DC-ի ընդլայնված տիեզերք (անգլ.՝ DC Extended Universe (DCEU)), ոչ պաշտոնական անուն, որը վերաբերվում է DC Comics-ի կողմից հրատարակված կոմքիսների վրա հիմնված կինեմատոգրաֆիական տիեզերքին, որը թողարկվում է Warner Bros. Pictures-ի կողմից։ Ֆիլմերի արտադրությունները սկսվել են 2011 թվականից։ Ֆիլմաշարը համաշխարհային տոմսարկղերի շահույթով վաստակել է ավելի քան 3 միլիարդ դոլար և համարվում է տասնչորսերորդ, ամենաշատ շահույթ ունեցող ֆիլմաշարը։
DC-ի ընդլայնված տիեզերք անգլ.՝ DC Extended Universe | |
---|---|
Երկիր | ԱՄՆ |
Ժանր | սուպերհերոսական ֆանտաստիկա |
Հիմք | DC Universe[1] |
Թվական | 2013 |
Ռեժիսոր | Ջեյմս Գան |
Պրոդյուսեր | DC Studios |
Սցենարի հեղինակ | Դևիդ Գոյեր |
Կինոընկերություն | DC Studios |
DC Extended Universe Վիքիպահեստում |
Ֆիլմերը հիմնականում պարունակում են մեծ դերասանական անձնակազմեր։ Դերակատարներից են` Հենրի Քավիլը, Բեն Աֆլեքը, Գալ Գադոտը, Էզրա Միլերը, Ջեյսոն Մամոան, Ռեյ Ֆիշերը և այլք։ 2016 թվականի մայիսից Ջեոֆ Ջոնսը և Warner Bros.-ի գործադիր փոխնախագահ Ջոն Բերգը ղեկավարում են DC-ի ֆիլմերի բաժինը։ 2018 թվականին DC-ի ֆիլմերի ղեկավար նշանակվել է Ուոլթեր Համադան։
DCEU-ի առաջին ֆիլմը եղել է «Պողպատե մարդը» (2013) ֆիլմը, դրանից հետո «Բեթմենն ընդդեմ Սուպերմենի։ Արդարության արշալույսին» (2016), «Ինքնասպանների ջոկատ» (2016), «Հրաշք կին» (2017), «Արդարության լիգա» (2017) , «Ակվամեն» (2018) , «Շազամ» (2019), «Գիշատիչ թռչուններ։ Զարմանալի պատմություն Հարլի Քուինի մասին» (2020), «Հրաշք կին 1984» (2020), «Ինքնասպանների ջոկատ» (2021), Բեթմեն (2021) ֆիլմերը։ 2020 թվականին նախատեսված է թողարկել «Կիբօրգ», և «Կանաչ լապտերների կորպուսը» ֆիլմերը։ Այլ ծրագրեր գտնվում են զարգացման տարբեր փուլերում։
Արտադրություն
2002 թվականին Պիտեր Վոլֆգանգը պետք է լիներ «Բեթմենն ընդդեմ Սուպերմենի» ֆիլմի ռեժիսորը, իսկ սցենարիստը պետք է լիներ Ակիվա Գոլդսմանը[2]։ Warner Bros.-ը չեղյալ հայտարարեց ֆիլմի զարգացումը` Բեթմենի և Սուպերմենի մասին առանձին ֆիլմերի վրա կենտրոնանալու համար[3][4]։ 2007 թվականի փետրավրին Warner Bros.-ը վարձեց ամուսիններ Միշել և Քիերան Մոլռունիներին, որպեսզի նրանք գրեն սցենար Արդարության լիգայի մասին պատմող ֆիլմի համար[5]։ Քրիստիան Բեյլը, ով նկարահանվել էր «Բեթմեն։ Սկիզբը» ֆիլմում, չի ցանկանում նորից կատարել իր դերը ֆիլմում[6], ինչպես նաև Բրենդոն Ռաութը, ով նկարահանվել էր «Սուպերմենը վերադառնում է» ֆիլմում[7]։ Ջորջ Միլերը նշանակվում է ֆիլմի ռեժիսոր[8], որի անվանումն էր «Արդարության լիգա։ Մորտալ»[9]։ Դերերում էին Արմի Համերը որպես Բեթմեն, Դի Ջեյ Քաթրոնան` Սուպերմեն, Ադամ Բրոդին` Ֆլեշ, Սանտիագո Կաբրերան` Ակվամեն, Common-ը` Կանաչ Լապտեր, Մեգան Գեյլը` Հրաշք կին, Հյու Քիյս-Բայրնը` Մարսեցի որսորդ և Ջեյ Բարուշելը որպես Մաքսուել Լորդ[10] : 2008 թվականին ծրագրիի զարգացումը դադարեցվեց, Ավստրալիայում հարկերի վճարումից խուսափելու, ինչպես նաև 2007-2008 թվականների գրողների գործադուլի պատճառով, որը դադարեցրեց սցենարի առաջընթացը[11]։
2013 թվականի Սուպերմենի մասին պատմող «Պողպատե մարդը» ֆիլմը հիմք հանդիսացավ DC-ի ապագա ֆիլմերի համար[12]։ Ֆիլմում կային մեջբերումներ DC-ի այլ կերպարներից[13][14]։ Հունիսին, «Պողպատե մարդը» ֆիլմի հեռարձակումից օրեր անց հայտարարվեց, որ ֆիլմի ռեժիսոր Զաք Սնայդերը և սցենարիստ Դեյվիդ Ս. Գոյերը նկարահանելու են ֆիլմի շարունակությունը[15]։ Հուլիսին San Diego Comic-Con-ում հայտարարվեց, որ ֆիլմի շարունակության մեջ գլխավոր դերում լինելու է նաև Բեթմենը, ինչը նշանակում է, որ նրանք ստեղծում են ընդարձակ տիեզերք[16][17]։ 2014 թվականի հոկտեմբերին Warner Bros.-ը հայտարարեց, որ լինելու են 10 DC-ի ֆիլմեր[18]։
Երկրպագուները և լրատվամիջոցները սկսում են ֆիլմաշարը անվանել «DC կինեմատոգրաֆիական տիեզերք», համապատասխանեցնելով այն արդեն գործող «Marvel կինեմատոգրաֆիական տիեզերքի»-ին (MCU)[19][20][21]: 2015 թվականի սեպտեմբերին ֆիլմաշարի անունը հաստատվեց որպես «DC-ի ընդարձակ տիեզերք» (DCEU)[22][23]: Մինչ MCU-ն ներառում է հեռուստասերիալներ, DCEU-ուն կենտրոնանում է ֆիլմերի վրա։ DC-ի կերպարների մասին մի շարք հեռուստասերիալներ ունեն իրենց տիեզերքը, որը հաճախ անվանվում է «Arrowverse»[24][25][26]:
2016 թվականին, «Բեթմեն ընդդեմ Սուպերմենի» ֆիլմի քննադատությունից հետո Warner Bros.-ը ստեղծեց DC-ի ֆիլմերի բաժին, որտեղ ղեկավարներ նշանակեց Ջեոֆ Ջոնսին և Warner Bros.-ի գործադիր փոխնախագահ Ջոն Բերգին[27], որպեսզի այդպիսով վերահասկի DC-ի ընդարձակ տիեզերքի ֆիլմերի արտադրությունը[28][29]։ Չարլզ Ռովենը նշանակեվեց DC ֆիլմերի պորդյուսեր։ Նա այդ պաշտոնը տանում էր դեռ 2005 թվականի «Բեթմեն։ Սկիզբը» ֆիլմից սկսած[30][31][32]։ 2017 թվականի հունիսին «Հրաշք կին» ֆիլմի ֆինանսական և քննադատական հաջողությունից հետո Ջեոֆ Ջոնսը հետևում է, որ DC-ի մյուս ֆիլմերը կենտրոնացած լինեն սրտի, հումորի, հույսի, հերոսության և կերպարների լավատեսության վրա[33]։
