Factor VII
From Wikipedia, the free encyclopedia
Remove ads
O factor VII de coagulación (FVII), antes chamado proconvertina, (EC 3.4.21.21) é unha das proteínas encimáticas que forma parte da fervenza de reaccións que causan a coagulación do sangue. É un encima da clase das serina proteases. Poden producirse formas recombinantes do factor VIIa humano, como eptacog alfa [activado], NovoSeven, que se aplicou a pacientes de hemofilia con hemorraxias incontroladas. Outra forma biosimilar menos usada é ou o factor VII activado AryoSeven.
Remove ads
Fisioloxía
O principal papel do factor VII é iniciar o proceso de coagulacion en conxunción co factor tisular (TF/factor VII). O factor tisular encóntrase na parte exterior da parede dos vasos sanguíneos e normalmente non está exposto ao fluxo sanguíneo. Despois dunha lesión nun vaso, o factor tisular queda exposto ao sangue e ao factor VII circulante. Unha vez unido ao TF, o factor VII é activado, dando lugar ao factor VII activado (FVIIa) pola acción de diferentes proteases, estrre as cales están a trombina (factor IIa), os factores Xa, IXa, XIIa e o propio complexo FVIIa-TF. O complexo do factor VIIa co TF cataliza a conversión dos factores IX e X en proteases activas, que son os factores IXa e Xa, respectivamente.[1]
A acción do factor é impedida polo inhibidor da vía do factor tisular (TFPI), que se libera case inmediatamente despois da iniciación da coagulación. O factor VII é dependente da vitamina K; prodúcese no fígado. O uso de warfarina ou anticoagulantes similares fai descender a síntese hepática de factor VII.
Remove ads
Estrutura
- Véxase tamén: Factor_IX#Arquitectura de dominios.
O factor VII comparte unha arquitectura de dominios común cos factores IX e X.
Xenética
O xene do factor VII chámase F7 e está localizado no chromosome 13 humano (13q34).
Papel en enfermidades
A deficiencia de factor VII (deficiencia de proconvertina conxénita) é rara e ten unha herdanza recesiva. Preséntase como un trastorno hemorráxico similar a unha hemofilia. Trátase co factor VIIa recombinante (NovoSeven ou AryoSeven). As estratexias para aplicar terapia xénica á deficiencia de factor VII son moi prometedoras e tiveron éxito en cans.[2]
Usos médicos
O factor VIIa recombinante, comecializado como AryoSeven e NovoSeven, é utilizado en pacientes de hemofilia (con deficiencia do factor VIII ou IX) que desenvolveron anticorpos contra o factor de coagulación de substitución.
Foi tamén utilizado para estabilizar hemorraxias incontrolables,[3][4] pero o seu papel nesta estabilización é controvertida con evidencias insuficientes que apoien o seu uso fóra dos ensaios clínicos.[5] O primeiro informe do seu uso en hemorrxias foi a súa aplicación a un soldado israelí con hemorraxia incontrolable en 1999.[6] Os riscos do seu uso inclúen un incremento da trombose arterial.[5] Porén, os estudos feitos en animais non mostraron as complicacións observadas en humanos, e algúns dos estudos mostran un prognóstico mellor. Nas instalacións militares utilízase como unha intervención fóra das indicacións aprobadas en complicacións relacionadas coa coagulación intravascular diseminada relacionadas con hemorraxias causadas por traumas penetrantes.[7]
O factor VII recombinante humano, aínda que inicialmente parecía prometedor en hemorraxias intracerebrais, non demostrou ser beneficioso en posteriores estudos e xa non se recomenda.[8][9]
Remove ads
Interaccións
O factor VII presenta interaccións co factor tisular e a proteína quinase C.[10][11]
Notas
Véxase tamén
Wikiwand - on
Seamless Wikipedia browsing. On steroids.
Remove ads