Salesforce

Salesforce, Inc. — гэта амерыканская кампанія, распрацоўшчык воблачнага праграмнага забеспячэння са штаб-кватэрай у Сан-Францыска, Каліфорнія. Стварае праграмы для электроннай камерцыі, кіравання ўзаемаадносінамі з кліентамі (англ.: Customer relationship management, CRM), абслугоўвання кліентаў, аўтаматызацыі маркетынгу і аналітыкі.

Salesforce
Тып	бізнес, software company[d], прадпрыемства, публічная кампанія, тэхналагічная кампанія[d] і распрацоўшчык праграмнага забеспячэння[d]
Лістынг на біржы	Нью-Ёркская фондавая біржа
Заснаванне	3 лютага 1999
Заснавальнікі	Марк Бэніёф[d]
Краіна	ЗША[1][2][…]
Адрас	Salesforce Tower[d] Сан-Францыска
Галіна	клаўд-камп’ютынг, індустрыя праграмнага забеспячэння[d], сістэма кіравання адносінамі з кліентамі[d], аўтаматызацыя, SaaS, enterprise software[d], intelligent agent[d], email marketing[d] і аналітыка[d]
Прадукцыя	Salesforce[d], Customer data platform[d], intelligent agent[d], Small business software[d], SaaS, Order management system[d], customer relationship management software[d], клаўд-камп’ютынг, enterprise software[d], ШІ, аналітыка[d], праграмнае забеспячэнне для візуалізацыі[d], электронная камерцыя[d], virtual agent[d], email marketing[d], automation technology[d], AI agent[d], B2B e-commerce[d], marketing automation[d], integration platform[d] і Heroku[d]
Абарот	▲37,9 млрд $ (2024)[3]
Аперацыйны прыбытак	▲7,21 млрд $ (2024)[3]
Чысты прыбытак	▲6,2 млрд $ (2024)[3]
Колькасць супрацоўнікаў	▲35 000 чал. (2019)[4]
Даччыныя кампаніі	Salesforce Marketing Cloud[d], Heroku[d][5], Krux[d][6], Tableau Software, Inc.[d][7], ClickSoftware Technologies[d][8], MuleSoft[d][9], Quip[d], Demandware[d], Slack Technologies[d] і VLocity[d]
Сайт	salesforce.com (англ.)

Кампанію заснаваў былы выканаўчы дырэктар Oracle Марк Бэніёф у лютым 1999 года па мадэлі SaaS. Salesforce сур’ёзна пацярпела ад краху даткомаў, у выніку чаго кампанія звольніла 20 % сваіх супрацоўнікаў. Нягледзячы на страты, у пачатку 2000-х кампанія працягвала развівацца. Прыбытак Salesforce працягваў расці з 2000 па 2003 год, пры гэтым рэзка ўзрос з 5,4 мільёнаў долараў у 2001 фінансавым годзе да больш чым 100 мільёнаў долараў у снежні 2003 года.^[10] Першае публічнае размяшчэнне акцый (англ.: Initial public offering, IPO) адбылося ў чэрвені 2004 года на Нью-Йоркскай фондавай біржы і прынясло кампаніі 110 мільёнаў долараў ЗША.^[11] У верасні 2008 года Standard&Poor’s дадала Salesforce да індэкса S&P 500. У 2009 годзе гадавы даход Salesforce перавысіў 1 мільярд долараў.^[12]

За сваю гісторыю Salesforce набыла дзясяткі кампаній. У розны час былі набытыя воблачны сэрвіс Heroku (за 212 мільёнаў долараў)^[13], платформа электроннай камерцыі Demandware (за 2,8 мільярда долараў)^[14], праграма апрацоўкі тэкстаў Quip (за 750 мільёнаў долараў)^[15], воблачны сэрвіс MuleSoft (за 6,5 мільярда долараў).^[16][17] Толькі у 2016 годзе Salesforce выдаткавала больш за 5 мільярдаў долараў на набыццё новых кампаній.^[18] У снежні 2020 года было абвешчана, што Salesforce набудзе Slack за 27,7 мільярда долараў, што было самым вялікім набыццём на той момант.^[19]

У 2020 годзе Salesforce была занесена ў прамысловы індэкс Доу-Джонса, замяніўшы ў ім энергетычную кампанію ExxonMobil.^[20] Станам на верасень 2022 года Salesforce з’яўлялася 61-й кампаніяй у свеце па рынкавай капіталізацыі і была ацэнена ў амаль 153 мільярды долараў ЗША.^[21] У 2022 годзе Salesforce стала найбуйнейшай у свеце кампаніяй па вытворчасці карпаратыўнага праграмнага забеспячэння.^[22]

Гл. таксама

• Прамысловы індэкс Доу-Джонса