Ֆիլմեր
Ֆիլմի անվանումը | Պրեմիերա | Ռեժիսոր(ներ) | Սցենարիստ(ներ) | Սյուժե | Պրոդյուսեր(ներ) | |
---|---|---|---|---|---|---|
Թողարկված ֆիլմեր | ||||||
Պողպատե մարդը | Հունիսի 14, 2013 | Զաք Սնայդեր | Դեյվիդ Ս․ Գոյեր | Դեյվիդ Ս․ Գոյեր, Քրիստոֆեր Նոլան |
Քրիստոֆեր Նոլան, Չարլզ Ռովեն, Դեբորա Սնայդեր, Էմմա Թոմաս | |
Բեթմենն ընդդեմ Սուպերմենի. Արդարության վերելքը |
Մարտի 25, 2016 | Դեյվիդ Ս․ Գոյեր, Քրիս Տերիո |
Չարլզ Ռովեն, Դեբորա Սնայդեր | |||
Ինքնասպանների ջոկատը | Օգոստոսի 5, 2016 | Դեյվիդ Էյեր | Չարլզ Ռովեն, Ռիչարդ Սաքլ | |||
Հրաշք կինը | Հունիսի 2, 2017 | Փեթթի Ջենքինս | Ալան Հեյնբերգ | Ալան Հեյնբերգ, Ջեյսոն Ֆյուչ, Զաք Սնայդեր | Զաք Սնայդեր, Դեբորա Սնայդեր, Չարլզ Ռովեն, Ռիչարդ Սաքլ | |
Արդարության լիգա | Նոյեմբերի 17, 2017 | Ջոս Ուիդոն | Քրիս Տերիո, Ջոս Ուիդոն | Քրիս Տերիո, Զաք Սնայդեր | Ջեֆ Ջոնս, Դեբորա Սնայդեր, Ջոն Բերգ, Չարլզ Ռովեն | |
Ակվամեն | Դեկտեմբերի 21, 2018 | Ջեյմս Վան | Դևիդ Լեսլի Ջոնսոն-ՄաքԳոլդրիկ, Ուիլ Բիլ | Ուիլ Բիլ, Ջեյմս Վան, Ջեֆ Ջոնս | Փիթեր Սաֆրան, Ռոբ Քաուեն | |
Շազամ | Ապրիլի 5, 2019 | Դևիդ Սանդբերգ | Հենրի Հայդեն | Դարեն Լեմկե, Հենրի Հայդեն | Փիթեր Սաֆրան | |
Գիշատիչ թռչուններ։ Զարմանալի պատմություն Հարլի Քուինի մասին | Փետրվարի 7, 2020 | Քեթի Յան | Քրիստինա Հոդսոն | Մարգո Ռոբի, Սյու Քրոլ և Բրայան Անքլես | ||
Հրաշք կին 1984 | Հոկտեմբերի 2, 2020 | Փեթթի Ջենքինս | Փեթթի Ջենքինս, Դեյվ Կալահեմ | Փեթթի Ջենքինս, Ջեֆ Ջոնս | Չարլզ Ռովեն, Դեբորա Սնայդեր, Զաք Սնայդեր, Փեթթի Ջենքինս, Սթիվեն Ջոնս, Գալ Գադոտ | |
Զաք Սնայդերի Արդարության լիգա | Մարտի 18, 2021 | Զաք Սնայդեր | Քրիս Տերիո | Քրիս Տերիո, Զաք Սնայդեր, Ուիլ Բիլ | Չարլզ Ռովեն, Դեբորա Սնայդեր | |
Ինքնասպանների ջոկատը | Օգոստոսի 5, 2021 | Ջեյմս Գան | Չարլզ Ռովեն, Փիթեր Սաֆրան | |||
Սև Ադամ | Հոկտեմբերի 21, 2022 | Ջաում Քոլեթ-Սերա | Ադամ Ջոն Սթիքիլ, Ռորի Հեյնս և Սոհրաբ Նոշիրվանի | Բո Ֆլին, Հիրամ Գարսիա, Դուեյն Ջոնսոն, Դենի Գարսիա | ||
Շազամ։ Աստվածների զայրույթը | Մարտի 17, 2023 | Դևիդ Սանդբերգ | հենրի Գեյդեն, Քրիս Մորգան | Փիթեր Սաֆրան | ||
Ֆլեշ | Հունիսի 16, 2023 | Էնդի Մուսքեթի | Քրիստինա Հոդսոն | Ջոն Ֆրենսիս Դեյլի, Ջոնաթան Գոլդստեին, Ջոբի Հերոլդ | Բարբարա Մուսքեթի, Մայքլ Դիսքո | |
Նկարահանվում է | ||||||
Կապույտ Բզեզ | Օգոստոսի 18, 2023 | Անխել Մանուել Սոթո | Գարեթ Դաներ-Ալքոսեր | Ջոն Ռիքարդ, Զև Ֆորման | ||
Ակվամենը և Կորած Թագավորությունը | Դեկտեմբերի 20, 2023 | Ջեյմս Վան | Դեյվիդ Լեսլի Ջոնսոն-ՄաքԳոլդրիք | Ջեյմս Վան, Դեյվիդ Լեսլի Ջոնսոն-ՄաքԳոլդրիք, Ջեյսոն Մոմոա, Թոմաս Փաա Սիբեթ | Ջեյմս Վան, Փիթեր Սաֆրան |
Թողարկված ֆիլմեր
Պողպատե մարդը (2013)
Քլարկ Կենտը/ Կալ-Էլը, ով տարիներ առաջ ժամանել էր Երկիր` գալով Կրիպտոն մոլորակից, ցանկանում էր պարզել թե ինչու են նրան ուղարկել Երկիր։ Նրան մեծացնում են նրան որդեգրած ծնողներ` Ջոնաթան և Մարթա Կենտերը։ Նա իրեն վերցնում է «Սուպերմեն» անունը, և պարզում է, որ նրա կարողությունները նախատեսված էին աշխարհում խաղաղություն հաստատելու կամ աշխարհը նվաճելու համար[34]։
«Խավարի ասպետը։ Լեգենդի վերածնունդը» ֆիլմի սցեփնարի քննարկումների ժամանակ Դեյվիդ Ս․ Գոյերը Քրիստոֆեր Նոլանին ասեց մի գաղափար, թե ինչպես կարելի է ներկայացնել Սուպերմենին ժամանակակից քոնտեքստում[35]։ Գոյերի գաղափարից տպավորված լինելով, Նոլանը պատմում է այդ գաղափարի մասին ստուդիային[36], որը վարձում է Նոլանին, որպեսզի նա լինին ֆիլմի պրոդյուսերը, իսկ Գոյերը` սցենարիստը[37][38]։ 2010 թվականի հոկտեմբերին Զաք Սնայդերը նշանակվում է ֆիլմի ռեժիսոր[39]։ 2011 թվականի հունվարին Հենրի Քավիլը ընտրվում է Քլարկ Կենտի/ Սուպերմենի դերը կատարելու համար[40]։ Դերերում են նաև Էմի Ադամսը որպես Լոիս Լեյն[41], Մայքլ Շենոնը` Գեներալ Զոդ[42], Դայան Լեյնը` Մարթա Կենտ[43], Քևին Քոսթները` Ջոնաթան Կենտ[44], Ռասսել Քրոուն` Ջոր-Էլ[45] և Լոուրենս Ֆիշբորնը որպես Փերի Ուայթ[46]։ Ֆիլմի նկարահանումները սկսել են 2011 թվականի օգոստոսի 1-ին[47]։ «Պողպատե մարդը» ֆիլմը Հյուսիսային Ամերիկայում թողարկվել է 2013 թվականի հունիսի 14-ին[48]։
Բեթմենն ընդդեմ Սուպերմենի։ Արդարության արշալույսին (2016)
Գոթեմ Սիթիի վրիժառու-հերոս Բեթմենը գալիս է Մետրոպալիս` Սուպերմենի հետ մենամարտելու[49]։
