Næstu alþingiskosningar
From Wikipedia, the free encyclopedia
Remove ads
Næstu Alþingiskosningar fara fram í síðasta lagi 2. desember 2028.[1] Óvíst er hvort þær fari fram að hausti til eins og hefur verið í öllum Alþingiskosningunum síðan 2016 eða hvort þær verði aftur að vori til eins og venjan var áður.
Núverandi ríkisstjórn er ráðuneyti Kristrúnar Frostadóttur sem samanstendur af Samfylkingunni, Viðreisn og Flokki Fólksins.
Remove ads
Yfirlit
.jpg)
.svg)
.png){kind=logo}
(B) Framsóknarflokkurinn
Sigurði Inga Jóhannssyni leiddi Framsóknarflokkinn í síðustu kosningunum í gegnum mikið tap þar sem að flokkurinn missti átta þingmenn og hlaut 7,8% atkvæða. Í mars 2025 gagnrýndi Guðni Ágústsson fyrrum formaður og ráðherra til margra ára flokkinn harkalega og sagði ekkert markavert koma frá Sigurði Inga.[4] Lítil ánægja meðal landsmanna reyndist með málþófi stjórnarandstöðunnar gegn breytinga á veiðigjöldum í júní og júlí 2025 og reyndist óánægja með stjórnarandstöðuna vera 65% samkvæmt könnunum.[5] Umræður voru innan flokksins um að fá nýjan formann, þrátt fyrir að Sigurður Ingi hafði lýst yfir að hann vilji halda áfram sem formaður í desember 2024, þó fyrir að fylgi flokksins hafi verið í sögulegu lágmarki og mældist oft undir fimm prósentum.[6][7] Lilja Alfreðsdóttir varaformaður flokksins lýsti yfir í janúar 2025 að hún hefði áhuga á formannsframboði, þrátt fyrir að vera ekki þingmaður.[8] Sigurður Ingi Jóhannsson tilkynnti afsögn sína sem formaður flokksins á miðstjórnarfundi flokksins þann 18. október 2025. Nýr formaður verður kjörinn á flokksþingi flokksins í febrúar 2026.[9]
(C) Viðreisn
Viðreisn hefur setið í ríkisstjórn frá 2024 með Samfylkingunni og Flokki fólksins. Þorgerður Katrín Gunnarsdóttir er enn formaður flokksins og gegnir nú embætti utanríkisráðherra. Í mars 2025 vakti frammistaða Hönnu Katrínar Friðriksdóttur, atvinnuvegaráðherra í Kastljósi mikla athygli í umræðum um breytingar á fiskveiðistjórnarkerfinu.[10] Þorgerður Katrín var gagnrýnd í júní 2025 þegar að hún kallaði Donald Trump, Bandaríkjaforseta „heillandi" eftir fund þeirra á leiðtogafundi NATO.[11] Sem utanríkisráðherra sagði hún sumarið 2025 að Íslendingar vildu fá aðildarviðræður við ESB í kjölfar stöðunnar í heimsmálununum, þrátt fyrir að ríkisstjórnin hafi planað þjóðaratkvæðagreiðslu.[12] Fylgi flokksins hefur aðeins lækkað frá síðustu kosningunum.
