Грушанка зеленаватая

Груша́нка зеленаватая^[1] (Pyrola chlorantha) — від кветкавых раслін роду Грушанка (Pyrola) сямейства Верасовыя (Ericaceae).

Грушанка зеленаватая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Верасакветныя Сямейства:  Верасовыя Падсямейства:  Monotropoideae Трыба:  Грушанкавыя Род:  Грушанка Від:  Грушанка зеленаватая
Міжнародная навуковая назва
Pyrola chlorantha Sw., 1810
Сінонімы
Гл. у тэксце
Сістэматыка на Віківідах Выявы на Вікісховішчы ITIS   23757 NCBI   93824 EOL   583576 GRIN   t:456118 IPNI   331799-1 TPL   kew-2410797

Батанічнае апісанне

Агульны выгляд расліны

Шматгадовая травяністая расліна з доўгім карэнішчам. Кветаноснае сцябло вышынёй да 30 см, рабрыстае, звычайна чырванаватае, з 1—3 лускападобнымі лісцікамі. Лісце скурыстае, круглаватай формы, у прыкаранёвай разетцы, зімуючае. Кветкі зеленаватага колеру, па 2—9 у кароткай зрэджанай гронцы. Плод — адагнутая ўніз каробачка.

Распаўсюджанне і экалогія

Расліна распаўсюджана на тэрыторыі ўмераных абласцей Еўразіі і Паўночнай Амерыкі. Добра пераносіць цень^[2]. Мезафіт, алігатроф і мезатроф^[2]. Расце ў хваёвых і яловых лясах^[1]. Цвіце ў чэрвені—ліпені^[1].

Лекавая і дэкаратыўная расліна^[2]. Ахоўваецца ў шэрагу рэгіёнаў Расіі і Украіны^[2].

Сінонімы

Сінонімы паводле сайта The Plant List:

• Pyrola chlorantha var. saximontana Fernald
• Pyrola oxypetala Austin ex A.Gray
• Pyrola solunica S.D. Zhao
• Pyrola virens Schweigg. & Körte
• Pyrola virens var. saximontana (Fernald) Fernald
• Pyrola virescens auct.
• Thelaia chlorantha (Sw.) Alef.

Зноскі

1. Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
2. Грушанка зеленоцветковая: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)