Strudel

O strudel é un doce orixinario de Austria e Alemaña, elaborado cunha masa de follado reenchida xeralmente con mazás aromatizadas con canela e pasas, que se enrola e se coce no forno^[1]. O máis coñecido é o de mazá ou Apfelstrudel. Tamén é coñecido o Topfenstrudel, elaborado con queixo quark.

Strudel
Subclase de repostaría prato
Gastronomía gastronomía de Austria Culinária da Chéquia (pt) gastronomía de Alemaña
Composto por massa filo (pt)
Ingredientes
Ingredientes ovo fariña azucre aceite vexetal
Orixe
País de orixe Austria Hungría
Datas  Fundación / creación 1696
Identificadores TasteAtlas strudel Freebase /m/05m8_w
Wikidata C:Commons

Anacos dun Apfelstrudel ou strudel de mazá.

O nome strudel significa "remuíño" en alemán, pola forma pregada que se lle dá á masa. O strudel sería unha reelaboración do doce baclava, típico de Oriente Próximo, feito de camadas de masa filo que se reenchen con froitos secos, especialmente anacardios, pistachos ou améndoas, e bañado en mel^[2].

Atopamos variantes do strudel nas gastronomías de varios países de América do Sur, por mor da emigración alemá a estas terras. Na Arxentina atopamos un strudel feito con carne e uvas pasas, con recheo de empanada de carne e azucre glas por riba. Na Selva Central do Perú, as colonias alemás, como a asentada en Oxapampa, preparan un strudel de banana, unha adaptación da súa gastronomía tradicional aos ingredientes locais.