2013 թվականի հունիսին հայտարարվեց, որ Զաք Սնայդերը և Դեյվիդ Ս. Գոյերը նկարահանելու են «Պողպատե մարդը» ֆիլմի շարունակությունը[15]։ Քրիստոֆեր Նոլանը ֆիլմի գործադիր պրոդյուսերն էր[50]։ Հուլիսին, San Diego Comic-Con-ում Warner Bros.-ը հայտարարեց, որ Բեթմենն ու Սուպերմենը առաջին անգամ միասին հայտնվելու են ֆիլմում[16][17]։ Զաք Սնայդերն ասել է, որ ֆիլմը ոգեշնչված է «The Dark Knight Returns» կոմիքսից[51]։ Հենրի Քավիլը, Էմի Ադամսը, Դայան Լեյնը և Լոուրենս Ֆիշբորնը ֆիլմում կրկնեցին իրենց դերերը[52]։ Օգոստոսին հայտնի դարձավ, որ Բեն Աֆլեքը կատարելու է Բրյուս Ուեյնի/ Բեթմենի դերը[53]։ Դեկտեմբերին հայտնի դարձավ, որ Գալ Գադոտը կատարելու է Դիանա Փրինսի/ Հրաշք կնոջ դերը, որը համարվելու էր կերպարի առաջին էկրանավորումը ֆիլմում[54]։ Մեկ ամիս անց Քրիս Թերիոն ընտրվեց Գոյերի սցենարը վերագրելու համար[55]։ 2014 թվականի հունվարին հայտարարվեց, որ ֆիլմը ոչ թե թողարկվելու է 2015 թվականի հուլիսի 17-ին, այլ 2016 թվականի մայիսի 6-ին, որպեսզի ֆիլմի ստեղծողները ավելի շատ ժամանակ ունենային ֆիլմը վերջնական փոփոխելու համար[56]։ Նույն ամսում դերասանական անձնակազմին միացան Ջեսսի Այզենբերգը և Ջերեմի Այրոնսը` Լեքս Լյութորի և Ալֆրեդ Փենիուորթի դերերում[57]։ 2014 թվականի մասին հայտարարվեց, որ ֆիլմի անունը լինելու է «Բեթմենն ընդդեմ Սուպերմենի։ Արդարության արշալույսին»[58]։ Նախնական նկարահանումները սկսվել են 2013 թվականի հոկտեմբերի 19-ին Արևելյան Լոս Անջելեսի քոլեջում[59], իսկ նկարահանման շրջանը սկսել է 2014 թվականի մայիսի 21-ին Դետրոյթում[60]։ Ֆիլմի արտադրությունը նաև անցկացվել է Իլինոյսում, Նյու Մեքսիկոյում և Աֆրիկայում[60][61]։ Ֆիլմի թողարկման օրը կրկին փոխվեց և այն Հյուսիսային Ամերիկայում հեռարձակվեց 2016 թվականի մարտի 26-ին[62]։
Ֆիլմի իրադարձությունները տեղի են ուենում «Պողպատե մարդը» ֆիլմի իրադարձություններից 18 ամիս անց[63]։ «Բեթմենն ընդդեմ Սուպերմենի։ Արդարության արշալույսին» ֆիլմում երևացել են Էզրա Միլերը, Ջեյսոն Մամոան և Ռեյ Ֆիշերը` Ֆլեշի, Ակվամենի և Կիբօրգի դերերում։ Նրանց կերպարները ավելի լավ կերևան ապագա ֆիլմերում[52][64][65]։ Ֆիմում նաև երևացել է Սթեփենվուլֆը, ով «Արդարության լիգա» ֆիլմում լինելու գլխավոր չարագործը։ Այդ տեսարանը չկար ֆիլմի կինոթատրոնային տարբերակում, բայց Warner Bros.-ը մարտի 28-ին օնլայն հեռարձակել է ֆիլմի լրիվ տարբերակը[66][67]։
Ինքնասպանների ջոկատ (2016)
Գաղտնի պետական գործակալությունը օգտագործում է բանտարկված չարագորներին աշխարհը կործանիչ վտանգից փրկելու համար[68]։
2009 թվականի փետրվարին, DCEU-ի ստեղծումից առաջ, Warner Bros.-ը զարգացնում էր ֆիլմ Ինքնասպանների ջոկատի մասին, որի ռեժիսորը պետք է լիներ Դան Լինը, իսկ սցենարիստը` Ջասթին Մարկսը[69]։ 2014 թվականի հոկտեմբերին Warner Bros.-ը հայտարարեց «Ինքնասպանների ջոկատ» ֆիլմի մասին, որի ռեժիսորն էր Դեյվիդ Էյերը[18] : Դեկտեմբերին հայտարարվեց, որ Էյերը նաև գրելու է ֆիլմի սցենարը[70]։ Դերերում են Ուիլ Սմիթը որպես Դեդշոթ, Մարգո Ռոբին` Հարլի Քուին, Ջարեդ Լետոն` Ջոկեր, Ջեյ Քուրթնին` Կապիտան Բումերանգ, Ջեյ Էռնանդեսը` Էլ Դիաբլո, Ադեվալե Ակինոյ-Ագբաջեն` Մարդասպան Քրոք, Քերեն Ֆուկուհարան` Կատանա, Կարա Դելևինը` Կախարդ աղջիկ, Վիոլա Դեվիսը` Ամանդա Ուոլեր և Ջոել Քինամանը որպես Ռիք Ֆլագ[71]։ Իրականում Ռիք Ֆլագի դերը պետք է կատարեր Թոմ Հարդին, սակայն նա չկարողացավ ժամանակի մեջ հարմարվել քանի որ նկարահանվում էր «Փրկվածը» ֆիլմում[72]։ Նկարահանումների շրջանը սկսել է 2015 թվականի ապրիլի 13-ին[73] Տորոնտոյում[74]։ Նկարահանումները վերջացել են 2015 թվականի օգոստոսի 28-ին[75]։ «Ինքնասպանների ջոկատ» ֆիլմը Հյուսիսային Ամերիկայում թողարկվել է 2016 թվականի օգոստոսի 5-ին[76]։
Ֆիլմի իրադարձությունները տեղի են ունենում «Բեթմենն ընդդեմ Սուպերմենի։ Արդարության արշալույսին» ֆիլմի իրադարձություններից հետո[77]։ Ֆիլմում նաև երևացել են Բեն Աֆլեքը որպես Բրյուս Ուեյն Բեթմեն և Էզրա Միլերը որպես Բարի Ալեն/ Ֆլեշ[77]։ Տիտրերից հետո տեսարանում երևում է, որ Ուոլերը հանդիպում է Ուեյնին` նրան տալով Արդարության լիգայի անդամների մասին տեղեկություն պարունակող փաստաթղթեր[78]։
Հրաշք կին (2017)
Ամազոնուհի մարտիկ Դիանան, ով Զևսի դուստրն է, օգտագործում է իր տաղանդները և կարողությունները` Առաջին համաշխարհային պատերազմի ժամանակ մարդկությանը օգնելու համար։
