзяржаўная акадэмія музыкі Беларуская дзяржаўная філармонія
Узнагароды

У Вікіпедыі ёсць артыкулы пра іншых людзей з прозвішчам Ужанцаў.

Біяграфія

У 1953 годзе пасля сканчэння Дзяржаўнага інстытута тэатральнага мастацтва імя Луначарскага, працаваў рэжысёрам-стажорам у Вялікім тэатры ў Маскве. З 1955 па 1965 гады з’яўляўся рэжысёрам Дзяржаўнага Вялікага тэатра оперы і балета Беларусі.

З 1958 года адначасова выкладаў у Беларускай кансерваторыі. У 1975 годзе становіцца загадчыкам кафедры опернай падрыхтоўкі.

З 1965 года становіцца рэжысёрам Беларускай дзяржаўнай філармоніі.

Творчасць

На тэатральнай сцэне Юрый Парыгоравіч здзейсніў пастаноўкі опер: «Шукальнікі жэмчугу» Ж. Бізэ, «Манон» і «Вертэр^[ru]» Ж. Маснэ, «Калючая ружа» Ю. Семянякі, «Церам — церамок» І. Польскага, «Кето і Катэ» В. Далідзэ, «Рафаэль^[ru]» А. Арэнскага^[ru], «Трубадур» і «Рыгалета» Дж. Вердзі, «Любоўны напітак» Г. Даніцэці (1965), «Андрэй Касценя» М. Аладава, аперэт «Карневільскія званы^[ru]» Р. Планкета^[ru], «Цыганскі барон^[ru]» І. Штрауса.

У Беларускай кансерваторыі паставіў спектаклі «Яўген Анегін» П. Чайкоўскага, «Вяселле Фігара» В. А. Моцарта, «Травіята» Вердзі, «Павел Карчагін» П. Падкавырава.