Аљинце

Аљинце — село во Општина Старо Нагоричане, во областа Средорек, во околината на градот Куманово.

Аљинце
Аљинце Местоположба на Аљинце во Македонија Аљинце на карта
Координати 42°12′33″N 21°59′57″E
Регион	Североисточен
Општина	Старо Нагоричане
Област	Средорек
Население	22 жит. (поп. 2021)[1]
Пошт. бр.	1302
Повик. бр.	031
Шифра на КО	17004
Надм. вис.	926 м
Аљинце на општинската карта Атарот на Аљинце во рамките на општината
Аљинце на Ризницата

Географија и местоположба

Населбата се наоѓа на територијата на Општината Старо Нагоричане. Аљинце е населба од разбиен тип, чии маала се наоѓаат на надморска височина од 480 до 720 метри. Од главниот пат Куманово-Крива Паланка населбата е оддалечена 8,8 км, а од централното место Куманово 31 км.

Историја

Стопанство

Атарот зафаќа простор од 10,5 км2. Најголема површина заземаат на 646,1 ха, потоа следи обработливото земјиште на површина од 304,9 ха, додека на шумите отпаѓаат само 26,1 ха. Селото има полјоделско-сточарска функција.^[2]

Население

Население во минатото

Година Нас. ±% 1948 372 —     1953 395 +6.2% 1961 374 −5.3% 1971 314 −16.0% 1981 154 −51.0%	Година Нас. ±% 1991 92 −40.3% 1994 79 −14.1% 2002 38 −51.9% 2021 22 −42.1%

Според германска карта издадена во 1941 година, а заснована на пописот на Кралството Југославија од 1931 година, селото имало 400 Македонци.^[3]

Аљинце е зафатено со одредена иселување на населението, такашто бројот на населението се намалил од 374 жители во 1961 година, на 79 жители во 1994 година.

Според пописот од 2002 година, во селото Аљинце имало 38 жители, сите Македонци.^[4]

Според последниот попис од 2021 година, во селото живееле 22 жители, од кои 19 Македонци и 3 лица без податоци.^[5]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	385	344	372	395	374	314	154	92	79	38	22

Извор за 1900 г.: Македонија. Етнографија и статистика.^[6]; за 1905 г.: La Macédoine et sa Population Chrétienne.^[7]; за 1948-2002 г.: Државен завод за статистика на РМ.^[8]; за 2021 г.: Државен завод за статистика на РМ.^[9]

Родови

Алинце е македонско село.

Според истражувањата од 1971 година, родови во селото се:

• Староседелци: Староселци (12 к.) Потекнуваат од овчар кој преживеал по пустошењето на старото село. Џамбасци (9 к.) гранка се од претходниот род.
• Доселеници: Грујинци (10 к.), Градиштанци (6 к.), Трлци (6 к.) и Јабучанци (13 к.) доселени се, но не знаат од каде се. Во првиот род се знае следното родословие: Стојче (жив на 67 г. во 1971 година) Милан-Анѓел-Смилко.^[10]

Личности

Личности родени во Аљинце:

• Косара Петрова Георгиевска — учесник во НОВ на Македонија

Културни и природни знаменитости

Археолошки наоѓалишта

• Коселица - населба од римското време^[11]

Иселеништво

Џамбасци се иселени во Брешко. Костадинови, Мацанци, Доданци, Прчовчани, Јованови и Павлеви се иселени во пониското село Канарево. Алинчани се иселени во Макреш. Антинци се иселени во Облавце. Шопови се иселени во Вак'в. Иселеници од Алинце има и на следните места. Глогоњ кај Панчево, Куманово, Скопје, Бор и Белград.^[10]