2013 թվականի դեկտեմբերին հայտարարվեց, որ Գալ Գադոտը կատարելու Դիանա Փրինսի/ Հրաշք Կնոջ դերը[54][79]։ 2014 թվականի հոկտեմբերին Warner Bros.-ը հայտարարեց «Հրաշք կին» ֆիլմի մասին[18]։ Նոյեմբերին հայտարարվեց, որ ֆիլմի ռեժիսորն է լինելու Միշել ՄաքԼարենը, իսկ սցենարիստը` Դեյվիդ Ֆուշը[80][81]։ 2015 թվականի ապրիլին ՄաքԼարենը լքում է նախագիծը[82]։ Նույն ամսում հայտարարվեց, որ ֆիլմի նոր ռեժիսորը լինելու է Փեթի Ջենքինսը[83]։ Հուլիսին հայտարարվեց, որ Քրիս Փայնը կատարելու է Սթիվ Թրեվորի դերը[84]։ Դերեում են նաև Քոնի Նելսենը որպես թագուհի Հիպոլիտա, Ռոբին Րայթը` Անտիոպա, Դենի Հյուսթոնը` Էնրիխ Լյուդենդորֆ, Ելենա Անայան` բժիշկ Թույն և Դևիդ Թյուլիսը որպես Արես[85][86]։ Նկարահանումները սկսել են 2015 թվականի նոյեմբերին և տեղի են ունեցել Մեծ Բրիտանիայում, Ֆրանսիայում և Իտալիայում[87]։ «Հրաշք կին» ֆիլմը Հյուսիսային Ամերիկայում թողարկվել է 2017 թվականի հունիսի 2-ին[76]։
Արդարության լիգա (2017)
Ոգեշնչվելով Սուպերմենի ինքնազոհումից, Բեթմենը և Հրաշք կինը հավաքում են մետամարդկանց թիմ, որպեսզի դիմակայեն աղետաբեր վտանգին[88]։
2013 թվականի հունիսին հայտարարվեց, որ Դեյվիդ Ս. Գոյերը գրելու «Արդարության լիգա» ֆիլմի սցենարը[15]։ 2014 թվականի ապրիլին հայտարարվեց, որ Զաք Սնայդերը լինելու է ֆիլմ ռեժիսորը[89]։ Հոկտեմբերին հայտարարվեց, որ ֆիլմ անվանումը լինելու է «Արդարության լիգա։ Մաս առաջին»[18]։ 2016 թվականի մարտին հյատարարվեց, որ Քրիս Թերիոն գրել է ֆիլմի սցենարը, և նա ասել է, որ ֆիլմը «Բեթմենն ընդդեմ Սուպերմենի։ Արդարության արշալույսին» ֆիլմի նման մռայլ չի լինելու[90]։ Հունիսին Ջեոֆ Ջոնսը հայատարարեց, որ ֆիլմի անվանումը պարզապես լինելու է «Արդարության լիգա»[91]։ Բեն Աֆլեքը, Հենրի Քավիլը, Գալ Գադոտը, Ջեյսոն Մամոան, Էզրա Միլերը, Ռեյ Ֆիշերը, Ջերեմի Այրոնսը, Դայան Լեյնը, Էմի Ադամսը, Քանի Նելսենը և Ռոբին Րայթը ֆիլմում կրկնելու են իրենց դերերը[92][93]։ Քիարան Հայնդսը կատարելու է չարագործ Սթեփենվուլֆի դերը[94]։ Նկարահանումները սկսել են 2016 թվականի ապրիլի 11-ին և տեղի են ունեցել Անգլիայում, ինչպես նաև Լոնդոնի մոտակայքում և Իսլանդիայում[95]։ Նկարահանումները վերջացել են 2016 թվականի հոկտեմբերին[96]։ 2017 թվականի մայիսին Զաք Սնայդերը թողնում է ֆիլմի արտադրության աշխատանքը` իր դստեր մահվան պատճառով։ Ջոշ Ուեդոնը կատարելու է նրա պաշտոնը. լրացուցիչ տեսարանների սցենարիստը և ռեժիսորը լինելու է նա[97]։ «Արդարության լիգա» ֆիլմը Հյուսիսային Ամերիկայում թողարկվել է 2017 թվականի նոյեմբերի 17-ին[95]։
«Արդարության լիգա» ֆիլմում երևացել են շատ կերպարներ, ներառյալ Ջոնաթան Քիմբլ Սիմոնսը արպես հանձնակատար Ջեյմս Գորդոն[98], Էմբեր Հերդը` Մերա[99], Ուիլեմ Դեֆոն` Նուիդիս Վուլկո[100], Քիրսի Քլեմոնսը` Այրիս Ուեսթ[101] և Բիլի Քրադափը որպես Հենրի Ալեն[102]։
Ակվամեն (2018)
2014 թվականի հունիսին հայտարարվեց, որ Ջեյսոն Մամոան կատարելու է Արթուր Քարիի/ Ակվամենի դերը[52]։ Օգոստոսին Ուիլ Բիլը և Քուրթ Ջոնսթադը սցենարներ էին գրում Ակվամենի սոլո ֆիլմի համար[103]։ Հոկտեմբերին հայտարարվեց «Ակվամեն» ֆիլմի մասին[18]։ 2015 թվականի հունիսին Ջեյմս Վանը ընտրվեց որպես ֆիլմի ռեժիսոր[104]։ 2016 թվականի հուլիսին հայտարարվեց, որ ֆիլմի սցենար ընդունվելու է Ուիլ Բիլի գրած սցենարը[105]։ Դեկտեմբերին հայտարարվեց, որ Պատրիկ Ուիլսոնը կատարելու է Ակվամենի եղբոր` Օրմ Մարիուսի/ Օվկիանոսի վարպետի դերը[106]։ 2017 թվականի հունվարին հայտարարվեց, որ Յահա Աբդուլ-Մատին II-ը կատարելու է չարագործ Սև Մանտայի դերը[107]։ Մարտին Նիկոլ Քիդմանը հաստատեց, որ նա կատարելու է թագուհի Ատլանտայի` Ակվամենի մոր դերը[108]։ Ապրիլին հայտարարվեց, որ Դոլֆ Լունդգրենը կատարելու է չարագործ Ներեուսի դերը[109]։ Էմբեր Հարդը և Ուիլեմ Դեֆոն կրկնելու են «Արդարության լիգա» ֆիլմի իրենց դերերը[99][110]։ Դերասանական անձնակազմում են նաև Թեմուերա Մորիսոնը որպես Ակվամենի հայր` Թոմ Քարի[110] և Լուդի Լինը որպես Մուրկ` Ակվամենի դաշնակիցը[111]։ Նկարահանումները սկսել են 2017 թվականի մայիսի 3-ին Ավստրալիայի Քվինսլենդ նահանգում[110]։ «Ակվամեն» ֆիլմը նախատեսված է թողարկել Հյուսիսային Ամերիկայում 2018 թվականի դեկտեմբերի 21-ին[112][113]։
Շազամ (2019)
2014 թվականին Դուեյն Ջոնսոնը հայտարարեց, որ կապ ունի Շազամ սուպերհերոսի հետ[114]։ Սեպտեմբերին հայտնի դարձավ, որ Ջոնսոնը կատարելու է անտի-հերոս Սև Ադամի դերը, և որ նա ու Հիրամ Գարսիան լինելու են ֆիլմի պրոդյուսերները, իսկ Դարեն Լեմկը գրելու է ֆիլմի սցենարը[115]։ New Line Cinema-ի նախագահ Թոբի Էմրիքը Entertainment Weekly ամսագրին ասել է, որ «Շազամ» ֆիլմը տարբերվելու է այլ կինոկոմիքսներից. այն ունելու է հումոր, սակայն լինելու է իրականությանը ավելի մոտ[116]։ 2017 թվականի հունվարին հայտարարվեց, որ Հենրի Գայդենը աշխատում է ֆիլմի սցենարի վրա[117]։ Հուլիսին հայտարարվեց, որ Դեյվիդ Ֆ. Սենդբերգը լինելու է ֆիլմի ռեժիսորը։ Ֆիլմի արտադրությունը սկսելու է 2018 թվականի սկզբերին[118]։ Չնայած հայտարարությանը, Դուեյն Ջոնսոնը «Շազամ» ֆիլմում չի կատարելու Սև Ադամի դերը, այլ կատարելու է իր կերպարի մասին սոլո ֆիլմում[119]։ Ֆիլմը նախատեսվում է նկարահանել Տորոնտոյում, 2018 թվականի մայիսից մինչև փետրվար ընկած հատվածում[120]։ 2017 թվականի հոկտեմբերին հայտարարվեց որ Զակարի Լիվայը կատարելու է Շազամի դերը[121]։ Նոյեմբերին «Աննաբելլի անեծքը։ Չարի ծնունդը» ֆիլիմ դերասանուհի՝ Գրեյս Ֆուլթոնը միանում է ֆիլմի դերասանական անձնակազմին[122]։ Բանակցություններ են տարվում Մարկ Ստրոնգի հետ ֆիլմի գլխավոր չարագործ՝ բժիշք Թադեուս Սիվանայի դերը կատարելու համար[123]։ Նույն ամսում հայտնի դարձավ, որ Շազամի փոքրհասակ ալտեր էգոյի՝ Ուիլյամ «Բիլի» Բաթսոնի դերը կատարելու Աշեր Էնջելը[124]։ «Շազամ» ֆիլմը թողարկվելու է Հյուսիսային Ամերիկայում 2019 թվականի ապրիլի 5-ին[125]։
Գիշատիչ թռչուններ։ Զարմանալի պատմություն Հարլի Քուինի մասին (2020)
«Գիշատիչ թռչուններ։ Զարմանալի պատմություն Հարլի Քուինի մասին» ֆիլմը, որը հիմնված է համանուն սուպերհերոսական թիմի վրա, 2016 թվականից գտնվում է զարգացման մեջ։ Ֆիլմի սցենարիստ է հանդիսանում Քրիստինա Հադսոնը[126]։ 2018 թվականի ապրիլին Warner Bros.-ը ֆիլմի ռեժիսոր է նշանակում Քեթի Յանին, իսկ ֆիլմի պրոդյուսերն են հանդիսանում Մարգո Ռոբին, Սյու Քրոլը և Բրայան Անքլեսը։ Մարգո Ռոբին նշել է, որ ֆիլմը ունենալու է R ռեյթինգ[127]։ Թիմի կազմում լինելու են Հարլի Քուինը (Մարգո Ռոբի), Հելենա Բարտինելին/ Որսորդուհին (Մերի Էլիզաբեթ Ուինսթեդ), Դայնա Լորել Լենսը/ Սև դեղձանիկը (Ջերնի Սմոլեթ-Բել), ինչպես նաև Ռենե Մոնտոյան (Ռոզի Պերեզ) և Կասանդրա Քեյնը[128]։ Ռոման Սիոնիսը/ Սև Դիմակը լինելու է ֆիլմի հիմնական չարագործը, ում մարմնավորելու է Էվան ՄաքԳրեգորը[129][130]։ Քրիս Մեսինան մարմնավորելու է Վիկտոր Զաասին[131]։ Ֆիլմի արտադրությունը սկսվել է 2019 թվականի հունվարի 15-ին, Լոս Անջելեսում[132][133][134]։ Warner Bros.-ը հայտարարել է, որ ֆիլմը թողարկվելու է 2020 թվականի փետրվարի 14-ին, սակայն այն հետագայում թողարկել է 2020 թվականի փետրվարի 7-ի[135]։
Հրաշք կին 1984 (2020)
2017 թվականի հունիսին Փեթի Ջենքինսը և Ջեոֆ Ջոնսը սկսեցին աշխատել «Հրաշք կին» ֆիլմի շարունակության վրա[136]։ Հուլիսին Ջեոֆ Ջոնսը հայտարարեց, որ աշխատում է ֆիլմի սցենարի վրա[137]։ Նույն ամսում, San Diego Comic-Con-ում հայտարարվեց «Հրաշք կին 2» ֆիլմի մասին։ Օգոստոսին Փեթի Ջենքինսի հետ բանակցություններ էին ընթանում՝ ռեժիսորի պաշտոնին վերադառնալու համար[138]։ Մեկ ամիս հտո հայտարարվեց, որ նա վերադառնալու է որպես ռեժիսոր, իսկ Գալ Գադոտը կրկնելու է իր դերը։ Սեպտեմբերի հայտնի դարձավ որ Փեթի Ջենքինսի և Ջեոֆ Ջոնսի հետ միասին սցենարը գրելու է նաև Դեյվիդ Քելեմը։ Ֆիլմի իրադարձությունները տեղի են ունենալու Սառը պատերազմի ժամանակաշրջանում՝ 1980-ական թվականներին[139][140]։ 2018 թվականի մարտին հայտնի դարձավ, որ Քրիստեն Ուիգը մարմնավորելու է ֆիլմի բացասական կերպար՝ Բարբառա Էն Միներվային/ Ընձայռուծին[141][142]։ Նույն ամսում հայտնի դարձավ,․որ Պեդրո Պասկալը նույնպես նկարահանվելու է ֆիլմում[143][144]։ «Հրաշք կին 1984» ֆիլմը նախատեսված էր Հյուսիսային Ամերիկայում թողարկել 2020 թվականի հունիսի 5-ին, սակայն այն տեղափոխվեց նույն թվականի օգոստոս, կորոնավիրուսիւսի համաճարակի պատճառո վ։
Սպասվող ֆիլմեր
Ֆլեշ
2013 թվականի հուլիսին հայտարարվեց, որ Գրեգ Բերլանտին, ով աշխատում է The CW հեռուստաալիքի «Ֆլեշ» հեռուստասերիալի վրա, զարգացնում է Ֆլեշի մասին ֆիլմ Warner Bros.-ի համար[145]։ 2014 թվականի հոկտեմբերին հայտարարվեց «Ֆլեշ» ֆիլմի մասին, ինչպես նաև որ Էզրա Միլերը մարմնավորելու է Բարի Ալենին/ Ֆլեշին[18][65]։ 2015 թվականի ապրիլին հայտնի դարձավ, որ Ֆիլ Լորդը և Քրիստոֆեր Միլերը գրում են պատմություն ֆիլմի սցենարի համար[146]։ 2018 թվականի մարտին ֆիլմի ռեժիսորներ նշանակվեցին Ջոն Ֆրենսիս Դեյլին և Ջոնաթան Գոլշթեինը[147][148]։ Ֆիլմի նախարտադրությունը նախատեսվում է սկսել 2019 թվականի սկզբերին, և երկու ռեժիսորներն նշել են, որ ֆիլմը ոգեշնչված է լինելու «Հետ դեպի ապագա» ֆիլմով[149]։ 2018 թվականի օգոստոսից սկսած Գրեմ-Սմիթը և Քրիս Բրենքաթոն նույնպես աշխատում են ֆիլմի սցենարի վրա[150]։ Ֆիլմը նախատեսվում է թողարկել 2020 թվականին[151]։
Արտադրության մեջ գտնվող ֆիլմեր
- 2009 թվականի սեպտեմբերին Warner Bros.-ը հայտարարեց, որ թողարկելու է ֆիլմ Լոբոյի մասին։ Ֆիլմի ռեժիսոր նշանակվեց Գայ Ռիչին, սակայն նրան փոխարինեց Բրեդ Փեյթոնը[152][153]։ 2016 թվականին ֆիմի սցենարիստ նշանակվեց Ջեյսոն Ֆուշը[154]։ 2018 թվականի փետրվարից Ջեյսոն Ֆուշը վերագրում է իր սցենարը[155]։
