Асаковыя

Асаковыя^[1] (Cyperaceae) — сямейства аднадольных раслін з парадку асакакветных.

Асаковыя
Асака прысадзістая
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Асаковыя
Міжнародная навуковая назва
Cyperaceae Juss., nom. cons., 1789
Сінонімы
Kobresiaceae Gilly
Тыпавы род
Cyperus L.
Падсямействы
Cyperoideae Mapanioideae
Сістэматыка на Віківідах Выявы на Вікісховішчы ITIS   39357 NCBI   4609 EOL   8211 GRIN   f:331 IPNI   30000197-2 FW   53543

Батанічнае апісанне

Шматгадовыя, радзей аднагадовыя травяністыя расліны, вельмі рэдкія (у тропіках) дрэвападобныя формы. Сцябло трохграннае або круглаватае. Лісце лінейнае, плоскае ці згорнутае, утварае замкнёную вакол сцябла похву. Кветкі дробныя, двух- або аднаполыя, адзінкавыя ці ў каласках, сабраных у рознага тыпу суквецці. Плод — арэшкападобны, трохгранны ці пляскаты.

Арэал

Адрозніваецца каля 90 родаў, больш за 3,5 тыс. відаў. Касмапаліты, пашыраны пераважна ва ўмераным і халодным паясах Паўночнага паўшар’я. На Беларусі найбольш вядомыя асака, балотніца, чарот азёрны.

Класіфікацыя

Таксанамічнае становішча

клас Двухдольныя

яшчэ 15 сямействаў, у тым ліку Метлюжковыя (Poaceae)

адзел Кветкавыя, ці Пакрытанасенныя

парадак Метлюжковакветныя (Poales)

да 120 родаў

царства Расліны

клас Аднадольныя

сямейства Асаковыя

адзел Голанасенныя

яшчэ 10 парадкаў (па Сістэме APG III)

Некаторыя роды

Eriophorum latifolium

Асноўны артыкул: Роды сямейства Асаковыя

Паводле базы даных The Plant List (2013) сямейства ўключае 110 родаў^[2]. Некаторыя з іх:

• Blysmus Panz. ex Schult.
• Bolboschoenus (Asch.) Palla
• Carex L. — Асака
• Cladium P.Browne — Меч-трава
• Cyperus L. typus^[3] — Сыць
• Eleocharis R.Br. — Балотніца
• Eriophorum L. — Падвей
• Kobresia Willd.
• Rhynchospora Vahl — Чаротнік
• Schoenoplectiella Lye
• Schoenoplectus (Rchb.) Palla — Схенаплектус
• Schoenus L.
• Scirpoides Ség.
• Scirpus L. — Чарот

Значэнне і выкарыстанне

Асаковыя — асноўныя ўтваральнікі торфу. Сярод іх ёсць кармавыя, харчовыя, лекавыя, тэхнічныя і дэкаратыўныя расліны.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 145. — 160 с. — 2 350 экз.
2. Cyperaceae // The Plant List (2013). Version 1.1. (англ.) (Праверана 18 мая 2015)
3. Паводле сайта Germplasm Resources Information Network (GRIN). Гл. раздзел Спасылкі.