(D) Sjálfstæðisflokkurinn
Sjálfstæðisflokkurinn hlaut 19,4% atkvæða í síðustu kosningunum og var ekki með í nýrri ríkisstjórn. 6. janúar 2025, einungis mánuði eftir kosningarnar, lýsti Bjarni Benediktsson, fyrrverandi forsætisráðherra og formaður flokksins til sextán ára, því yfir að hann ætlaði að hætta sem formaður flokksins og sem þingmaður og fóru fram formannskosningar í byrjun mars 2025 á landsfundi flokksins þar sem Guðrún Hafsteinsdóttir var kjörin formaður í formannsslag gegn Áslaugu Örnu Sigurbjörnsdóttur. Í febrúar 2025 lenti flokkurinn í uppistöðum um þingflokksherbergi við Samfylkinguna, þar sem að Samfylkingin hafði stærri þingflokk og að þingflokksherbergi Sjálfstæðisflokksins sem að flokkurinn hafði haft í áratugi væri stærra, sem að endaði á að Samfylkingin fékk herbergið.[13] Það vakti athygli í febrúar 2025 þegar þingmaðurinn Jón Pétur Zimsen lýsti því yfir að áfastir tappar dragi úr lífsvilja.[14] Fylgi Sjálfstæðisflokksins hækkaði eftir kjör Guðrúnar Hafsteinsdóttur sem formanns en dalaði mikið stuttu eftir það. Í apríl 2025 komu upp kenningar um að Sjálfstæðisflokkurinn væri á bak við umdeildra „Exit" auglýsinga Samtaka fyrirtækja í sjávarútvegi, sem voru framleiddar af eiginmanni þingflokksformanns flokksins, Hildar Sverrisdóttur.[15] Í júní og júlí 2025 stóð stjórnarandstaðan fyrir málþófi gegn breytingum á veiðigjöldum, sem að frestaði þinglokum um vikur. Samkvæmt könnunum söguðust 65% landsmanna styðja ekki stjórnarandstöðuna.[5] Jón Steinar Gunnlaugsson fyrrum hæstaréttardómari og mikilvægur meðlimur í flokknum til margra ára kallaði málþófið skrípalæti og sagði minnihlutann þurfa að sætta sig við að stjórna ekki, því það væri lýðræðið.[16] Í ágúst 2025 sagði þingflokksformaðurinn Hildur Sverrisdóttir af sér vegna innanflokksátaka þar sem að hún var yfirlýstur stuðningsmaður Áslaugar Örnu, og var Ólafur Adolfsson valinn til að taka við.[17]
(F) Flokkur fólksins
Flokkur fólksins hefur setið í ríkisstjórn frá 2024 með Samfylkingunni og Viðreisn. Inga Sæland er enn formaður flokksins og gegnir nú embætti félagsmálaráðherra. Nokkur umdeild mál innan flokksins komu upp á kjörtímabilinu. Inga Sæland hlaut athygli í janúar 2025 þegar komst upp um að hún hefði hringt reið í skólastjóra skóla barnabarns síns og kvartað um týnd skópör og bent á valdastöðu sína í því samhengi.[18] Það hlaut mikla athygli þegar kom í ljós að flokkurinn væri skráður sem félagasamtök í stað stjórnmálaflokks og einnig vakti athygli þegar Sigurjón Þórðarson, þingmaður flokksins, lagði til að endurskoða ætti styrki til Morgunblaðsins eftir neikvæða umfjöllun blaðsins um flokkinn.[19][20] Í mars 2025 sagði Ásthildur Lóa Þórsdóttir, mennta- og barnamálaráðherra fyrir flokkinn, af sér embætti eftir að í ljós kom að þegar hún var 22 ára gömul átti hún barn með 16 ára dreng. Fylgi flokksins hefur dalað mikið frá síðustu kosningum.
(J) Sósíalistaflokkur Íslands
Sósíalistaflokkur Íslands bauð fram í annað sinn í alþingiskosningunum 2024. Þá var Sanna Magdalena Mörtudóttir borgarfulltrúi kosin nýr leiðtogi flokksins. Þrátt fyrir gott gengi í könnunum náði flokkurinn ekki manni inn í kosningunum. Sameining þeirra þriggja vinstri flokka sem ekki náðu manni inn á þing í síðustu kosningunum, það eru Sósíalistaflokkur Íslands, Píratar og Vinstri grænir, hefur verið rædd.[21] Mikil innanflokksátök áttu sér stað í flokknum í upphafi árs 2025. Í mars 2025 var Gunnar Smári Egilsson, stofnandi, fyrrverandi leiðtogi og formaður framkvæmdastjórnar flokksins, sakaður um ofríki og andlegt ofbeldi af forseta ungra Sósíalista.