8ma di mayo

Videz quo ligesas adhike (che utensili). - A pagino di yaro.

apr – mayo – jun
su	lu	ma	me	jo	ve	sa
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31

La 8ma di mayo esas la 128ma dio di la yaro (129ma en bisextila yari) segun la Gregoriala kalendario. Restas 237 dii til la fino di la yaro.

---

Dio

• Dio di Vinko, en Europa. Oficala fino di Duesma mondomilito.
• Dio di Reda Kruco e Reda Miluno.

Eventi

• 1561 - Felipe la 2ma deklaras Madrid la chef-urbo dil Hispana imperio.
• 1721 - Michelangelo Conti divenas papo Inocentius la 13ma.
• 1769 - En Brazilia l'urbo São Luís do Paraitinga fondesas.
• 1794 - Judiciita kom trahizero dum Franca revoluciono, fizikisto Antoine Lavoisier mortigesas sam-die.
• 1821 - Nedependo-milito di Grekia: Greki vinkas Otomani en la batalio di Gravia.
• 1902 - Monto Pelée eruptas en Martinik e produktas cirkume 30.000 morti.
• 1921 - Suedia abolisas mortopuniso.
• 1924 - Pos la konvenciono di Klaipėda, signatita ca-die, Lituania recevas la regiono Memel, nordweste de Estal Prusia.
• 1942 - Duesma mondomilito: Lasta Usana trupi kapitulacas en Filipini.
• 1942 - Finas la batalio di Koralia maro che Pacifiko. Japoniani abandonas l'ideo pri invadar Port Moresby en Nova-Guinea.
• 1945 - Duesma mondomilito finas oficale en Europa.
• 1984 - Sovietia anuncas boikoto a l'Olimpiala Ludi en Los Angeles.
• 1996 - Sudafrika promulgas nova konstituco qua eliminas apartheid definitive.
• 2013 - En Mogadishu, Somalia, 19 personi mortas pro suocidant atako per bombi, dum l'interna milito en Somalia.
• 2014 - En Pakistan, proxim la frontiero kun Afganistan, bombo explozas en voyo e mortigas 8 Pakistanana soldati.
• 2016 - En Afganistan adminime du soldati de NATO mortigesas en atako asumata da talibani en Kandahar.^[1]
• 2018 - Donald Trump anuncas l'ekiro di Usa de la konkordo kun Iran pri lua nukleara programo. Tamen, l'Europana landi anuncas ke mantenos la konkordo.^[2]
• 2021 - Povoza explozi exter skolo por puerini en Kabul, Afganistan, produktas adminime 50 morti e plura plusa homi vundita.^[3]
• 2024 - Gordana Siljanovska-Davkova divenas l'unesma prezidantino di Norda Makedonia, pos ke centra-sinistrana partisi perdas l'elekti.^[4]
• 2025 - Papala konklavo finas: kardinali elektas Robert Francis Prevost, Usano, kom papo. Lu adoptas la nomo Leo la 14ma. Ilu havas nacionaneso Usana e Peruana, ed esas l'unesma papo Nord-Amerikana.