- 2013 թվականի հունվարին Գիլերմո Դել Տորոն հաստատեց, որ նա աշխատում Մռայլ արդարության լիգա թիմի մասին պատմող ֆիլմի վրա, որի անվանումն է «Մռայլ տիեզերք»[156]։ 2014 թվականին Դել Տորոն թողնում է ֆիլմի ռեժիսորի պաշտոնը[157][158]։ 2016 թվականի օգոստոսին ֆիլմի ռեժիսոր նշանակվեց Դագ Լիմանը, պոդյուսեր նշանակվեց Սքոթ Ռուդինը, իսկ սցենարիստ՝ Մայքլ Ջիլիոն[159]։ 2017 թվականի մասյիսին Լիմանը հրաժարվեց ռեժիսորի պաշտոնից[160]։ Հուլիսին, San Diego Comic-Con-ում հայտարարվեց, որ ֆիլմի անունը լինելու է «Մռայլ արդարության լիգա»[161][162]։
- 2014 թվականին հոկտեմբերին հայտարարվեց, որ լինելու է «Արդարության լիգա։ Մաս երկու» ֆիլմը, իսկ ռեժիսոր լինելու է Զաք Սնայդերը։ 2016 թվականի հունիսին հայտարարվեց, որ ֆիլմը չի հանդիսանալու «Արդարության լիգա» ֆիլմի շարունակությունը, ինչը թողեց ֆիլմը անանուն[163]։ Ֆիլմը սկզբից նախատեսված էր թողարկել 2019 թվականի հունիսի 14-ին, սակայն այն անորոշ ժամանակով հետաձգվեց[164]։ 2017 թվականի հոկտեմբերին Ջեյ Քեյ Սիմոնսը հայտարարեց, որ ֆիլմի սցենարը ընթացքի մեջ է[165], իսկ 2017 Variety-ին հայտարարեց, որ Զաք Սնայդերի ռեժիսոր լինելը հաստատված չէ[166]։
- «Պողպատե մարդը» ֆիլմի սիքվելը 2014 թվականի հոկտեմբերից գտնվում է զարգացման փուլում։ 2016 թվականին Էմի Ադամսը ասել է, որ ֆիլմի սցենարի վրա աշխատանքները սկսվել են[167]։ 2017 թվականին Մեթյու Վոնը հանդիպում է ունեցել ստուդիայի հետ՝ ֆիլմի ռեժիսորը լինելը քննարկելու համար[168]։ 2018 թվականին Հենրի Քավիլը հայտարարել է, որ կրկնելու է իր դերը ֆիլմում[169]։
- 2015 թվականի սեպտեմբերից Գրեգ Բեռլանտին զարգացնում է Մայքլ Ջոն Քարթերի/ Բուսթեր Գոլդի և Թեոդոր «Թեդ» Քորդի/ Կապույտ Բզեզի մասին ֆիլմ։ Սկզբից ֆիլմի սցենարի վրա աշխատում էր Զաք Պենը[170]։ 2016 թվականի մայիսին նոր սցենարիստ է նշանակվում Զաք Ստենցը, ում սցենարը պետք է լինի միայն Բուսթեր Գոլդի մասին[171]։
- «Ինքնասպանների ջոկատ» ֆիլմի սիքվելը 2016 թվականի մարտից գտնվում է զարգացման փուլում[172]։ Հաջորդ տարի ֆիլմի սցենարիստ է նշանակվում Ադամ Քոզարդը[173], մինչ Զակ Պենը գրում է սցենարի պատմությունը[174]։ 2017 թվականի սեպտեմբերին Գեյվին Օ՛Քոնորը նշանակվեց ֆիլմի ռեժիսոր[175][176][177]։ 2018 թվականի հունվարից Մայքլ Դե Լուկան համարվում է ֆիլմի պրոդյուսեր[178]։ 2018 թվականի հոկտեմբերին Օ՛Քոնորը լքում է ռեժիսորի պաշտոնը։ Ֆիլմի արտադրությունը դադարում է, քանի որ Warner Bros.-ը կարծում էր, որ սցենարը շատ նման է «Գիշատիչ թռչուններ» ֆիլմի սցենարին[179][180][181][182]։ Չարլզ Ռովենը, Մայքլ Դե Լուկան, Ջեֆ Ջոնսը, Զաք Սնայդերը, Դեբորա Սնայդերը, Ռիչարդ Սաքլը, Դեն Լին և Էնդի Հորուիթսը լինելու են ֆիլմի պրոդյուսերները, իսկ Ջեյմս Գաննը գրելու է ֆիլմի նոր սցենարը և հնարավոր է, որ լինի նաև ֆիլմի ռեժիսորը։
- 2016 թվականի դեկտեմբերին հայտարարվեց, որ թողարկվելու է «Գոթեմ Սիթիի սիրենները» ֆիլմը, որը հիմնված է լինելու համանուն կոմիքսների շարքի վրա[183]։ Դեյվիդ Էյերը նշանակվեց ռեժիսոր և պրոդյուսեր, իսկ Ջենևա Ռոբերտսոն-Դուորեթը` սցենարիստ[183]։ Ֆիլմի գլխավոր կերպարները լինելու են Հարլի Քուինը, Սելինա Քայլը/ Կատու կինը և Պամելա Այսլին/ Թունավոր բաղեղը[184]։ Մարգո Ռոբին կրկնելու է իր դերը և հանդիսանալու է գործադիր տնօրեն, իսկ Ջեֆ Ջոնսը և Ջոն Բերգը լինելու են պրոդյուսերներ[185]։ Ֆիլմի արտադրությունը պետք է սկսեր 2017 թվականի կեսերից, սակայն այն դադարեցվեց «Գիշատիչ թռչուններ» ֆիլմը նկարահանելու համար[186][187]։ 2017 թվականի օգոստոսին Ջարեդ Լետոն նշել է, որ ֆիլմում կատարելու է Ջոկերի դերը[188]։
- 2016 թվականի դեկտեմբերին The Hollywood Reporter-ը հայտարարել է, որ Ֆլոյդ Լոութոնի/ Դեթշոթի մասին պատմող ֆիլմը գտնվում է արտադրության մեջ[189]։ 2018 թվականի սեպտեմբերին Ուիլ Սմիթը հայտարարել է, որ կրկնելու է իր դերը, և որ ստուդիան արդեն զարգացնում է ֆիլմի սցենարը[190]։
- 2017 թվականի հունվարին հայտարարվեց, որ Դուեյն Ջոնսոնը մարմնավորելու է անտի հերոս Սև Ադամին։ 2017 թվականի հոկտեմբերին Ադամ Շթիքելը նշանակվել է ֆիլմի սցենարիստ[191]։ 2018 թվականի հուլիսին Ջոնսոնը հայտարարել է, որ ֆիլմի արտադրությունը սկսելու է հաջորդ տարի, իսկ նկարահանումները՝ 2019 թվականի վերջերին[192][193][194]։
- 2017 թվականի փետրվարից Դիք Գրեյսոնի/ Նայթուինգի մասին պատմող ֆիլմը գտնվում է արտադրության մեջ։ Քրիս ՄաքՔեյը ֆիլմի ռեժիսորն է, իսկ Բիլ Դեբյուքը` սցենարիստը[195]։ Ֆիլմը կենտրոնանալու է Գրեյսոնի անցյալի, ինչպես նաև հետագա կարիերայի վրա։ 2018 թվականի փետրվարին ՄաքՔեյը նշել է, որ ֆիլմի սցենարը գրեթե պատրաստ է[196]։
