ខេត្តវិបុលសង្គ្រាម

ខេត្តវិបុលសង្គ្រាម (សៀម : จังหวัดพิบูลสงคราม) គឺជាអតីតខេត្តរបស់សៀមពីឆ្នាំ ១៩៤១ ដល់ ១៩៤៦។ខេត្តនេះត្រូវបានបង្កើតឡើងបន្ទាប់ពីសៀមបានឈ្លានពានលេបយកទឹកដីរបស់ប្រទេសកម្ពុជា^[៣]ក្រោយសង្គ្រាមបារាំង-សៀមឆ្នាំ ១៩៤០-១៩៤១។ឈ្មោះរបស់ខេត្តនេះគឺយកតាមឈ្មោះរបស់លោកសេនាប្រមុខប្លែក វិបុលសង្គ្រាមដែលជានាយករដ្ឋមន្ត្រីសៀមនៅពេលនោះ។^[៤]ខេត្តនេះត្រូវបានរំលាយចោលហើយប្រគល់ទៅឲ្យបារាំងវិញនៅក្នុងឆ្នាំ ១៩៤៦។

ខេត្តវិបុលសង្គ្រាម จังหวัดพิบูลสงคราม
ខេត្តនៃប្រទេសសៀម
១៩៤១–១៩៤៦
ទង់ វរលញ្ឆករ
Location of Phibunsongkhram Province ផែនទីខេត្តវិបុលសង្គ្រាម(ពណ៌ខៀវ)
ទីរួម		ក្រុងសិរីសោភ័ណ
ប្រវត្តិសាស្ត្រ
•	សង្គ្រាមបារាំង-សៀម	០៩ ឧសភា ១៩៤១
•	សៀមប្រគល់ទឹកដីទៅឲ្យឥណ្ឌូចិនបារាំងវិញ[១][២]	១៧ វិច្ឆិកា ១៩៤៦
បច្ចុប្បន្ន ភាគនៃ		កម្ពុជា

ប្រវត្តិសាស្ត្រ

ខេត្តវិបុលសង្គ្រាម ត្រូវបានបង្កើតឡើងនៅក្នុងឆ្នាំ ១៩៤១ បន្ទាប់ពីបារាំងបានប្រគល់ទឹកដីខេត្តសៀមរាប(លើកលែងទីក្រុងសៀមរាបនិងប្រាសាទអង្គរវត្ត^[៥]) ខេត្តឧត្ដរមានជ័យ និង ខេត្តបន្ទាយមានជ័យទៅឲ្យសៀមក្រោយសង្គ្រាមបារាំង-សៀម។^{[៦][៧][៨]}

នៅក្រោមការដឹកនាំរបស់លោកសេនាប្រមុខប្លែក វិបុលសង្គ្រាមចាប់ពីឆ្នាំ ១៩៤១ ដល់ឆ្នាំ ១៩៤៦ ខេត្តបាត់ដំបងនិងខេត្តសៀមរាបរបស់ខ្មែរត្រូវបានបានប្ដូរឈ្មោះទៅជាភាសាសៀមព្រមទាំងឈ្មោះស្រុកនៅក្នុងខេត្តទាំង ០២ នេះផងដែរ។

នៅចុងឆ្នាំ ១៩៤១ លោកសេនាប្រមុខប្លែក វិបុលសង្គ្រាមបានធ្វើទស្សនកិច្ចទៅបណ្ដាខេត្តដែលខ្លួនទើបឈ្លានពានបានពីប្រទេសកម្ពុជាហើយនៅពេលនោះហើយដែលលោកសេនាប្រមុខប្លែក វិបុលសង្គ្រាមបានប្រកាសឲ្យផ្លាស់ប្ដូរឈ្មោះថ្មីជាភាសាសៀមជំនួសឲ្យឈ្មោះខេត្តជាភាសាខ្មែរសំខាន់ៗដូចជា ៖

