Cephalanthus
henero ti mulmula From Wikipedia, the free encyclopedia
Remove ads
Ti Cephalanthus ket ti henero dagiti agsabsabong a mula iti pamilia ti Rubiaceae. Adda dagiti agarup a nga innem a sebbangan a kadawyan nga ammo iti Ingles a kas buttonbush.[1][2]
Remove ads
Deskripsion
Dagitoy ket bassit a mula wenno bassit a kayo nga agtubo aginggana iti 5–15 m (16–49 ft) iti katayag. Simple dagiti bulong, naurno nga agsumbangir a paris wenno dagiti balikukos ti tallo. Mangbukel dagiti sabong iti nasamek a nagtimbukel nga inploressensia.
Pannakaiwarwaras ken habitat
Ti Cephalanthus occidentalis ket patneng iti akindaya nga Estados Unidos ken Kanada. Mabirukan dagiti sabali kadagiti tropikal a rehion ti Kaamerikaan, Aprika ken Asia.[3] Adda dagiti dua nga ammo a naimuyongan a sebbangan.[4]
Sistematika
Ti Cephalanthus ket ninaganan byabaen ni Linnaeus iti Species Plantarum idi 1753.[5] Ti kadawyan a nagan ket naala manipud kadagiti balikas ti Taga-ugma a Griego iti κέφαλη (kephale), a ti kayatna a sawen ket "ulo", ken ἄνθος (anthos), a ti kayatna a sawen ket "sabong".[6]
Taksonomia
Ti Cephalanthus ket ti kaaduan a basalo a henero iti tribu ti Naucleeae.[7] Adda dagiti sumagmamano a mannurat a mangisina kadagiti bukodna a monotipiko a tribu.[8] Ti sebbangan-kita ket ti Cephalanthus occidentalis.[9]
Dagiti sebbangan
- Cephalanthus angustifolius Lour. – Laos, Cambodia, Bietnam
- Cephalanthus glabratus (Spreng.) K.Schum. – sarandí – Brasil, Arhentina, Paraguay, Uruguay
- Cephalanthus natalensis Oliv. – Tanzania, Malawi, Zambia, Lesotho, Eswatini, Abagatan nga Aprika
- Cephalanthus occidentalis L. – makunkuna iti Ingles a kas button-willow, common buttonbush, honey-bells – Kuba, akindaya a Kanada, akindaya, tengnga ken akin-abagatan nga Estados Unidos, California, Arizona, New Mexico
- Cephalanthus salicifolius Humb. & Bonpl. – makunkuna iti Ingles a kas Mexican buttonbush, willowleaf buttonbush – Mehiko, Honduras, adayo nga akin-abagatan nga ungto ti Texas
- Cephalanthus tetrandra (Roxb.) Ridsdale & Bakh.f. – tropikal ngal Asia manipud iti India aginggana iti Tsina ken Tailandia
Dagiti nagibasaran
Dagiti akinruar a silpo
Wikiwand - on
Seamless Wikipedia browsing. On steroids.
Remove ads