Добрача

Добрача — село во Општина Старо Нагоричане, во областа Козјачија, во околината на градот Куманово.

Добрача
Добрача Местоположба на Добрача во Македонија Добрача на карта
Координати 42°13′13″N 21°53′39″E
Регион	Североисточен
Општина	Старо Нагоричане
Област	Козјачија
Население	49 жит. (поп. 2021)[1]
Пошт. бр.	1302
Повик. бр.	031
Шифра на КО	17029
Надм. вис.	500 м
Добрача на општинската карта Атарот на Добрача во рамките на општината
Добрача на Ризницата

Население

Население во минатото

Година Нас. ±% 1948 230 —     1953 255 +10.9% 1961 246 −3.5% 1971 184 −25.2% 1981 155 −15.8%	Година Нас. ±% 1991 100 −35.5% 1994 92 −8.0% 2002 76 −17.4% 2021 49 −35.5%

Според германска карта издадена во 1941 година, а заснована на пописот на Кралството Југославија од 1931 година, селото имало 150 Македонци.^[2]

Според пописот од 2002 година, во селото Добрача имало 76 жители, од кои 75 Македонци и 1 Србин.^[3]

Според последниот попис од 2021 година, во селото живееле 49 жители, од кои 43 Македонци, 1 Албанец и 5 лица без податоци.^[4]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	150	254	230	255	246	184	155	100	92	76	49

Извор за 1900 г.: Македонија. Етнографија и статистика.^[5]; за 1905 г.: La Macédoine et sa Population Chrétienne.^[6]; за 1948-2002 г.: Државен завод за статистика на РМ.^[7]; за 2021 г.: Државен завод за статистика на РМ.^[8]

Родови

Добрача е македонско село.

Според истражувањата од 1971 година, родови во селото се:

• Староседелци: Дулутовци (4 к.), Бајдовци (4 к.), Царци (3 к.), Трајановци (9 к.) и Велковци (7 к.) сите родови потекнуваат од двајца браќа кои се викале Ристо и Велко, и кои преживеале по пропаста на старото село. Во родот Велковци се знае следното родословие: Постол (жив на 65 г. во 1971 година) Манасија-Анто-Илија-Ристо.^[9]

Личности

Личности родени во Добрача:

• Лена Антевска — учесник во НОВ на Македонија и носител на Орден заслуги за народ (II ред).

Културни и природни знаменитости

Цркви

• Црква „Св. Дух“ од почетокот на XVII век

Археолошки наоѓалишта^[10]

• Горно Селиште ― населба од средниот век

Иселеништво

Добрача до 1944 година пораснала до 40 домаќинства. А потоа настанало големо иселување на населението. Населението почнало да се иселува во Глогоњ кај Панчево (околу 4 семејства), Куманово, Скопје и Белград.

Постари иселеници по селата се. Добрачани се иселени во селото Опае. Бачковци во Горно Коњаре. Китановци во Бедиње.^[9]