henero ti mulmula From Wikipedia, the free encyclopedia
Ti Solanum ket ti dakkel ken agdumaduma a henero dagiti agsabsabong a mula, a mangiraman kadagiti tallo nga apit ti makan iti nangato a kinapangruna iti ekonomia, ti patatas, ti kamatis ken ti tarong. Daytoy ket aglaon pay kadagiti nightshades ken dagiti horse nettle, ken dagiti pay mula a naimuyongan para kadagiti ornamental a sabong ken bungada.
Mangipakita ti sebbangan ti Solanum iti adu a sakup iti kababalin a panagtubo, kas ti tinawen ken dagiti perenial, dagiti agkalatkat, babassit unay a mula, babassit a mula, ken dagiti bassit a kayo. Adu kadagiti dati a nawaya a henero a kas ti Lycopersicon (dagiti kamatis) ken Cyphomandra ket nairamandan iti Solanum a kas dagiti subhenero wenno dagiti seksion. Isu a, ti henero ita nga aldaw ket aglaon kadagiti agarup a 1,500–2,000 a sebbangan.
Ti kadawyan a nagan ket immuna idi nga inusar babaen ni Plinio ti Laklakay (23–79) para iti maysa a mula nga ammo pay a kas strychnos, mabalin daytoy a ti S. nigrum. Ti deribabasionna ket di nalawag, mabalin a nagtaud manipud iti balikas a Latin iti sol, a ti kayatna a sawen ket "init", a mangibagbaga iti kasasaadna a kas mula iti init. Ti sabali pay a posibilidad ket ti ramudna idi a solare, a ti kayatna sawen ket "agpabang-ar", wenno solamen, a ti kayatna a sawen ket "nam-ay", a mangibaga iti makabang-ar nga epekto no kanen ti mula.[3]
Ti sebbangan a kadawyan a makunkuna a nightshade iti Amianan nga Amerika ken Britania ket ti Solanum dulcamara, makunkuna pay a bittersweet wenno woody nightshade. Makasabidong dagiti bulong ken dagiti nalabbasit a berryna, ti aktibo a prinsipio ket ti solanine, a pakaigapuanan dagiti panagkuyegyeg ken patay no makakaan iti adu. Ti nangisit a nightshade (S. nigrum) ket kadawyan pay a maikeddeng a makasabidong, ngem ti napno a naluom ken bulong ket linutluto ken sinidsida kadagiti dadduma a lugar. Ti makapatay a nightshade (Atropa belladonna) ket saan a henero ti Solanum, ngem kameng ti pamilia ti Solanaceae.
Kaaduan dagiti parte ti mula, a naipangpangruna dagiti berde aparte ken saan a naluom a bunga, ket makasabidong iti tattao (ngem saan met a kasta kadagiti ayup), ngem adu kadagiti sebbangan ket addaan kadagiti makan a parte, kas dagiti bunga, bulbulong, wenno dagiti bagas ti ramut. Adda dagiti tallo nga apit a naimuymuyong ken inap-apit a makan babaen ti tattao kadagiti napalabas a siglo, ken adun a naimuyongan iti sangalubongan:
Dagiti karuay ti kamatis ket sagpaminsan a naimulmula manipud iti S. lycopersicum ken dagiti naatap a sebbangan ti kamatis a kas ti S. pimpinellifolium, S. peruvianum, S. cheesmanii, S. galapagense, S. chilense, kdpy. (Dagiti kasta a karuay ket mairaman—dagiti dadduma—ti Bicentennial, Dwarf Italian, Epoch, Golden Sphere, Hawaii, Ida Red, Indigo Rose,[4] Kauai, Lanai, Marion, Maui, Molokai, Niihau, Oahu, Owyhee, Parma, Payette, Red Lode, Super Star, Surecrop, Tuckers Forcing, V 121, Vantage, Vetomold, and Waltham.)[5]
Potatas, S. tuberosum, ti maikapat a kaaduan nga apit ti makan.
Tarong (ammo pay a kas brinjal wenno aubergine), S. melongena
Dagiti sabali pay a sebbangan a rehional a nangruna nga apit a makan, a kas ti tarong ti Etiopia ken ti gilo (S. aethiopicum), naranjilla wenno lulo (S. quitoense), turkey berry (S. torvum), pepino (S. muricatum), dagiti tallo a kamatis wenno tamarillo (S. betaceum), wenno dagiti "bush tomato" (dagiti nadumaduma a sebbangan ti Australia).
Dagiti sebbangan a kaaduan a nakitkita iti panangimuyong a kas dagiti ornamental a mula ket dagiti sumaganad:-
S. aviculare (masanas ti kangaroo)
S. capsicastrum (palso a seresa ti Herusalem, seresa ti panaglalam-ek)
S. crispum (patatas-kayo ti Chile)
S. laciniatum (mansanas ti kangaroo)
S. laxum (potato vine)
S. pseudocapsicum (seresa ti Paskua, seresa ti panaglalam-ek)
S. rantonnetii (blue potato bush)
S. seaforthianum (Italiano a hasmin, St. Vincent lilac)
S. wendlandii (sabong ti paradiso, agkalatkat a patatas)[6]
Dagiti pannakasabidong a mainaig kadagiti sumagmamano a sebbangan ti Solanum ket adu dagitoy ket mabalinda makapatay. Nupay kasta, adda dagiti nadumaduma a sebbangan a lokal nga inus-usar a kas agas, a naipangpangruna dagiti patneng a tattao a nabayagen a nagus-usar kadagitoy.
