Нача Фернандэс

Хасэ Ігнасіа Фернандэс Іглесіяс (ісп.: José Ignacio Fernández Iglesias; нар. 18 студзеня 1990, Мадрыд), больш вядомы як Нача (ісп.: Nacho) — іспанскі футбаліст, абаронца клуба «Рэал Мадрыд» і нацыянальнай зборнай Іспаніі.

Нача
Агульная інфармацыя
Поўнае імя	Хасэ Ігнасіа Фернандэс Іглесіяс
Нарадзіўся	18 студзеня 1990(1990-01-18)[1][2] (35 гадоў) Алькала-дэ-Энарэс, аўтаномная супольнасць Мадрыд, Іспанія[3]
Грамадзянства	Іспанія
Рост	179 см
Вага	75 кг
Пазіцыя	левы абаронца, цэнтральны абаронца
Інфармацыя пра клуб
Клуб	Рэал Мадрыд
Нумар	6
Маладзёжныя клубы
1999—2001 Камплутэнсэ 2001—2008 Рэал Мадрыд
Клубная кар’ера[* 1]
2011— Рэал Мадрыд 81 (3) 2009—2013 →  Рэал Мадрыд Кастылья 111 (4)
Нацыянальная зборная[* 2]
2005 Іспанія (да 16) 1 (0) 2006—2007 Іспанія (да 17) 11 (0) 2008—2009 Іспанія (да 19) 9 (2) 2011—2013 Іспанія (да 21) 6 (0) 2013— Іспанія 9 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 жніўня 2017. Колькасць гульняў і галоў за нацыянальную зборную ў афіцыйных матчах, адкарэктавана станам на 9 жніўня 2017
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Фернандэс.

Клубная кар’ера

Ураджэнец Мадрыда. Выхаванец школы клуба «Рэал Мадрыд», у якую паступіў ва ўзросце 10 гадоў. Дэбютаваў за рэзервовую каманду ў сезоне 2008/09 у Сегундзе B, згуляў там дзве сустрэчы ў тым сезоне. Усяго адгуляў два поўных сезоны ў Сегундзе. 23 красавіка 2011 года дэбютаваў у асноўным складзе «Рэала» ў матчы чэмпіянату Іспаніі супраць «Валенсіі», у якім «каралеўскі клуб» перамог з лікам 6:3, адгуляўшы ўвесь матч ад пачатку і да канца. Другі матч правёў праз тыдзень, але яго клуб сенсацыйна прайграў «Рэалу» з Сарагосы.

Летам 2011 года прыняў удзел у паўночнаамерыканскім турніры, гуляў у матчах супраць «Лос-Анджэлес Гэлаксі», «Гвадалахары» і «Філадэльфіі Юніён». 2 верасня 2012 года афіцыйна атрымаў футболку з нумарам 27, але па рашэнні Жазэ Маўрынью застаўся на некаторы час у рэзервовым клубе.

27 лістапада 2013 года на 27-й хвіліне замяніў Хесэ ў групавым матчы Лігі xэмпіёнаў, бо Серхіа Рамас быў выдалены.

У ліпені 2014 года Нача Фернандэс і каралеўскі клуб дасягнулі пагаднення аб падаўжэнні кантракта на шэсць гадоў^[4].

Міжнародная кар’ера

У складзе юнацкай зборнай Іспаніі выйграў чэмпіянат Еўропы да 17 гадоў у 2007 годзе, заваяваў сярэбраны медаль на чэмпіянаце свету ў тым жа годзе.

Прыняў удзел на моладзевым чэмпіянаце Еўропы ў Ізраілі, дзе іспанцы выйгралі чэмпіянат.

Асабістае жыццё

Нача мае брата Алехандра (Алекса), таксама футбаліста.

31 мая 2014 года ажаніўся са сваёй даўняй сяброўкай Марыяй Картэс. 13 мая 2015 года ў пары нарадзілася дачка Алехандра Фернандэс Картэс.

Дасягненні

«Рэал Мадрыд»:

• Чэмпіён Іспаніі (3): 2017, 2020, 2022
• Уладальнік Кубка Іспаніі (2): 2013/14, 2022/23
• Уладальнік Суперкубка Іспаніі (3): 2012, 2017, 2021/22
• Пераможца Лігі чэмпіёнаў (5): 2013/14, 2015/16, 2016/17, 2017/18, 2021/22
• Уладальнік Суперкубка УЕФА (3): 2016, 2017, 2022
• Пераможца клубнага чэмпіянату свету (5): 2014, 2016, 2017, 2018, 2022

Іспанія:

• Пераможца Лігі нацый УЕФА: 2023