Xosé Fernández Ferreiro

Xosé Fernández Ferreiro, nado en Espartedo (Santa Cruz de Rubiacós, Nogueira de Ramuín) o 29 de xaneiro de 1931 e finado na Coruña o 16 de decembro de 2015, foi un escritor galego.^[1][2][3]

Xosé Fernández Ferreiro

Biografía
Nacemento	29 de xaneiro de 1931 Espartedo, España
Morte	16 de decembro de 2015 (84 anos) A Coruña, España
Actividade
Ocupación	xornalista, escritor
Membro de	Real Academia Galega (académico de número) (2013–2015)
Obra
Obras destacables (1975) A morte de Frank González (1991) Agosto do 36
Premios
(2003)  O/A escritor/a na súa terra (2000)  Premio Antón Losada Diéguez de creación literaria (1991)  Premio Xerais, premiado polo traballo Agosto do 36

Traxectoria

Estudou bacharelato en Ourense. En 1954 marcha a Madrid estudar xornalismo, alí fundará con Xosé Luís Méndez Ferrín, Bernardino Graña, Reimundo Patiño e Ramón Lorenzo o grupo literario nacionalista Brais Pinto.^[4] O nome e a épica do personaxe que lle pon nome ao grupo –un ficticio afiador ourensán que, despois de percorrer o mundo enteiro co seu oficio, e xa disposto a regresar á súa vila natal, morre atropelado por un tranvía en Madrid- atribúeselle a Fernández Ferreiro.^[5]

Comezou a súa andaina literaria publicando varios poemarios nos anos 50. Posteriormente dedicouse á narrativa e, en 1975, publicou A morte de Frank González, que foi a primeira novela de vaqueiros escrtita en galego.^[3] Traballou ademais como xornalista en Faro de Vigo, ABC, La Noche, El Correo Gallego, e La Voz de Galicia.^[6]

No ano 1985 foi galardoado co Premio Galicia de Xornalismo e en 2003 coa "Letra E" concedida pola Asociación de Escritores en Lingua Galega. O 4 de xuño de 2011 foi elixido membro da Real Academia Galega^[7] e tomou posesión o 9 de marzo de 2013 cun discurso titulado Breves reflexións sobre os escritores e os xornalistas. Deulle a réplica Manuel Rivas.^[8]

Usou o pseudónimo de Ferr.^[9]

Obra

Poesía

• Ribeirana do Sil (1952). Edición do autor. Prólogo de Florentino López Cuevillas.
• A noite (1959). Madrid: Brais Pinto. Impreso en Vigo, nas Gráficas Numen de Noya.^[10]
• Ribeirana do Sil e A Noite. Poesía completa^[11]. Limiar e edición a cargo de Francisco X. Fernández Naval. (Deputación de Ourense, 2023). ISBN 9788416643530

Narrativa

Novela

• A morte de Frank González (1975). Sada: Ediciós do Castro.
• Morrer en Castrelo do Miño (1978). Sada: Ediciós do Castro. Despois incluído na Biblioteca de Autores Galegos. Historia da loita dos labregos contra o encoro construído nesa vila
• A saga dun afiador (1980). Sada: Ediciós do Castro, 153 páxs. ISBN ISBN: 84-7492-023-X. Reeditada en Xerais, 2001, ISBN 9788475076836. Inclúense palabras do barallete.
• A ceo aberto (1981). Sada: Ediciós do Castro. ISBN 9788474920949.
• Corrupción e morte de Brigitte Bardot (1981). Vigo: Xerais. 288. ISBN 9788475070414.
• Reportaxe cósmico (1983). Sada: Ediciós do Castro. 140 páxs. ISBN 9788474921533. Ficción científica.^[12]
• A fraga dos paxaros salvaxes (1985). Vigo: Xerais. 192 páxs. ISBN 9788475071862.
• O minotauro (1989). Santiago de Compostela: Sotelo Blanco, colecciónMedusa. ISBN 978-84-7824-025-8.
• Agosto do 36 (1991). Vigo: Xerais. Traducida ao castelán).^[13] 160 páxs. ISBN 978-84-8302-782-0 (15ª ed.).
• A cidade das chuvias (1994). Vigo: Xerais. 184 páxs. ISBN 9788475078267.
• O atentado (1999). Vigo: Xerais. 152 páxs. ISBN 9788483023945.
• O último paraíso (2001). A Coruña: Espiral Maior. 248 páxs. ISBN 978-84-9782-239-8.
• Millo verde (2002). Vigo: Xerais. 176 páxs. ISBN 978-84-8302-824-7.^[14]
• Os últimos fuxidos (2004). Vigo: Xerais. 248 páxs. ISBN 978-84-9782-239-8 (2ª ed.).
• Tempo de centeo (2009). Vigo: Xerais. 232 páxs. ISBN 978-84-9914-004-9.

Relatos

• Co medo nas mans (1996). Vigo: Xerais. Relatos. 152 páxs. ISBN 9788483021194.

• Ulcis (2020). Libro póstumo. Vigo: Xerais. Edición de F. Fernández Naval e prólogo de X. L. Méndez Ferrín. 184 páxs. ISBN 978-84-9121-702-2.^[15] ePub: ISBN 978-84-9121-709-1. Relatos.

Narrativa infanto-xuvenil

• O conto da boa e da mala pipa (1996). Santiago: Sotelo Blanco. ISBN 9788478242757.

Ensaio

• De Xente Nova a Brais Pinto. Memorias dun afiador rebelde, (2012).Vigo: Xerais, Memoria. 176 páxs. ISBN 978-84-9914-347-7.

Obras colectivas

• Unha liña no ceo (1996). Vigo: Xerais.
• Alma de beiramar (2003). Asociación de Escritores en Lingua Galega.
• Poetas e Narradores nas súas voces (Vol. II) (2006). Consello da Cultura Galega.
• Volverlles a palabra. Homenaxe aos represaliados do franquismo (2006). Difusora.

Premios

• Premio Galicia de Xornalismo no 1985.
• Premio Xerais no 1991, por Agosto do 36.
• Premio Antón Losada Diéguez de creación literaria no 2000, por O atentado.
• Galardoado coa Letra E da Asociación de Escritores en Lingua Galega no 2003.
• Premio Brais Pinto no 2013.