Pierre Laval

Pierre Jean-Marie Laval (28. júní 1883 – 15. október 1945) var franskur stjórnmálamaður. Hann var þingmaður og borgarstjóri Aubervilliers og nokkrum sinnum forsætisráðherra Frakklands í þriðja franska lýðveldinu.

Pierre Laval
Forsætisráðherra Frakklands
Í embætti 27. janúar 1931 – 20. febrúar 1932
Forseti	Gaston Doumergue Paul Doumer
Forveri	Théodore Steeg
Eftirmaður	André Tardieu
Í embætti 7. júní 1935 – 24. janúar 1936
Forseti	Albert Lebrun
Forveri	Fernand Bouisson
Eftirmaður	Albert Sarraut
Í embætti 18. apríl 1942 – 20. ágúst 1944
Þjóðhöfðingi	Philippe Pétain
Forveri	Philippe Pétain
Eftirmaður	Charles de Gaulle (sem forseti bráðabirgðastjórnar)
Persónulegar upplýsingar
Fæddur	28. júní 1883 Châteldon, Frakklandi
Látinn	15. október 1945 (62 ára) Fresnes, Frakklandi
Þjóðerni	Franskur
Stjórnmálaflokkur	Sósíalistar (1914–23) Óflokksbundinn (1923–45)
Maki	Jeanne Claussat (g. 1909)
Trúarbrögð	Kaþólskur
Börn	1
Undirskrift

Ásamt Philippe Pétain var Laval þekktasti stjórnandi Vichy-stjórnarinnar og fremstur meðal þeirra Frakka sem kusu að aðstoða hernámslið Þriðja ríkisins í Frakklandi. Laval var einn stofnenda Vichy-stjórnarinnar í júlí árið 1940 og var bæði varaforsætisráðherra og fyrirhugaður eftirmaður Pétain þar til hann var skyndilega leystur frá störfum þann 13. desember 1940. Hann kom aftur til valda sem ríkisstjórnarleiðtogi þann 18. apríl 1942 og gegndi því hlutverki til 19. ágúst 1944. Þann 22. júní 1942 flutti hann fræga ræðu þar sem hann sagði meðal annars: „Ég vona að Þjóðverjar vinni stríðið því annars mun bolsévismi festa rót alls staðar.“^[1]

Eftir að Frakkland var frelsað undan hernáminu var Laval handtekinn, ákærður og dæmdur til dauða fyrir landráð og samsæri gegn ríkinu af hæstarétti bráðabirgðastjórnar Frakklands^[2]. Hann var tekinn af lífi af skotsveit Frakka þann 15. október 1945.