- 2017 թվականի մարտին Բառբառա Գորդոնի/ Բեթգրլի մասին պատմող ֆիմի սցենարիստ, ռեժիսոր և պրոդյուսեր նշանակվեց Ջոս Ուեդոնը[197]։ Ուեդոնը նախատեսում էր սկսել ֆիլմի արտադրությունը 2018 թվականից[198], սակայն 2018 թվականի փետրվարին լքում է ռեժիսորի պաշտոնը[199]։ 2018 թվականի ապրիլին «Գիշատիչ Թռչուններ» ֆիլմի սցենարիստ Քրիստինա Հադսոնը նշանակվում է ֆիլմի սցենարիստ[200]։ Warner Bros. ներկա պահին ֆիմի համար փնտրում է կին ռեժիսոր[201]։
- 2017 թվականի հուլիսին հայտարարվեց, որ թողարկվելու է Հարլի Քուինի և Ջոկերի մասին պատմող ֆիլմ, որի արտադրությունը սկսվելու է «Ինքնասպանների ջոկատը 2» ֆիլմի թողարկումից հետո[202][203]։ Գլեն Ֆիքարան և Ջոն Ռեքուան հանդիսանալու են ֆիլմի ռեժիսորները, սցենարիստները և պրոդյուսերները[204]։ 2018 թվականի սեպտեմբերին Ֆիքարան և Ռեքուան հայտարարել են, որ ֆիլմի սցենարը արդեն գրվել է և ներկայացվել է Warner Bros. և արտադրությունը սկսվելու է «Գիշատիչ թռչուններ» ֆիլմի նկարահանման ավարտից հետո։ Ռեժիսորները նշել են, որ ֆիլմը պատմելու է զույգի հարաբերություններ մասին և նման է լինելու «Վատ Սանտա» և «Սա մենք ենք» ֆիլմերին[205]։
- 2017 թվականի հոկտեմբերից Սլեյդ Ուիլսոնի/ Դեստրոուկի մասին պատմող ֆիլմը գտնվում է արտադրության մեջ։ Ֆիլմի ռեժիսորը և սցենարիստը Գարեթ Էվանսն է[206]։
- 2018 թվականի մարտից Նոր Աստվածների (այլմոլորակային ռասա, որը ներկայացվել է «Արդարության լիգա» ֆիլմում) մասին պատմող ֆիլմը գտնվում է արտադրության մեջ։ Ֆիլմի ռեժիսորն է Ավա Դուվերնայը։ Քարիո Սալեմը Դուվերնայի հետ միասին գրում է ֆիլմի սցենարի պատմությունը մինչ Warner Bros.-ը ֆիլմի համար սցենարիստ է փնտրում[207][208]։
- 2018 թվականի հունիսին Variety-ին հայատարարել է, որ Ջոկերի մասին պատմող ֆիլմը գտնվում է արտադրության մեջ։ Ջարեդ Լետոն կատարելու է Ջոկերի դերը և հանդիսանալու է որպես գործադիր տնօրեն[209]։
- 2018 թվականի օգոստոսին հայտարարվեց, որ թողարկվելու է Կառա Զոր-Էլի/ Սուպերգրլի մասին պատմող ֆիլմ, որի սցենարիստն է Օրեն Ուզիելը[210][211]։ Warner Bros.-ը ֆիլմի համար փնտրում է կին ռեժիսոր և նրանց համար մեկ թեկնածուն Ռիդ Մորանոն է, ով հետաքրքրված է նախագծով[212][213][214][215]։
- 2018 թվականի հայտարարվեց, որ թողարկվելու է Ջեյմի Ռեյսի/ Կապույտ Բզեզի մասին պատմող ֆիլմ։ Գարեթ Դանեթ-Ալքասերը լինելու է ֆիլմի սցենարիստը, իսկ Զև Ֆորմենը՝ գործադիր տնօրենը[216]։
- 2018 թվականի դեկտեմբերից «Ակվամեն» ֆիլմի սիքվելը գտնվում է արտադրության փուլում.[217]։ 2018 թվականի հոկտեմբերին Ջեյսոն Մամոան ասել էր, որ արդեն մտածել է, թե ինչպիսին ֆիլմի երկրորդ մասը կարող է լինել[218]։ Դեկտեմբերին ֆիլմի տոմսերի մեծ քանակով վաճառքը և դրական քննադատությունը համոզեց Warner Bros.-ին աշխատել սիքվելի վրա[217]։
- Ավելի ուշ նույն ամսում, The Hollywood Reporter-ը հայտարարեց, որ արտադրության փուլում է գտնվում Պատրիկ «Իլ» Օ՛Բրայենի/ Պլաստիկ մարդու մասին պատմող ֆիլմը, որը լինելու է կատակերգական մարտաֆիլմ։ Ամանդա Իդոկոն լինելու է ֆիլմի սցենարիստը, իսկ Ուոլթեր Համադան և Չանթել Նոնգը կլինել ֆիլմի պրոդյուսերները[219]։
Դերասանական անձնակազմ
Ցանկի մասին
- Այս ցուցակում ընդգրկված են միայն DCEU-ի ֆիլմերում հայտնված կերպարները (նաև մեկից ավելի ֆիլմում հայտված կերպարները)։
- Եթե սյունակը մոխրագույն է ապա կերպարը չի հայտնվել այդ ֆիլմում, կամ այդ ֆիլմում տվյալ կերպարի հայտնվելու մասին դեռ չի հայտարարվել։
- [U]-ն նշանակում է, որ կերպարի ֆիլմում հայտնվելը ֆիլմի տիտրերում նշված չի եղել։
- [C]-ն նշանակում է, որ կերպարը ֆիլմում կատարել է կամեո դեր։
- [P]-ն նշանակում է, որ կերպարը ֆիլմում երևացել է լուսանկարում։
- [A]-ն նշանակում է, որ կերպարը ֆիլմում երևացել է արխիվային տեսանյութերի միջոցով։
Կերպար | Թողարկված ֆիլմեր | Սպասվող ֆիլմեր | |||||
---|---|---|---|---|---|---|---|
Պողպատե մարդը (2013) |
Բեթմենն ընդդեմ Սուպերմենի։ Արդարության արշալույսին (2016) |
Ինքնասպանների ջոկատ (2016) |
Հրաշք կին (2017) |
Արդարության լիգա (2017) |
Ակվամեն (2018) | ||
Բարի Ալեն Ֆլեշ |
Էզրա ՄիլերC | Էզրա Միլեր | |||||
Անտիոպա | Ռոբին Րայթ | ||||||
Արթուր Քարի Ակվամեն |
Ջեյսոն Մամոա | Ջեյսոն ՄամոաA | Ջեյսոն Մամոա | ||||
Հիպոլիտա | Քոնի Նելսեն | ||||||
Կալ-Էլ / Քլարկ Կենտ Սուպերմեն |
Հենրի Քավիլ | Հենրի Քավիլ | |||||
Ջոնաթան Կենտ | Քևին Քոսթներ | ||||||
Մարթա Կենտ | Դայան Լեյն | Դայան Լեյն | |||||
Լոիս Լեյն | Էմի Ադամս | Էմի Ադամս | |||||
Լեքս Լյութոր | Ջեսսի Այզենբերգ | Ջեսի Այզենբերգ | |||||
Ալֆրեդ Փենիուորթ | Ջերեմի Այրոնս | Ջերեմի Այրոնս | |||||
Դիանա Փրինս Հրաշք կին |
Գալ Գադոտ | Գալ Գադոտ | |||||
Վիկտոր Սթոուն Կիբօրգ |
Ռեյ Ֆիշեր | Ռեյ Ֆիշեր | |||||
Սթիվ Թրեվոր | Քրիս ՓայնP[220] | Քրիս Փայն | |||||
Բրյուս Ուեյն Բեթմեն |
Բեն Աֆլեք | Բեն ԱֆլեքUC | Բեն Աֆլեք | ||||
