Јордан Витанов

Јордан Витанов (Велес, 13 јануари 1958 ) — македонски театарски и филмски глумец и режисер.

Јордан Витанов
Роден	13 јануари 1958(1958-01-13) (67 г.) Велес, НР Македонија, ФНРЈ
Националност	Македонец
Народност	Македонец
Познат	по улогата во: Погрешно време Јас сум од Титов Велес Проколнати На Балканот не се пие чај Македонски народни приказни Последниот Македонец
Занимање	глумец
Деца	Ненад Витанов

Животопис

Витанов е роден на 13 јануари 1958 година во тогашен Титов Велес^[1]. Живее и работи во Велес, а по родителите води потекло од велешките села Грнчиште каде особено ја помогнал обновата на селската црква^[2] и Горно Чичево. Дипломирал на отсекот за глумечка игра на Факултетот за драмски уметности во Скопје во 1986 година. Од 1987 година, тој е член на Народниот театар „Јордан Хаџи Константинов Џинот“ во Велес^[1], каде во два мандата (1999-2002 и од 2006-2017) бил и директор на истиот^[3]. Покрај во театарот, остварил улоги и во повеќе играни филмови и телевизиски серии.

Од многуте забележителни остварувања посебно треба да бидат истакнати улогите на Содо Арамијата во претставата „Крчма на патот за Јевропа“ од Жанина Мирчевска, во режија на Коле Ангеловски. За оваа улога Јордан Витанов ја добил наградата за најдобра машка улога на Театарскиот фестивал „Војдан Чернодрински“ во Прилеп. Добитник е на награда за најдобра машка улога на Меѓународниот театарски фестивал „Боспорски Агони“ во Керч, Украина, за улогата на ликот Филоктет во истоимената претстава, во режија на Мето Јовановски. Јордан Витанов е добитник и на Деветоноемвриска награда на Општина Велес. Покрај на матичната сцена, остварувал и повеќе ангажмани во други театарски куќи низ државата^[4].

Филмографија

Година	Филм	Улога
1986	Среќна нова '49 ТВ-филм
1989	Кога меракот пее ТВ-серија
1991	Македонија може ТВ-серија
1993	Еурека ТВ-серија
1994	Пред дождот ТВ-филм	Полицаец
1994	Проколнати ТВ-филм	Војвода
1995	Заборавени ТВ-филм	Калуѓерот
1998	На Балканот не се пие чај ТВ-филм
2000	Погрешно време ТВ-серија	Блаже
2001	Прашина ТВ-филм
2003	Последниот фалцер ТВ-филм	Абдула
2004	Големата вода ТВ-филм	Војник
2005	Крчма на патот кон Европа ТВ-филм
2006	Мост ТВ-филм	Огнен
2007	Јас сум од Титов Велес ТВ-филм
2007	Елегија за тебе ТВ-филм	Бане
2007	Цимери ТВ-серија
2010-2013	Македонски народни приказни ТВ-серија
2013-2014	Тврдокорни ТВ-серија	Јанаки
2014	До балчак ТВ-филм	Трговец
2014-2015	Македонски народни приказни ТВ-серија
2015	Последниот Македонец ТВ-филм	Вангел
2018	Ругање со Христос ТВ-филм	Генерал
2022	Куќен притвор ТВ-серија	Војник 1
2022-2023	Бистра вода ТВ-серија	Академикот
2023-2025	Македонски стари приказни ТВ-серија
2025	Утре наутро ТВ-филм	Тренерот
2025	Утре Наутро ТВ-серија	Тренерот

Награди и признанија

• Награда за најдобра машка улога на Театарскиот фестивал „Војдан Чернодрински“ во Прилеп за улогата на ликот Содо арамијата во претставата „Крчма на патот за Европа“
• Добитник на наградата за најдобра машка улога на Меѓународниот театарски фестивал „Боспорски Агони“ во Керч Украина
• Награда за главна машка улога за улогата на ликот Благој во претставата „Ноќите во Бел Сатен“ на Театарскиот фестивал „Војдан Чернодрински“
• Награда „9 Ноември“ на Општина Велес.
• Награда „Петре Прличко“
• Награда за животно дело „Војдан Чернодрински“