1618

Árið 1618 (MDCXVIII í rómverskum tölum) var átjánda ár 17. aldar sem hófst á mánudegi samkvæmt gregoríska tímatalinu en fimmtudegi samkvæmt júlíska tímatalinu sem er tíu dögum á eftir.

Ár

1615 1616 1617 – 1618 – 1619 1620 1621

Áratugir

1601-1610 – 1611-1620 – 1621-1630

Aldir

16. öldin – 17. öldin – 18. öldin

Ísland

• 24. júní - Morðbréfamálið: Jón Ólafsson lögréttumaður kærði Guðbrand Þorláksson biskup fyrir eftirlitsmönnum konungs.
• Jón Sigurðsson, lögmaður, var settur af vegna misferlis í starfi.
• Drekkingarhylur var fyrst notaður til að drekkja konum fyrir dulsmál og blóðskömm.
• Suðurlandsskjálfti: Hús hrundu.

Fædd

• Sigurður Jónsson, lögmaður og sýslumaður. (d. 1677)
• Þorsteinn Illugason, skólameistari í Hólaskóla og prestur. (d. 1705)

Dáin

Opinberar aftökur

• Ólafur Þórðarson hálshogginn á Akranesi fyrir blóðskömm.
• Guðbjörg Jónsdóttir og ónafngreindur systursonur hennar tekin af lífi á Alþingi fyrir blóðskömm, henni drekkt, hann hálshogginn.
• Þórdís Halldórsdóttir dæmd til dauða og henni drekkt á Alþingi fyrir blóðskömm. Samsekur mágur hennar flúði en var dæmdur til að hálshöggvast ef hann næðist aftur. Það gerðist ekki, samkvæmt annálum.^[1]

Erlendis

Skýringarmynd sem sýnir þrjú lögmál Keplers um hreyfingu reikistjarna.

• 26. febrúar - Ósman 2. tók við sem Tyrkjasoldán af Mústafa 1. eftir hallarbyltingu, fjórtán ára gamall.
• 8. mars - Jóhannes Kepler uppgötvaði þriðja lögmálið um hreyfingu reikistjarna. (Hann dró það til baka, en staðfesti það síðan aftur þann 15. maí.)
• 21. apríl - Jesúítinn Pedro Páez lýsti fyrstur Evrópubúa fljótinu Bláu Níl í Eþíópíu.
• 23. maí - Þrjátíu ára stríðið hófst í Evrópu með uppþotum í Prag. Lúterskir aðalsmenn hentu fultrúum Ferdinand 2. keisari út um gluggann á kastala á mykjuhaug.
• 14. júní - Dagurinn (að talið er) þegar Joris Verseler lét prenta fyrsta hollenska fréttablaðið, Courante uyt Italien, Duytslandt, &c. í Amsterdam.
• 31. júlí - Skipsmenn frá Hollenska Austur-Indíafélaginu sáu til Vestur-Ástralíu.
• 4. september - Snjóflóð í Ölpum Ítalíu varð yfir 2.400 að bana í bænum Piuro.
• 19. september - 21. nóvember - Umsátrið um Pilsen í Bæheimi. Mótmælendur sátu um Kaþólikka.
• 18. október - Sænska ríkisskjalasafnið var stofnað með kansellískipun Axels Oxenstierna.
• 29. október - Ævintýramaðurinn sir Walter Raleigh var hálshöggvinn fyrir samsæri gegn Jakobi 1.
• 5. nóvember - Svíþjóð og Pólland gerðu með sér vopnahlé.
• 13. nóvember - Kirkjuþingið í Dort hélt sinn fyrsta fund.

Ódagsettir atburðir

• Markgreifar af Brandenburg fengu heimild Pólverja til að erfa Prússneska hertogadæmið.
• Ove Gjedde leiddi leiðangur til Austur-Indía í því augnmiði að stofna þar fyrstu dönsku nýlenduna.

Fædd

• 1. janúar - Bartolomé Estéban Murillo, spænskur listmálari (d. 1682).
• 12. febrúar - Olof Verelius, sænskur rúnafræðingur. (d. 1682)
• 2. apríl - Francesco Maria Grimaldi, ítalskur stærðfræðingur (d. 1663).
• 3. nóvember - Aurangzeb, mógúlkeisari (d. 1707).

Dáin

• 20. febrúar - Filippus Vilhjálmur, Óraníufursti (f. 1554).
• 28. október - Sir Walter Raleigh, enskur ævintýramaður (f. um 1552).
• 2. nóvember - Maximilían 3. erkihertogi yfir Austurríki (f. 1558).