1624

Árið 1624 (MDCXXIV í rómverskum tölum) var 24. ár 17. aldar og hlaupár sem hófst á mánudegi samkvæmt gregoríska tímatalinu en fimmtudegi samkvæmt júlíska tímatalinu sem er tíu dögum á eftir.

Ár

1621 1622 1623 – 1624 – 1625 1626 1627

Áratugir

1611-1620 – 1621-1630 – 1631-1640

Aldir

16. öldin – 17. öldin – 18. öldin

Ísland

• 16. nóvember - Dómkirkjan á Hólum brotnaði í ofviðri.

Ódagsettir atburðir

• Morðbréfamálið: Guðbrandur Þorláksson gerði síðustu tilraun til að stefna Jóni og Markúsi Ólafssonum um jarðirnar Hól og Bessastaði í Skagafirði en Jón Sigurðsson ónýtti sókn hans á Alþingi.

Fædd

Dáin

Opinberar aftökur

• Sesselja Jónsdóttir dæmd til dauða á Alþingi, 29 ára, fyrir blóðskömm. Ekki er ljóst í annálum hvort eða hvenær dómnum var framfylgt.
• Hildibrandur Ormsson frá Höfða, Dýrafirði, dæmdur til dauða á Alþingi, 44 ára, fyrir blóðskömm í sama máli. Hann var tekinn af lífi þar á þinginu.^[1]

Erlendis

Kauphöllin í Kaupmannahöfn var hönnuð af Hans van Steenwinckel og reist á árunum 1619-1640.

• 7. febrúar - Englendingar námu land á Sankti Kristófer og Nevis.
• Apríl - Richelieu kardínáli var gerður að æðstaráði í ríkisstjórn Loðvíks 13.
• 8. maí - Hollenskur floti undir stjórn Piet Heyn rændi bæinn Salvador þar sem nú er Brasilía.
• 11. maí - Jarðskjálfti varð í Fez, Marokkó. Þúsundir létust.
• 24. maí - Osló brann til kaldra kola. Eftir brunann var borgin flutt um set og nefnd Kristjanía í höfuðið á Kristjáni 4. konungi. Hún hélt því nafni allt fram að þriðja áratug tuttugustu aldar, en þá fékk hún aftur nafnið Osló.
• 25. maí - Dunfermline í Skotlandi eyðilagðist í eldi.
• 8. júní - Jarðskjálfti skók Perú.
• Ágúst - Fyrsti Evrópumaðurinn kom til Tíbet, portúgalski jesúítapresturinn António de Andrade.
• 24. ágúst - Hollendingar settu upp verslunarstað á Tævan eftir að Kínverjar ráku þá annars staðar frá.
• September - Jón Ólafsson Indíafari slasaðist í sprengingu á Indlandi.
• 24. desember - Póstþjónusta var stofnuð í Danmörku af Kristjáni 4. Hún var fyrst til húsa í Dönsku kauphöllinni.

Ódagsettir atburðir

• Bærinn Kongsberg í Noregi var stofnaður af Kristjáni 4. eftir að þar höfðu fundist silfurnámur.
• Gústaf 2. Adolf fékk tilboð um þátttöku í hernaðarbandalagi gegn Habsborgurum í Evrópu en þar sem hann gerði kröfu um að leiða bandalagið varð ekkert af þátttöku Svía í það skipti.
• Þrjátíu fjölskyldur frá Vallóníu settust að í nýlendunni Nýja Hollandi þar sem New York-borg stendur nú.

Fædd

• 7. janúar - Guarino Guarini, ítalskur arkitekt (d. 1683).
• 9. janúar - Meishō keisaradrottning Japans (d. 1696).
• 30. október - Paul Pellisson, franskur rithöfundur (d. 1693).

Ódagsett

• George Fox, enskur stofnandi kvekarahreyfingarinnar (d. 1691).

Dáin

• 5. desember - Gaspard Bauhin, svissneskur grasafræðingur (f. 1560).
• 26. desember - Simon Marius, þýskur stjörnufræðingur (f. 1573).