[22] Í apríl 2025 sagði Sólveig Anna Jónsdóttir, formaður Eflingar, sig úr flokknum vegna „yfirgengilega bilaðrar stemningar".[23] Þann 25. maí 2025 var Gunnar Smári kosinn úr stjórn flokksins og var Sæþór Benjamín Randalsson kosinn formaður framkvæmdastjórnar í hans stað.[24] Daginn eftir sagði Sanna Magdalena Mörtudóttir, leiðtogi flokksins, af sér sem leiðtogi, þrátt fyrir að hafa verið kosinn leiðtogi áfram af nýrri stjórn daginn áður.[25] Í júní 2025 var Gunnar Smári sakaður af nýrri stjórn um að hafa tæmt sjóði flokksins og að reka nýja stjórn úr húsnæði flokksins.[26]
(M) Miðflokkurinn
Miðflokkurinn hefur setið í stjórnarandstöðu frá árinu 2017 og er Sigmundur Davíð Gunnlaugsson enn formaður. Í apríl 2025 vakti athygli þegar Snorri Másson, þingmaður flokksins, gangrýndi kennslu um kynjafræði í skólum og kallaði hana pólitíska.[27] Lítil ánægja meðal landsmanna reyndist með málþófi stjórnarandstöðunnar gegn breytinga á veiðigjöldum í júní og júlí 2025 og reyndist óánægja með stjórnarandstöðuna vera 65% samkvæmt könnunum.[5] Í september 2025 vakti það athygli þegar að Snorri Másson lýsti yfir andstöðu yfir hinsegin fólki í Kastljósi.[28] Fjölmargir gagnrýndu Snorra þar á meðal Guðrún Karls Helgudóttir biskup Íslands, Hanna Katrín Friðriksson atvinnuvegaráðherra Viðreisnar, Dagur B. Eggertsson þingmaður Samfylkingarinnar og Einar Þorsteinsson oddviti Framsóknar og fyrrum borgarstjóri Reykjavíkur, sem að lagði fram tillögu um að Reykjavík myndi formlega harma orð Snorra í yfirlýsingu.[29][30] Snorri var síðan kjörinn varaformaður flokksins í október 2025 í varaformannsslag við þingkonuna Ingibjörgu Davíðsdóttur.[31]
(P) Píratar
Píratar duttu út af þingi í alþingiskosningunum 2024. Óljóst er því hvort flokkurinn bjóði aftur fram. Sameining þeirra þriggja vinstri flokka sem ekki náðu manni inn á þing í síðustu kosningunum, þ.e. Pírata, Sósíalistaflokksins og Vinstri grænna, hefur verið rædd.[21] Á aðalfundi flokksins í september 2025 var samþykkt að flokkurinn skyldi taka upp embætti formanns og varaformanns. Annar aðalfundur verður haldinn seinna um haustið til að kjósa í embættin.[32]
(S) Samfylkingin
Samfylkingin hlaut stórsigur í kosningunum 2024 og hlaut flest atkvæði allra flokka. Eftir kosningar myndaði flokkurinn ríkisstjórn með Flokki fólksins og Viðreisn, þar sem Kristrún Frostadóttir, formaður Samfylkingarinnar, tók við embætti forsætisráðherra. Fylgi flokksins hafði eykst mikið og í febrúar 2025 áskotnaðist flokknum borgarstjórastóllinn þegar Heiða Björg Hilmisdóttir gekk í embættið. Flokkur bætti á sig um tólf til fimmtán prósentum í könnunum frá síðustu kosningunum um sumarið 2025 eftir umdeilt málþóf stjórnarandstöðunnar um breytingar um veiðigjöld.[33]
(V) Vinstri hreyfingin – grænt framboð
Vinstri grænir duttu út af þingi í alþingiskosningunum 2024 eftir sjö ára setu í ríkisstjórn. Svandís Svavarsdóttir er enn formaður flokksins. Sameining þeirra þriggja vinstri flokka sem ekki náðu manni inn á þing í síðustu kosningunum, það eru Vinstri grænir, Sósíalistaflokkurinn og Píratar, hefur verið rædd.[21] Í maí 2025 lýsti Svandís því yfir að flokkurinn myndi starfa áfram og að hann byði fram í sveitarstjórnarkosningunum 2026.[34] Fylgi flokksins hefur aðeins eykst frá síðustu kosningunum.
Remove ads
Skoðanakannanir
| Fyrir: Alþingiskosningar 2024 |
Alþingiskosningar | Eftir: Alþingiskosningar 2032 |
Remove ads
Tilvísanir
Wikiwand - on
Seamless Wikipedia browsing. On steroids.
Remove ads