Азис Положани

Азис Положани (роден на 15 февруари 1957 година во Ливада) — македонски професор, доктор и политичар.

Азис Положани
Министер за образование и наука
На должноста 1 ноември 2002 – 6 јули 2006
Премиер	Бранко Црвенковски Хари Костов Владо Бучковски
Претходник	Ненад Новковски
Наследник	Сулејман Рушити
Лични податоци
Роден(а)	15 февруари 1957 Ливада, НР Македонија, ФНРЈ
Националност	Македонец
Народност	Албанец
Партија	ДУИ
Установа	Медицински факултет - Приштина

Животопис

Положани дипломирал на Медицинскиот факултет во Приштина во 1980 година. Последипломски студии и специјализација завршил во Загреб во 1988 година, а субспецијалистички студии во Швајцарија во 1991 година.

Од 1983 до 1990 година, тој работел на Медицинскиот факултет во Приштина. Од 1998 до 2002 година, тој бил пратеник во Собранието на Република Македонија. Автор е и соавтор на повеќе од двесте научни и професионални студии од областа на медицината.^[1]

Функцијата Министер за образование и наука ја извршувал од 1 ноември 2002 до 6 јули 2006 година.^[2]