Naus-usar dagiti sebbangan ti Solanum a kas makan a mula babaen ti alimbubudo kadagiti sumagmamano a sebbangan ti Lepidoptera (dagiti kulibangbang ken dagiti burburs).
Ti henero ket pinundar babaen ni Carl Linnaeus idi 1753.[7] Problematiko dagiti subdibisionna, ngem nagin-inut a nakaala iti konsenso.
Ti sumaganad a listaan ket probisional a listaan dagiti tradisional a subdibision ti henero, a maikuyog kadagiti sumagmamano a nadayeg a sebbangan.[7] Adu kadagiti subhenero ken dagiti seksion ket mabalin a saan nga umiso; probisionalda maus-usar ditoy gapu ta ti pilohenio iti daytoy a henero ket saan pay a napno a nasolbar ken adu dagiti sebbangan ti napategan manen.
Ti kladistiko a panagusig iti datos ti panagsasaruno ti DNA ket mangisingasing a dagiti agdama a subdibision ken dagiti pannakairanngo ket kaaduanda nga imbalido. Ad-adu komapay dagiti subhenero a mabigbigan, a ti Leptostemonum laeng iti agdama ti mabalin a nalawag a mabingbingay kadagiti seksion. Iti naipangruna, daytoy ket mangiraman a kas nangruna a taudan dagiti nadumaduma a kameng dagiti tradisional a seksion ti Cyphomandropsis ken ti daan a henero ti Cyphomandra.[2]
Seksion ti Monodolichopus Seksion ti Nycterium Seksion ti Oliganthes
Solanum aethiopicum – Ethiopian eggplant, nakati, mock tomato, Ethiopian nightshade; including S. gilo (scarlet eggplant, Gilo or jiló)
Solanum centrale – Australian desert raisin, bush raisin, bush sultana, "bush tomato", akatjurra (Alyawarre), kampurarpa (Pitjantjatjara), merne akatyerre (Arrernte), kutjera
Solanum lycocarpum – Wolf apple, fruta-de-lobo, lobeira (Brazil)
Solanum melissarum Bohs
Solanum nudum Dunal – Forest nightshade
Solanum ovum-fringillae
Solanum paralum
Solanum parishii A.Heller – Parish's nightshade
Solanum physalifolium Rusby
Solanum pinetorum
Solanum polygamum Vahl – Cakalaka berry
Solanum pyrifolium Lam.
Solanum pubescens Willd.
Solanum riedlei Dunal – Riedle's nightshade
Solanum rudepannum Dunal
Solanum rugosum Dunal – tabacon aspero
Solanum sibundoyense
Solanum sodiroi (including S. carchiense)
Solanum sycocarpum
Solanum tenuipes Bartlett – Fancy nightshade
Solanum tobagense
Solanum trilobatum L.
Solanum umbelliferum – Bluewitch nightshade
Solanum verrogeneum Berengena
Solanum violaceum Ortega
Solanum viride Spreng. – Green Nightshade
Solanum woodburyi Howard – Woodbury's nightshade
Dati a naikabil ditoy
Adda dagiti sumagmamano a mula kadagiti sabali a henero ket dati a naikabil iti Solanum:
Chamaesaracha coronopus (kas S. coronopus)
Lycianthes biflora (kas S. multifidum Buch.-Ham. ex D.Don)
Lycianthes denticulata (kas S. gouakai var. angustifolium ken var. latifolium)
Lycianthes lycioides (kas S. lycioides var. angustifolium)
Lycianthes mociniana (kas S. uniflorum Dunal in Poir. ken S. uniflorum Sessé & Moc.)
Lycianthes rantonnetii (kas S. rantonnetii, S. urbanum var. ovatifolium ken var. typicum)
Dagiti di naikeddeng a sebbangan ti Lycianthes ket naibagbaga kadagiti nagan a kas ti S. chrysophyllum, S. ciliatum Blume ex Miq., S. corniculatum Hiern, S. lanuginosum, S. loxense, S. mucronatum, S. retrofractum var. acuminatum, S. violaceum Blume, S. violifolium f. typicum, S. virgatum notst β albiflorum, S. uniflorum Lag. or S. uniflorum var. berterianum.
"Solanum L."Germplasm Resources Information Network. United States Department of Agriculture. 2009-09-01. Naiyarkibo manipud iti kasisigud idi 2013-10-30. Naala idi 2013-07-15.
Whalen, Michael D (1979). "Allozyme Variation and Evolution in Solanum Section Androceras". Systematic Botany. 4 (3): 203. doi:10.2307/2418419. JSTOR2418419.
Anderson, G. J.; Martine, C. T.; Prohens, J.; Nuez, F. (2006). "Solanum perlongistylum and S. catilliflorum, New Endemic Peruvian Species of Solanum, Section Basarthrum, Are Close Relatives of the Domesticated Pepino, S. muricatum". Novon: A Journal for Botanical Nomenclature. 16 (2): 161–167. doi:10.3417/1055-3177(2006)16[161:SPASCN]2.0.CO;2. ISSN1055-3177.