Naski

• 1720 - William Cavendish, 4ma duko de Devonshire, chefministro di Unionita Rejio (m. 1764)
• 1753 - Manuel Hidalgo, Mexikiana sacerdoto e revolucionero (m. 1811)
• 1781 - Pedro de Sousa Holstein, chefministro di Portugal (m. 1850)
• 1808 - Venancio Flores, prezidanto di Uruguay (m. 1868)
• 1814 (o la sama dio en 1808) - Dimitrios Valvis, chefministro di Grekia (m. 1892)
• 1828 - Jean Henri Dunant, fondinto di Reda Kruco, unesma Nobel-laureato pri paco (m. 1910)
• 1850 - José Ferraz de Almeida Júnior, Braziliana piktistulo (m. 1899)
• 1851 - Stanisław Witkiewicz, Polona piktisto (m. 1915)
• 1856 - Pedro Lascuráin Paredes, prezidanto di Mexikia (m. 1952)
• 1884 - Harry S. Truman, prezidanto di Usa (m. 1972)
• 1884 - Santiago Casares Quiroga, chefministro di Hispania (m. 1950)
• 1899 - Friedrich Hayek, Austrian ekonomikisto, Nobel-laureato (m. 1992)
• 1902 - André Michel Lwoff, Franca mikrobiologiisto, Nobel-laureato pri Fiziologio o Medicino (m. 1994)^[5]
• 1903 - Fernandel, Franc aktoro (m. 1971)
• 1906 - Roberto Rossellini, Italiana filmifisto (m. 1977)
• 1925 - Vladimir Makuc, Sloveniana piktisto (m. 2016)
• 1925 - Ali Hassan Mwinyi, prezidanto di Tanzania (m. 2024)^[6]
• 1926 - David Attenborough, Britaniana naturalisto^[7]
• 1926 - Don Rickles, Usana komediisto (m. 2017)
• 1940 - Ricky Nelson, Usana kantisto (m. 1985)
• 1947 - Howard Robert Horvitz, Usana biologiisto, Nobel-laureato pri fiziologio o medicino
• 1951 - Philip Bailey, Usana muzikisto (Earth, Wind & Fire)
• 1951 - Chris Frantz, Usana muzikisto (Talking Heads, Tom Tom Club)
• 1955 - Meles Zenawi Asres, prezidanto e chefministro di Etiopia (m. 2012)
• 1962 - Danny Faure, prezidanto di Seycheli
• 1965 - Mario Frick, chefministro di Liechtenstein
• 1966 - Cláudio Taffarel, Braziliana futbalisto
• 1970 - Naomi Klein, Kanadana jurnalisto e politikal aktivisto
• 1972 - Guillaume Soro, chefa ministro di Ivora Rivo
• 1975 - Enrique Iglesias, Hispana kantisto
• 1977 - Jiří Burger, Cheka hokeisto
• 1978 - Josie Maran, Usana manekino, aktorino ed entraprezistino
• 1981 - Dušan Frosch, Cheka hokeisto
• 1982 - Jessica Aguilar, Mexikian-Usana MMA-luktistino
• 1999 - Rebeca Andrade, Braziliana gimnastikistino
• 2002 - Chantal Sauvant, Germana tenisistino

Morti

• 535 - Papo Ioannes la 2ma
• 685 - Papo Benedictus la 2ma
• 1063 - Rejulo Ramiro la 1ma di Aragon (n. ante 1007)
• 1794 - Antoine Lavoisier, Franca kemiisto, mortigita (n. 1743)
• 1819 - Kamehameha la 1ma, rejo di Havayi (n. 1758)
• 1842 - Jules Dumont d'Urville, Franca admiralo ed explorero (n. 1790)
• 1863 - Juan Francisco Giró, prezidanto di Uruguay (n. 1791)
• 1873 - John Stuart Mill, Britanian ekonomikisto (n. 1806)
• 1875 - Thomas Baines, Angla piktisto (n. 1820)
• 1880 - Gustave Flaubert, Franca skriptisto (n. 1821)
• 1885 - José Eusebio Otálora, prezidanto di Kolumbia (n. 1826)
• 1887 - Lorenzo Batlle y Grau, prezidanto di Uruguay (n. 1810)
• 1891 - Helena Blavatsky, Rusa skriptistino ed okultistino, fondinto di Teozofio (n. 1831)
• 1893 - Manuel del Refugio González, prezidanto di Mexikia (n. 1833)
• 1903 - Paul Gauguin, Franca piktistulo (n. 1848)
• 1932 - Petar Todorov Gudev, chefministro di Bulgaria (n. 1863
• 1936 - Oswald Spengler, Germana historiisto e filozofo (n. 1880)
• 1950 - Vital Brazil, Braziliana mediko (n. 1865)
• 1950 - Santos León Herrera, prezidanto di Kosta Rika (n. 1874)
• 1982 - Gilles Villeneuve, Franca automobilisto di Formulo 1 (n. 1950)
• 1983 - John Fante, Usana skriptisto (n. 1908)
• 1990 - Luigi Nono, Italiana kompozisto (n. 1924)
• 1994 - George Peppard, Usan aktoro (n. 1928)
• 2000 - Hubert Maga, prezidanto di Dahome (n. 1916)
• 2019 - Sprent Dabwido, prezidanto di Nauru (n. 1972)
• 2021 - Lee Han-dong, chefministro di Sud-Korea (n. 1934)^[8]
• 2023 - Rita Lee, Braziliana kantisto, kompozisto e muzikisto (n. 1947)^[9]