Балатнакветнік

Балатнакве́тнік, Німфейнік^[1][2] (Nymphoides) — род кветкавых раслін сямейства Бабковыя (Menyanthaceae).

Балатнакветнік
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Бабковыя Род:  Балатнакветнік
Міжнародная навуковая назва
Nymphoides Ség., 1754
Сістэматыка на Віківідах Выявы на Вікісховішчы ITIS   29995 NCBI   49613 EOL   61824 IPNI   30013186-2 FW   157355

Батанічнае апісанне

Шматгадовыя травяністыя водныя расліны з паўзучым карэнішчам. Сцёблы доўгія, дасягаюць паверхні вады. Лісце шчыльнае, скурыстае, плавае на паверхні вады. Кветкі на доўгіх кветакносах, жоўтага або белага колеру, сабраныя ў парасонападобныя суквецці. Плод — шматнасенная каробачка.

Віды і распаўсюджанне

Род налічвае каля 25^[2] відаў (34 віды^[3]), распаўсюджаных пераважна ў трапічных і субтрапічных раёнах абодвух паўшар’яў. Ва ўмераным поясе, у т.л. на тэрыторыі Беларусі на рацэ Нёман у Карэліцкім раёне сустракаецца балатнакветнік шчыталісты (Nymphoides peltata)^[2].

Растуць у стаячай вадзе заток азёр і рэк, старыцах, сажалках.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 88. — 160 с. — 2 350 экз.
2. Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2.
3. Nymphoides (англ.) // The Plant List