Гартэнзія

Гартэ́нзія, гідрангія^[1] (Hydrangea) — род кветкавых раслін сямейства Гартэнзіевыя (Hydrangeaceae).

Гартэнзія
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Кізілакветныя Сямейства:  Hydrangeaceae Род:  Гартэнзія
Міжнародная навуковая назва
Hydrangea L., 1753
Сістэматыка на Віківідах Выявы на Вікісховішчы ITIS   24194 NCBI   23109 EOL   40082 IPNI   30010546-2 FW   54631

Батанічнае апісанне

Кусты вышынёй 1—3 м, некаторыя віды — невялікія дрэвы і ліяны. Лісце простае, чаргаванае, на чаранках, эліпсоіднай або яйцападобнай формы, даўжынёй 5—20 см. Кветкі белага колеру, у шчыткападобных або мяцёльчатых суквеццях. Плод — шматнасенная каробачка.

Расліны ядавітыя.

Распаўсюджанне і экалогія

Расліны роду распаўсюджаны на тэрыторыі Паўднёвай і Усходняй Азіі, у Паўднёвай і Паўночнай Амерыцы. Вільгацелюбівыя расліны. Цвітуць у чэрвені—жніўні. Размнажаюцца насеннем, садовыя формы — адводкамі, чаранкамі, атожылкамі, дзяленнем куста. Усе часткі расліны з'яўляюцца атрутнымі^[2].

Віды

Род налічвае 35^[1] (52^[3]) відаў. Некаторыя з іх:

• Hydrangea arborescens L. — Гартэнзія дрэвападобная
• Hydrangea bretschneideri Dippel — Гартэнзія Брэтшнейдэра
• Hydrangea macrophylla (Thunb.) Ser. — Гартэнзія буйналістая
• Hydrangea paniculata Siebold — Гартэнзія мяцёльчатая
• Hydrangea xanthoneura Diels

Існуе шэраг садовых форм, у тым ліку гартэнзія стэрыльная (Hydrangea arborescens sterilis)^[1].

Зноскі

1. Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
2. Сергей Бесараб Ядовитые декоративные растения в саду и огороде. Справочник // Хабр — habr.com, 23 ліпеня 2021, 14:58
3. Hydrangea (англ.) // The Plant List