Виничка Кршла

Виничка Кршла — село во Општина Виница, во околината на градот Виница.

Виничка Кршла
Виничка Кршла Местоположба на Виничка Кршла во Македонија Виничка Кршла на карта
Координати 41°53′53″N 22°33′37″E
Регион	Источен Регион
Општина	Виница
Население	58 жит. (поп. 2021)[1]
Пошт. бр.	2310
Повик. бр.	+38933
Шифра на КО	05003
Надм. вис.	472 м
Виничка Кршла на општинската карта Атарот на Виничка Кршла во рамките на општината
Виничка Кршла на Ризницата

Географија и местоположба

Селото Виничка Кршла, се наоѓа на североисточната страна на градот Виница, селото е распрскано на поголема територија над реката Драгобраштица. Од централното градско подрачје е оддалечено 5 км. Селото, односно Кршлата, по која го носи името започнува од источниот излез на градот.^[2]

Население

Население во минатото

Година Нас. ±% 1948 147 —     1953 302 +105.4% 1961 393 +30.1% 1971 378 −3.8% 1981 212 −43.9%	Година Нас. ±% 1991 134 −36.8% 1994 119 −11.2% 2002 99 −16.8% 2021 58 −41.4%

Според статистиката на Васил К’нчов („Македонија, Етнографија и статистика“) од 1900 година, во Виничка Кршла живееле 100 жители, сите Македонци.^[3] Според егзархискиот секретар Димитар Мишев, во 1905 година во Виничка Кршла имало 112 Македонци, под врховенството на Бугарската егзархија.^[4]

Според пописот во 2002 година во селото живееле 99 жители Македонци.^[5]

Според последниот попис од 2021 година, во селото живееле 58 жители, од кои 57 Македонци и 1 лице без податоци.^[6]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	100	112	147	302	393	378	212	134	119	99	58

Извор за 1900 г.: Македонија. Етнографија и статистика.^[7]; за 1905 г.: La Macédoine et sa Population Chrétienne.^[8]; за 1948-2002 г.: Државен завод за статистика на РМ.^[9]; за 2021 г.: Државен завод за статистика на РМ.^[10]

Родови

Виничка Кршла е македонско село.

Според истражувањата од 1959 година, родови во селото се:

• Доселеници: Јуруци (8 к.), Мечкарци (4 к.), Газарци (3 к.) и Ташовци (1 к.) првите три рода се најстари во селото, доселени се однекаде; Газарци (5 к.), Насевци (3 к.) и Анаќијовци (2 к.) доселени се од селото Драгобраште; Божанци (4 к.) доселени се од селото Илиово кај Делчево. Го знаат следното родословие: Блажо (жив на 49 г. во 1959 година) Ефтим-Арсо, кој се доселил во селото; Туријчани (2 к.) доселени се од селото Турија кај Делчево; Трајановци (2 к.) и Чакалци (1 к.) доселени се од селото Грљани; Митрашинци (1 к.) доселени се од селото Митрашинци кај Берово; Катанци (3 к.) доселени се од селото Дулица кај Македонска Каменица.^[11]

Самоуправа и политика

Избирачко место

Во селото постои избирачкото место бр. 314 според Државната изборна комисија, сместени во просториите на основното училиште.^[12]

На претседателските избори во 2019 година, на ова избирачко место биле запишани вкупно 50 гласачи.^[13]

Културни и природни знаменитости

Археолошки наоѓалишта^[14]

Во селото има повеќе археолошки наоѓалишта од античкиот римски период, кои се под надлежност на Виничкиот музеј.^[15]

• Барбашки Дол — некропола и тумули од железното време.
• Вршник — могила од римското време.
• Градиште 1 — некропола и тумули од железното време.
• Градиште 2 — утврдена населба од железното време и доцноантичкото време.
• Ѓафурски Лозја — населба од римското време.
• Кршлански Гумења — некропола од железното време.
• Могила — населба и могила од римското време.
• Русалски Гробишта — некропола од железното време.
• Сушица — населба и некропола од римското време.
• Коколов Рид — населба од раното и доцното бронзено време и железно време;^[16]

Култура и спорт

Во селото постои основно училиште.

Галерија