Канстанцін Вікенцьевіч Мацюшэўскі

Канстанці́н Віке́нцьевіч Мацюшэ́ўскі (22 жніўня 1917, в. Палюдава Віцебскай губерні — 17 кастрычніка 1999) — савецкі і беларускі дзяржаўны і партыйны дзеяч, старшыня Брэсцкага аблвыканкама (1964—1983), першы сакратар Магілёўскага абкама КПБ (1958—1964).

Канстанцін Вікенцьевіч Мацюшэўскі
Старшыня Брэсцкага аблвыканкама 11 снежня 1964 — 1983
Кіраўнік урада	Ціхан Кісялёў Аляксандр Аксёнаў
Папярэднік	Васіль Луцкін (сельск.) Фёдар Рома (прам.)
Пераемнік	Уладзімір Грыгор'еў
Першы сакратар Магілёўскага сельскага абкама КП Беларусі 14 студзеня 1963 — 10 снежня 1964
Папярэднік	пасада заснаваная
Пераемнік	пасада скасаваная
Першы сакратар Магілёўскага абкама КП Беларусі 7 лютага 1958 — студзень 1963
Папярэднік	Сяргей Сікорскі
Пераемнік	пасада скасаваная
Нараджэнне	22 жніўня 1917(1917-08-22) Новае Палюдава, Воўкавіцкі сельсавет, Талачынскі раён, Беларусь[1]
Смерць	17 кастрычніка 1999(1999-10-17) (82 гады)
Партыя	КПСС
Адукацыя	Аршанскае педагагічнае вучылішча (1938) Аршанскі настаўніцкі інстытут (1939) Вышэйшая партыйная школа пры ЦК КПСС
Узнагароды

У Вікіпедыі ёсць артыкулы пра іншых людзей з прозвішчам Мацюшэўскі.

Біяграфія

Скончыў Аршанскае педагагічнае вучылішча (1938), настаўніцкі інстытут (1939), Вышэйшую партыйную школу пры ЦК КПСС (завочна). Член УКП(б) з 1940 г.

З 1938 года быў дырэктарам Раснянскага дзіцячага дома^[2].

У 1940—1946 гадах у РСЧА. З 1946 года на партыйнай рабоце — інструктар Пінскага абласнога камітэта КП(б) Беларусі, загадчык Аддзелам партыйных, прафсаюзных і камсамольскіх органаў Пінскага абласнога камітэта КП(б) Беларусі, з 1948 года 2-і, пасля 1-ы сакратар Давыд-Гарадоцкага раённага камітэта КП(б) Беларусі. У 1956—1958 гг. першы сакратар Пінскага гаркама КПБ^[3].

З 7 лютага 1958^[4] па студзень 1963 года першы сакратар Магілёўскага абласнога камітэта КП(б) Беларусі, пасля раздзялення абласных камітэтаў на сельскія і прамысловыя ўзначаліў Магілёўскі сельскі абласны камітэт КПБ^[5], а 10 снежня 1964 года быў вызвалены ад абавязкаў Старшыні^[6].

З 11 снежня 1964 года ўзначаліў Брэсцкі абласны выканаўчы камітэт і быў яго старшынёй да выхаду на пенсію ў 1983 годзе.

Узнагароды

• Ордэн Леніна
• Ордэн Кастрычніцкай Рэвалюцыі
• Ордэн Айчыннай вайны I ступені
• Ордэн Айчыннай вайны II ступені
• Ордэн Працоўнага Чырвонага Сцяга
• Ордэн Чырвонай Зоркі

Зноскі

1. http://pridvinie.vlib.by/index.php/mtree-lib/vydatnyya-i-znakamityya-lyudzi/matsyushe-ski-kanstantsin-vikentsevich
2. Дзіцячы дом імя Пушкіна (руск.) Архівавана 11 красавіка 2021.
3. Пинчуки и пинчане (руск.)]
4. Пастанова I-га пленума Магілёўскага абласнога камітэта КП Беларусі
5. Пастанова I-га пленума Магілёўскага сельскай абласнога камітэта КП Беларусі ад 14.1.1963 года
6. Пастанова XIV-й Магілёўскай абласной канферэнцыі КП Беларусі