• ខេត្តបាត់ដំបង ប្ដូរឈ្មោះទៅជាចង្វាតព្រះដំបង(จังหวัดพระตะบอง)ហើយសៀមក៏បានបង្កើតឲ្យមាននិមិត្តសញ្ញាខេត្តថែមទៀត

• ខេត្តសៀមរាប ប្ដូរឈ្មោះទៅជាចង្វាតវិបុលសង្គ្រាម(จังหวัดพิบูลสงคราม)ពោលគឺយកតាមឈ្មោះរបស់នាយករដ្ឋមន្ត្រីសៀមគឺប្លែក វិបុលសង្ក្រាមនោះឯង។ដោយសារសៀមស្អប់ណាស់ចំពោះឈ្មោះសៀមរាបនេះពីព្រោះជាឈ្មោះដែលរំលឹកដល់បរាជ័យនៃទ័ពសៀមដែលច្បាំងចាញ់កងទ័ពខ្មែរនៅស្ទឹងសៀមរាបនៅក្នុងរជ្ជកាលព្រះបាទច័ន្ទរាជានាសម័យលង្វែក

• ទឹកដីភាគខាងជើងខេត្តកំពង់ធំដែលជាអតីតខេត្តម្លូព្រៃ ទន្លេរពៅ និង ផ្នែកខ្លះនៃអតីតខេត្តកំពង់ស្វាយនោះត្រូវប្ដូរឈ្មោះទៅជាចង្វាតនគរចម្ប៉ាស័កិ្ត(จังหวัดนครจัมปาศักดิ์)។

ខេត្តវិបុលសង្គ្រាម ត្រូវបានរំលាយចោលនិងប្រគល់ទៅឲ្យឥណ្ឌូចិនបារាំងវិញនៅក្នុងឆ្នាំ ១៩៤៦ បន្ទាប់ពីរដ្ឋាភិបាលបណ្តោះអាសន្ននៃសាធារណរដ្ឋបារាំងបានប្រើប្រាស់សិទ្ធិវ៉ីតូដើម្បីគំរាមកំហែងនិងរារាំងមិនឲ្យសៀមចូលជាសមាជិករបស់អង្គការសហប្រជាជាតិបានឡើយ។

រដ្ឋបាល

ខេត្តវិបុលសង្គ្រាម ត្រូវបានរដ្ឋអំណាចសៀមចែកចេញជា ០៦ ស្រុក(អាំភើ)ដោយយកស៊ីសុផុន(ក្រុងសិរីសោភ័ណ ខេត្តបន្ទាយមានជ័យ)ធ្វើជាទីរួមខេត្ត ៖

ផែនទីប្រទេសសៀមអំឡុងសង្គ្រាមលោកលើកទី ០២ ជាភាសាជប៉ុនឆ្នាំ ១៩៤៣

លេខរៀង	ឈ្មោះភាសាខ្មែរ	ឈ្មោះអក្សរឡាតាំង	ឈ្មោះភាសាសៀម	ឈ្មោះត្រូវនឹងប្រទេសកម្ពុជា
០១	ផៃរីរ៉ាយ៉តេជ	Phairirayodet	ไพรีระย่อเดช	ស្រុកពួក
០២	កាល័នថា ប៊ូរី	Kalantha Buri	กลันทบุรี	ស្រុកក្រឡាញ់
០៣	ព្រហ្ម ខ័ណ្ឌ	Phrom Khan	พรหมขันธ์	ស្រុកចុងកាល់
០៤	គ្រាំងសាក់ភីឈីត	Kriangsakphichit	เกรียงศักดิ์พิชิต	ក្រុងសំរោង
០៥	វ៉ារី សែន	Wari Saen	วารีแสน	ស្រុកវ៉ារិន
០៦	ចម ក្រាសាន្ត	Chom Krasan	จอมกระสานติ์	ស្រុកជាំក្សាន្ត