Іосіф Іванавіч Каржанеўскі

Іосіф Іванавіч Каржанеўскі (польск.: Józef Korzeniewski, літ.: Juozapas Koženevskis; 19 сакавіка (31 сакавіка) 1806 — 21 мая 1870) — беларускі вучоны ў галіне хірургіі і інфекцыйных хвароб, доктар медыцыны.

Іосіф Іванавіч Каржанеўскі
польск.: Józef Korzeniewski
Дата нараджэння	19 (31) сакавіка 1806 ці 19 сакавіка 1806(1806-03-19)[1]
Месца нараджэння	Слуцкі павет, Мінская губерня, Расійская імперыя
Дата смерці	21 мая 1870(1870-05-21)[1] (64 гады)
Месца смерці	Вільня, Віленскі павет, Віленская губерня, Расійская імперыя[1]
Месца пахавання	могілкі Роса
Грамадзянства	Польшча  Беларусь  Расійская імперыя
Род дзейнасці	хірург, інфекцыяніст, выкладчык універсітэта, урач
Навуковая сфера	медыцына
Месца працы	медыцынскі факультэт Віленскага ўніверсітэта[d] Віленская медыка-хірургічная акадэмія
Навуковая ступень	доктар медыцынскіх навук
Навуковае званне	прафесар
Альма-матар	медыцынскі факультэт Віленскага ўніверсітэта[d] Віленскі ўніверсітэт
Член у	Кракаўскае навуковае таварыства[d][1] Віленскае медыцынскае таварыства[d]

У Вікіпедыі ёсць артыкулы пра іншых людзей з прозвішчам Каржанеўскі.

Біяграфія

Нарадзіўся на тэрыторыі сучаснага Слуцкага раёна Мінскай вобласці. Скончыў гімназію ў Нясвіжы, медыцынскі факультэт Віленскага ўніверсітэта. Працаваў пры ўніверсітэце памочнікам празектара анатоміі. У 1829 годзе абараніў дысертацыю на ступень доктара медыцыны.

У 1831 годзе пакінуў службу і паехаў у Брэст-Літоўск і Віцебск, дзе прымаў удзел у барацьбе з халерай. У 1832 г. памочнік празектара хірургічнай клінікі Віленскай медыка-хірургічнай акадэміі. У 1835 годзе экстраардынарны прафесар, выкладаў дэсмургію (раздзел хірургіі — вучэнне аб павязках). У 1837—1839 гадах займаўся ва ўніверсітэцкіх клініках за мяжой і па вяртанні ў 1840 годзе прызначаны экстраардынарным прафесарам і дырэктарам акадэмічнай клінікі. Пасля закрыцця акадэміі ў 1843 годзе застаўся па-за штатам і займаўся практычнай дзейнасцю па хірургіі ў Вільне. Быў вядомы ў Польшчы як лепшы хірург. Аўтар навуковых прац па пытаннях лячэння сыпнога тыфу, пераломаў, артапедыі, дэсмургіі.

Зноскі

1. http://tnk.krakow.pl/czlonkowie/korzeniowski-jozef-1870/ Праверана 30 жніўня 2022.