Quiroga

Quiroga é un concello da provincia de Lugo, pertencente á comarca de Quiroga e á Ribeira Sacra. Segundo o padrón municipal, en 2018 tiña 3.257 habitantes.

Para outras páxinas con títulos homónimos véxase: Quiroga.

Quiroga

Localización
42°28′33″N 7°16′18″O
Estado	España
Comunidade autónoma	Galicia
Provincia	provincia de Lugo
Capital de	Comarca de Quiroga
Capital	Quiroga
Poboación
Poboación	3.057 (2024) (9,58 hab./km²)
Xeografía
Superficie	319 km²
Altitude	267 m
Comparte fronteira con	Ribas de Sil A Rúa Larouco Manzaneda Vilamartín de Valdeorras Folgoso do Courel Oencia A Pobra do Brollón A Pobra de Trives
Organización política
• Alcalde	Julio Álvarez Núñez
Eleccións municipais en Quiroga
Identificador descritivo
Código postal	27320
Fuso horario	UTC+01:00
Código INE	27050
Sitio web	concellodequiroga.com

Xeografía

Quiroga está situada ó sueste da provincia de Lugo nas beiras do río Sil. Limita co concello de Folgoso do Courel ao norte, coa provincia de Ourense ó sur, Ribas de Sil e A Pobra do Brollón ó oeste e Vilamartín de Valdeorras e provincia de León polo leste.

Dista 84 km da capital provincial, Lugo e ten unha superficie de 319 km².

Poboación

Censo total	3.257 (2018)
Menores de 15 anos	269 (8.26 %)
Entre 15 e 64 anos	1.713 (52.59 %)
Maiores de 65 anos	1.275 (39.15 %)

Patrimonio

Réplica do Crismón de Quiroga, no Museo Provincial de Lugo.

Na igrexa de Santa María da Ermida, do século XII, atopouse un relevo paleocristián en mármore, do século V, coñecido como Crismón de Quiroga. En 1925 trasladouse ó Museo da Catedral de Lugo, onde se expón actualmente.

Na parroquia de Sequelos consérvanse os restos do Castelo dos Novais e da Torre de Sequeiros. Quiroga conta coa ruta homologada de sendeirismo PR-G 141 Ruta do Ouro e do Camiño Real, unha ruta sendeirista circular de 16 km con principio e fin na aldea de Margaride.

Deporte

No concello de Quiroga hai varias entidades deportivas:

• Quiroga FC, equipo de fútbol que xoga na Segunda Galicia. Fundado en 2011 é herdeiro do Club Deportivo Quiroga, que competiu entre 1980 e 2006.
• Quiroga FSF, equipo de fútbol sala.
• Club de Montaña Formigueiros
• Motoclube A Curuxa
• Enduro Quiroga
• Quiroga Volei

Galería de imaxes

Artigo principal: Galería de imaxes de Quiroga.

• 
  Auditorio municipal e Museo Etnográfico.
• 
  Albergue municipal.
• 
  Museo xeolóxico de Quiroga.
• 
  Explotación romana de ouro Covas do Medo en Margaride.
• 
  Túnel romano en Montefurado.
• 
  Dobramento xeolóxico de Campodola-Leixazós.
• 
  A lagoa da Lucenza.

Parroquias

Galicia | Provincia de Lugo | Parroquias de Quiroga

Augas Mestas (Santiago) | Bendilló (Santa María) | Bendollo (Santa Baia) | Bustelo de Fisteus (Santa Bárbara) | Cereixido (Santa María) | A Enciñeira (Santa Isabel) | A Ermida (Santa María) | Fisteus (San Mamede) | O Hospital (San Salvador) | Montefurado (San Miguel) | Nocedo (San Lourenzo) | Outeiro (Santa María) | Pacios da Serra (San Salvador) | Paradaseca (San Marcos) | Quintá de Lor (Santa María) | Quiroga (San Martiño) | A Seara (Santa María Madanela) | Sequeiros (Santa Mariña) | Vilanuíde (Santo Antonio) | Vilar de Lor (San Xosé) | Vilarmel (San Lourenzo) | Vilaster (Santa María)

Lugares de Quiroga

Para unha lista completa de todos os lugares do concello de Quiroga vexa: Lugares de Quiroga.