Փերի Ուայթ | Լոուրենս Ֆիշբորն | ||||||
Գեներալ Զոդ | Մայքլ Շենոն | Մայքլ ՇենոնUC | |||||
Սթեփենվուլֆ | CGIUC | Քիարան Հայնդս |
Երաժշտություն
Ֆիլմերի սաունդթրեքեր
Անվանում | Թողարկման օրը ԱՄՆ-ում | Տևողություն | Կոմպոզիտոր(ներ) | Լեյբլ |
---|---|---|---|---|
Man of Steel (Original Motion Picture Soundtrack) | Հունիսի 11, 2013 | 87:49 | Հանս Ցիմեր | WaterTower Music |
Batman v Superman: Dawn of Justice (Original Motion Picture Soundtrack) | Մարտի 18, 2016 | 71:35 | Հանս Ցիմեր և Junkie XL | |
Suicide Squad (Original Motion Picture Score) | Օգոստոսի 8, 2016 | 72:00 | Սթիվեն Պրայս | |
Wonder Woman (Soundtrack) | Հունիսի 2, 2017 | 78:38 | Ռուփերթ Գրեգսոն-Ուիյամս | |
Justice League | Նոյեմբերի 10, 2017 | 101:22 | Տենի Էլֆման |
Սինգլեր
Անվանում | Թողարկման օրը ԱՄՆ-ում | Տրողություն | Կատարող(ներ) | Լեյբլ | Նշումներ |
---|---|---|---|---|---|
Heathens | Հունիսի 16, 2016 | 3:15 | Twenty One Pilots | Atlantic Records | «Ինքնասպանների ջոկատ» ֆիլմից |
Sucker for Pain | Հունիսի 24, 2016 | 4:04 | Լիլ Ուեյն, Վիզ Խալիֆա, Imagine Dragons, Լոջիք, Ty Dolla Sign և X Ambassadors | ||
Purple Lamborghini | Հուլիսի 22, 2016 | 3:35 | Սքրիլլեքս և Ռիք Ռոս | ||
Gangsta | Օգոստոսի 8, 2016 | 2:57 | Քելանի | ||
To Be Human | Մայիսի 25, 2017 | 4:01 | Սիա և Labrinth | WaterTower Music | «Հրաշք կին» ֆիլմից |
"Come Together" | Սեպտեմբերի 7, 2017 | 3:13 | Գարի Քլարկ, Կրտսեր և Junkie XL | «Արդարության լիգա» ֆիլմից | |
"Everybody Knows" | Նոյեմբերի 10, 2017 | 4:26 | Սիգրիդ |
Ընդունում
Վարկանիշները Box Office Mojo-ում
Ֆիլմ | Տարի | Տոմսարկղերի շահույթ | Բյուջե | Ծանոթագրություններ | ||
---|---|---|---|---|---|---|
ԱՄՆ և Կանադա | Այլ երկրեր | Ամբողջ աշխարհում | ||||
Պողպատե մարդը | 2013 | $291 045 518 | $377 000 000 | $668 045 518 | $225 000 000 | [221] |
Բեթմենն ընդդեմ Սուպերմենի։ Արդարության արշալույսին | 2016 | $330 360 194 | $542 900 000 | $873 260 194 | $250 000 000 | [222] |
Ինքնասպանների ջոկատ | 2016 | $325 100 054 | $420 500 000 | $745 600 054 | $175 000 000 | [223] |
Հրաշք կին | 2017 | $391 903 706 | $390 600 000 | $782 503 706 | $149 000 000 | [224] |
Ընդհանուր | $ 1,338,409,472 | $ 1,731,000,000 | $ 3,069,409,472 | $799 000 000 | [225] | |
Քննադատական արձագանք
Մրցանակներ
Օսկարի 89-րդ մրցանակաբաշխությունում «Ինքնասպանների ջոկատ» ֆիլմը հաղթել է լավագույն դիմահարդարում և վարսահարդարում անվանակարգում։
Այլ նյութեր
Գրքեր
Անվանում | Հրատարկաման օր(եր) | Գրող(ներ) | Ծանոթագրություններ |
---|---|---|---|
Պողպատե մարդը։ Վաղ տարիներ։ Կրտսեր վեպ | Ապրիլի 30, 2013 | Ֆրենկ Ուիթման | [238] |
Պողպատե մարդը։ Ֆիմի պաշտոնական վեպը | June 18, 2013 | Գրեգ Քոքս | [239] |
Բեթմենն ընդդեմ Սուպերմենի։ Արդարության արշալույսին - փոխհրաձգություն | Փետրվարի 16, 2016 | Մայքլ Քոգ | [240] |
Ինքնասպանների ջոկատ։ Ֆիլմի պաշտոնական նովելը | Օգոստոսի 5, 2016 | Մարվ Վոլֆման | [241] |
Հրաշք կին։ Կրտսեր վեպ | Մայիսիս 30, 2017 | Սթիվ Քորթ | [242] |
Հրաշք կին։ Ֆիլմի պաշտոնական նովելը | Հունիսի 6, 2017 | Նենսի Հոլդեր | [243] |
Կոմիքսներ
Անվանում | Հրատարակման օր(եր) | Գրող(ներ) | Նկարիչ(ներ) | Ծանոթագրություններ |
---|---|---|---|---|
Man of Steel Prequel | Մայիսի 18, 2013 | Սթերլինգ Գեյթս | Ջերի Օրդուեյ | [244] |
Warner Bros. Pictures Presents Batman v Superman: Dawn of Justice | Հունվարի 28, 2016 | Քրիստոս Քեյջ | Ջո Բենեթ | [245] |
General Mills Presents Batman v Superman: Dawn of Justice | Փետրվարի 28, 2016 | Ջեֆ Պարկեր, Քրիստոս Քեյջ, Մարգարիտ Բենեթ և Ջոշուա Ուիլյամսոն | Ռ. Բ. Սիլվա, Ֆեդերիքա Դալոչիո, Մարքուս Թո և Էդուարդու Պանսիքա | [246] |
Batman v Superman: Dawn of Justice – Upstairs/Downstairs | Փետրվարի 29, 2016 | Քրիստոս Քեյջ | Ջո Բենեթ | [247] |
Suicide Squad: Suicide Blonde | Հունիսի 2, 2016 | Թոնի Բեդրադ | Թոմ Դերենիկ, Խուան Ալբարան և Լորի Ջեքսոն | [248] |
Տեսախաղեր
Անվանում | Թողարկման օր(եր) | Թողարկող(ներ) | Ծանութագրություններ |
---|---|---|---|
Man of Steel | 2013 | Warner Bros. International Enterprises | [249] |
Kellogg's Man of Steel | Catapult Marketing | [250] | |
Batman vs Superman – Who Will Win? | Մարտի 16, 2016 | Warner Bros. International Enterprises | [251] |
Suicide Squad: Special Ops | Հուլիսի 19, 2016 | [252] | |
Wonder Woman: Rise of the Warrior | 2017 | [253] | |
Տես նաև
Ծանոթագրություններ
Արտաքին հղումներ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.