Зуброўка паўднёвая

Зубро́ўка паўднёвая^[1] (Hierochloe australis) — від кветкавых раслін роду Зуброўка (Hierochloe) сямейства Метлюжковыя (Poaceae).

Зуброўка паўднёвая
1. Зуброўка духмяная (Hierochloe odorata). 2. Зуброўка паўднёвая (Hierochloe australis). Батанічная ілюстрацыя Якаба Штурма з кнігі «Deutschlands Flora in Abbildungen», 1796
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Pooideae Трыба:  Aveneae Род:  Зуброўка Від:  Зуброўка паўднёвая
Міжнародная навуковая назва
Hierochloe australis Roem. & Schult., 1817
Сінонімы
Anthoxanthum australe (Schrad.) Veldkamp Avena odorata var. aristat Lam. & DC. Hierochloe aristata Wulfen Hierochloe odorata var. aristata (Lam. & DC.) Fiori Holcus australis Schrad.
Сістэматыка на Віківідах Выявы на Вікісховішчы EOL   5827568 IPNI   404864-1 TPL   kew-418825

Батанічнае апісанне

Шматгадовая травяністая расліна вышынёй 30—50^[1] см, з кароткім карэнішчам. Утварае рыхлыя дзярніны. Сцябло прамастойнае, голае, баразнаватае. Лісце простае, суцэльнае, ланцэтнае, пляскатае, з гладкім краем, сядзячае. Похвы верхняга лісця не маюць пласцінкі. Кветкавыя каласкі сабраныя ў мяцёлку. Плод — зярняўка.

Распаўсюджанне і экалогія

Еўраазіяцкі від, распаўсюджаны пераважна ў Цэнтральнай Еўропе. Расце ў разрэджаных лясах, на палянах, у хмызняках. Цвіце ў маі—чэрвені.

Ахоўваецца на тэрыторыі шэрагу рэгіёнаў Расіі, Львоўскай вобласці Украіны, у Эстоніі^[2].

Гаспадарчае значэнне

Зуброўку паўднёвую выкарыстоўваюць у якасці араматычнай прыправы. Лекавая расліна, выкарыстоўваецца ў народнай медыцыне.

Зноскі

1. Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
2. Зубровка южная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)