Мікалай Антонавіч Торык

Мікалай Антонавіч То́рык^[1][2] (15 сакавіка 1906, в. Перавоз Капыльскага раёна Мінскай вобласці — 14 красавіка 1999, Масква) — марскі военачальнік, віцэ-адмірал.

Мікалай Антонавіч Торык
Дата нараджэння	15 сакавіка 1906(1906-03-15)
Месца нараджэння	Перавоз, Доктаравіцкі сельсавет, Капыльскі раён, Беларусь
Дата смерці	14 красавіка 1999(1999-04-14) (93 гады)
Месца смерці	Масква, Расія
Месца пахавання	Кунцаўскія могілкі[d]
Альма-матар	Ваенна-палітычная акадэмія імя У. І. Леніна[d] Ваенна-марская акадэмія імя М. Г. Кузняцова[d]
Грамадзянства	Расійская імперыя  СССР  Расія
Прыналежнасць	СССР
Род войскаў	ваенна-марскія сілы
Званне	віцэ-адмірал
Бітвы/войны	савецка-фінляндская вайна Вялікая Айчынная вайна
Узнагароды і званні

Біяграфія

Нарадзіўся ў сям’і сялян. У 1923 годзе скончыў сямігадовую школу ў мястэчку Раманава (сучасны аграгарадок Леніна Слуцкага раёна). З 1926 года на камсамольскай рабоце ў Слуцкім раённым камітэце ЛКСМБ. У Чырвонай Арміі з 1928 года. Пасля заканчэння ў 1931 годзе Ленінградскіх ваенна-палітычных курсаў імя Ф. Энгельса, па люты 1933 года служыў у Ленінградскай ваеннай акрузе памочнікам камандзіра батарэі па палітчастцы. У час Вялікай Айчыннай вайны займаў пасаду начальніка Палітычнага ўпраўлення Паўночнага Флоту.

Пасля вайны, у 1952 годзе, скончыў акадэмію Генеральнага штаба. Да 1966 года ўзначальваў палітупраўленні Паўночнага, Чарнаморскага і Балтыйскага флатоў^[1].

18 лютага 1958 года прысвоена званне «віцэ-адмірал».

Узнагароды

Ганаровы грамадзянін горада Слуцка^[3].