1698

Árið 1698 (MDCXCVIII í rómverskum tölum) var 98. ár 17. aldar. Það hófst á miðvikudegi samkvæmt gregoríska tímatalinu eða laugardegi samkvæmt júlíska tímatalinu sem er tíu dögum á eftir.

Árþúsund:	2. árþúsundið
Aldir:	16. öldin 17. öldin 18. öldin
Áratugir:	1671–1680 1681–1690 1691–1700 1701–1710 1711–1720
Ár:	1695 1696 1697 1698 1699 1700 1701

Ísland

• Jón Vídalín varð biskup í Skálholti.
• Hólmfastur Guðmundsson frá Brunnastöðum á Vatnsleysuströnd var dæmdur til húðstrýkingar fyrir að hafa selt fisk til kaupmannsins í Keflavík.
• Drukknir Norðlendingar gerðu aðsúg að kaupmanninum á Akureyri.

Fædd

Dáin

• júlí - Þorleifur Kortsson, lögmaður norðan og vestan.
• Guðrúnu Oddsdóttur, vinnukonu, drekkt í Kópavogi vegna dulsmáls.^[1]

Erlendis

Aftaka streltsívarðanna á Rauða torginu í nóvember 1698 á málverki frá 1881 eftir Vasilíj Súrikov.

• 4. janúar - Whitehall-höll í Englandi eyðilagðist í eldi.
• 23. janúar - Georg Lúðvík af Hanóverætt varð kjörfursti af Hanóver.
• 30. janúar - William Kidd, sjóræningi, tók yfir indverskt skip. Hann var gerður útlægur af Bretlandi.
• 18. júní - Patrick Gordon og Alexej Sjein börðu streltsíuppreisnina niður.
• 25. júlí - Enski verkfræðingurinn Thomas Savery fékk einkaleyfi fyrir nýrri gufuknúinni vatnsdælu.
• 5. september - Pétur mikli, Rússakeisari, lagði skatt á skegg, sem tilraun til að nútímavæða Rússland.
• 8. september - Pólsk-litáíska samveldið sigraði Tatara í síðustu orrustu þess við Ottómanveldið.
• 12. desember - Arabar frá Óman lögðu Mombasa og Sansibar undir sig og hröktu Portúgali þaðan.

Ódagsettir atburðir

• Búkarest varð höfuðborg Vallakíu.
• Isaac Newton reiknaði út hraða hljóðsins.

Fædd

• 13. janúar - Metastasio, ítalskt skáld (d. 1782).
• Febrúar - Colin Maclaurin, skoskur stærðfræðingur (d. 1746).
• 19. júlí - Johann Jakob Bodmer, svissneskur rithöfundur og gagnrýnandi (d. 1783).
• 24. desember - William Warburton, enskur gagnrýnandi og biskup (d. 1779).

Dáin

• 16. mars - Leonora Christina Ulfeldt, dóttir Kristjáns 4..
• 15. maí - Marie Champmeslé, frönsk leikkona (f. 1642).
• 11. júní - Balthasar Bekker, hollenskur heimspekingur (f. 1634).
• 18. júlí - Johann Heinrich Heidegger, svissneskur heimspekingur (f. 1633).
• 4. nóvember - Rasmus Bartholin, danskur náttúrufræðingur (f. 1625).