Билјана Беличанец-Алексиќ

Билјана Беличанец-Алексиќ (25 јули 1973 во Скопје — 6 април 2019 во Скопје)^[1] — македонска театарска, телевизиска и филмска глумица.^[2] Во периодот од 2013 до 2017 година ја извршувала функцијата градоначалник на Општина Кисела Вода.^[3]

Билјана Беличанец-Алексиќ
Родена	Билјана Беличанец 25 јули 1973 Скопје, СР Македонија, СФРЈ
Починала	6 април 2019(2019-04-06) (возр. 45)[1] Скопје самоубиство
Националност	Македонка
Народност	Македонка
Позната	по улогата во: Од денес за утре Мајки
Занимање	глумица градоначалник на Општина Кисела Вода
Татко	Симон Беличанец

Животопис

Беличанец е родена на 25 јули 1973 во Скопје. Ќерка е на познатиот водител на манифестации, Симон Беличанец. Во 1994 година дипломирала како најмлад глумец на Факултетот за драмски уметности при Универзитетот „Св. Кирил и Методиј“ во Скопје и истата година се вработила во Народниот театар „Војдан Чернодрински“ во Прилеп, каде претежно играла главни улоги за кои подоцна добива награди и признанија. Во 1997 година се вработила во Драмски театар - Скопје. Има остварено бројни главни и споредни улоги во повеќе театарски проекти во Драмски театар и други установи и проекти.^[4] Во 2012 година го добила признанието „Мајка Тереза“.

Смрт

На 6 април 2019 година била пронадена мртва во стан во Скопје. Според полицијата, се работело за самоубиство.

Филмографија

Година	Филм	Улога
1992	Македонски народни приказни ТВ-серија
1994	Сон предизвикан од летот на калинка, пред да се разбуди ТВ-филм
1995	Во светот на бајките ТВ-серија
1997-2000	Македонски народни приказни ТВ-серија
1998	Денес, утре ТВ-филм	Жената
2000	Мајка Тереза ТВ-филм
2000	Погрешно време ТВ-серија	Верче
2007	Сенки ТВ-филм
2010	Мајки ТВ-филм	Продавачка
2010-2011	Од денес за утре ТВ-серија	Цветанка